A̱filibiyawa 3:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ A̱tsak a̱lyiat, n kyiak kuzang kyang nang n dyin a̱ni, ku yet a̱buk kyang wa; ka̱ n tyan nhu ma̱ng a̱gba̱ndang kpangti̱n nang n shya̱ di̱ lyen Yesu Kristi, A̱tyoli nung wu a̱ni. Da̱nian khwi Kristi hwa, nang n ji̱p kuzang kyang. N si̱ kyiak kuzang kyang nang a̱tong a̱ni, da̱nian n ka nkhwi Kristi mi̱ swat nung hu,

A̱filibiyawa 3:8 Iomraidhean Croise

Luka 1:43

Kwot! A̱nyan wa nang n gyet nang a̱yang A̱tyoli nung bai a̱ byiat nung; a̱wot a̱ nwuak nung tangka̱i a̱gba̱ndang shi huni?

Luka 11:20

A̱wot ki̱ n khai á̱ka̱tuk ntswá ba̱ ghwut ma̱ á̱niet ma̱ng chet A̱gwaza hwa; ku tak nang Tyok A̱gwaza hu ka̱n bai da̱ a̱vwuo nyin.

Yoona 14:20

A̱tuk a̱kyakya nang nyi na ndyen nang nung nshya̱ mami A̱tyia̱ nung; nyin, nyi si̱ ma nshya̱ mami nung; nung mameang, n si̱ ma shya̱ mami nyin.

Yoona 14:7

Ka̱ nyi wa lyen nung, si̱ nyi lyen A̱tyia̱ nung wu mameang. Di̱ yong huni si̱ nat á̱zanson, nyi na lyen gu za̱m! A̱wot nyi wa ka̱n di ngguu.”

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 20:13

Ba̱ si̱ lyip gu nyia̱, “A̱byii̱k, yihwa mbyia̱ nang a ntwei?” A̱ si̱ nyia̱, “Ba̱ kyiak kwom a̱tyoli nung wu á̱ doot ndyo! A̱wot ndyen tyan ji ba̱ si̱ nsak hu a̱ni bah!”

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Nta̱m A̱yaata̱m 20:24

A̱mgba̱m ma̱ng a̱nia, n kyiak swuan nung ji ji̱ yet kyang bah. Ta̱m nang A̱tyoli Yesu nwuak nung n nyia̱ a̱ni, huhwa nang n chat n tyak; n shei A̱sham Nkhang tazwa a̱gba̱ndang shok A̱gwaza.

A̱romawa 8:18

A̱tsak a̱lyiat, a̱bung ka zi̱ swuo mi̱ jen jini a̱ni, á̱ si̱ mi̱n tyan ka ma̱ng a̱kyenkyai shi wu nang á̱ na tyai nzi̱t ndyo á̱zanson a̱ni bah.

A̱romawa 8:39

ku kuzang tangka̱i tyok ma̱ gbang mi̱ kyai tswazwa, ku ntyok ma̱ a̱tsuung a̱byin mi̱ swanta. A̱tsak a̱lyiat, ku kuzang kyang nang A̱gwaza mat a̱ni, ku maai mi̱ maai ku vwuong A̱gwaza chat zi̱t hu nang gu tyai da̱ a̱vwuo Kristi Yesu, A̱tyoli nzi̱t wu a̱ni bah.

1 A̱korontiyawa 2:2

Mat jen nang n ku nshya̱ ma̱ng a̱nyin a̱ni, n ku kyiak mi̱ fwuo nung hu n bwung kuzang kyang, da̱nian n shei á̱lyiat tazwa Yesu Kristi ma̱nyin gu; nggu wa nang á̱ ku kpang da̱ a̱team a̱khwu wu.

1 A̱korontiyawa 9:10

Mee nzi̱t bya gu lyiat tazwa nzi̱t a? A̱tsak a̱lyiat, da̱nian nzi̱t kya nang á̱ ndyuut a̱lyiat nani, nyia̱ ku myim a̱tyu khap ma̱ng a̱tyu swuai yak, ba̱ ntyia̱ nfwuo shya̱ a̱kwonu mbaa, di̱ yak nang ba̱ kap a̱ni.

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.

A̱ga̱la̱tiyawa 1:16

A̱wot ku si̱ myim A̱gwaza, a̱ si̱ tyai Nggwon nggu ka da̱ a̱vwuo nung, da̱nian n ka shei A̱sham Nkhang Yesu ka da̱ a̱vwuo Nnwap na̱ nwai yet A̱yahudawa a̱ni. Nang ku ndi a̱nia a̱ni, n si̱ nghan chat a̱tyubishyi a̱ beang nung a̱ tyia̱ nung a̱lyiat bah.

A̱fisawa 4:13

Da̱nian a̱mgba̱m nzi̱t, zi̱ ya a̱son zi̱ shya̱ mun á̱pyia̱ di̱ nwuak a̱chuchuk nzi̱t hu. Zi̱ mbeang lyen Yesu a̱ yet Nggwon A̱gwaza ka a̱ni. A̱jawa zi̱ na ngyet a̱yaatat á̱ghyi á̱niet khwi di̱ mun á̱pyia̱ ma̱ng Kristi. A̱wot zi̱ na tai za̱kwa Kristi a̱ yet a̱jhyem ma̱ng a̱tsatsak a̱ni.

A̱filibiyawa 1:1

Nung Bulut, nung gwa n dyuut nyin wusika jini, n shya̱ ndung ma̱ng Timoti, zi̱ yet á̱khwo Kristi Yesu a̱ni. N dyuut wusika jini da̱nian n ka byiat a̱mgba̱m a̱za̱za̱rak sot á̱niet khwi A̱gwaza ba, ba̱ shya̱ ma̱ a̱keang Filibi, ba̱ mun á̱pyia̱ ma̱ng Kristi Yesu a̱ni; ma̱ng a̱yaakwak a̱son á̱niet khwi ba, mbeang á̱niet ba̱ beang nta̱m sot á̱niet khwi na a̱ni.

A̱filibiyawa 3:10

Kyang nang n chat n dyen swak a̱ni, huhwa yet; n dyen Kristi ma̱ a̱pyia̱ nggu ma̱ng chet nang gu ndoot ma̱ng swuan ma̱ á̱niet ba̱ ka̱n kwi a̱ni. N chat n dyen nggu; n bu mun a̱pyia̱ ma̱ng a̱nggu mami swuo a̱bung nggu hu; n bu ntai nggu di̱ si̱sak ji nang gu nkhwu a̱ni.

A̱filibiyawa 3:12

N fa n wa ka̱n shya̱ nkyang nani nang n chat wa a̱ni bah, ku á̱ ka̱n tyia̱ n gyet a̱tsatsak a̱yin da̱ a̱ lyin kyang a̱ni bah. Da̱ a̱kwonu a̱kya, n kwan wa ba̱t n gya a̱son n ka ntai Kristi Yesu; huhwa yet jat nang gu nkhai nung a̱ni.

A̱filibiyawa 3:7

N ku nfa di̱n jen a̱ja, n na shya̱ kpangti̱n di̱ nkyang nani. A̱wot ma̱ninika, n kyiak na na̱ yet á̱buk nkyang wa, mat nta̱m nang Kristi nyia̱ nung ndyo a̱ni.

2 Timoti 4:6

Da̱ a̱vwuo nung, ku li á ngyei jen nyia̱ nang á̱ na neap nung nang za̱nang a̱ni, mat jen nang n na nkat a̱ni, nyia̱.

Ibriniyawa 3:14

Mat ki̱ zi̱ nyia̱ tsotswat si̱ nat sangba̱p swuan nzi̱t ji, zi̱ si̱ yong mi̱ chet di̱ nwuak fwuo da̱ A̱gwaza, ma̱nang zi̱ ku ntsa nwuak fwuo hu a̱ni; a̱mgba̱m nzi̱t, zi̱ na yet á̱kpa̱ndang ta̱m zi̱ ya gado dundung ma̱ng Kristi.

1 Bitut 2:7

Ma̱ninika, da̱ a̱vwuo nyin á̱niet ba̱ nwuak fwuo da̱ Kristi a̱ni, nyi fi̱k nang a̱fang kani ngyet a̱si̱ ka nang á̱ chyin a̱ni. A̱wot da̱ a̱vwuo á̱niet ba̱ lak nwuak fwuo da̱ nka a̱ni, ba̱ fi̱k bah, ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱fang nang á̱niet nok ba lak a̱ni, kikya yet a̱tsatsak a̱fang a̱ta̱m kuntyin nok nang á̱ kpaat a̱ni.”

2 Bitut 1:2

Yok A̱gwaza a̱ ya a̱son ma̱ng fwuong shok nyin, ma̱ng nwuat nyin swat nyinyang nang nyi mban gba̱mgbam mi̱ lyen A̱gwaza ma̱ng Yesu a̱ yet A̱tyoli nzi̱t wu a̱ni.

2 Bitut 1:3

Mat chet A̱gwaza hwa, nang Yesu nnang zi̱t kuzang kyang nang zi̱ chat mi̱ swat khwi ku myim gu a̱ni. Zi̱ ka̱n san kuzang kyang mat si̱sak nang zi̱ ndyen gu a̱ni. Nggu wa yorong zi̱t da̱ a̱vwuo nggu zi̱ shya̱ shi ma̱ng yet a̱tan nggu hu, ku swak si̱ konyan a̱ni.

2 Bitut 1:8

Ma̱nang nyi mban ma̱ng ntangka̱i za̱kwa nani gba̱mgbam a̱ni, ma a̱nia wa ku na tyia̱ nyi nyia̱ ta̱m shansham, nyi mban ma̱ng a̱fi̱ng di̱ lyen Yesu Kristi, A̱tyoli nzi̱t wu.

2 Bitut 3:18

Da̱ a̱kwonu a̱kya, nyi ya a̱son ma̱ng mban hwa mami shok ma̱ng lyen A̱tyoli Yesu Kristi A̱tyusan nzi̱t wu. Yok a̱kyenkyai shi a̱ yet si̱ nggu ma̱nini, ba̱ng si̱ nat sang sangba̱p! Samba̱rka!

1 Yoona 1:3

A̱lyiat Nswuan a̱nia, nang zi̱ ka̱n di zi̱ si̱ bu fa̱k a̱ni, ni̱nia nang zi̱ shei nyin, da̱nian nyi ka mun á̱pyia̱ ma̱ng a̱nzi̱t. A̱wot zi̱ mun á̱pyia̱ dundung ma̱ng A̱tyia̱ nzi̱t wu a̱ yet A̱gwaza a̱ni, mbeang Nggwon nggu ka, Yesu Kristi.

1 Yoona 2:19

Á̱niet lak li Kristi bani ghwut mi̱ susot á̱niet khwi nzi̱t ji ja. A̱wot ba̱ ku shya̱ ndung ma̱ng a̱nzi̱t bah. Ka̱ á̱ wa nyia̱ ba̱ ku shya̱ ndung ma̱ng a̱nzi̱t, si̱ ba̱ na ya a̱son dundung ma̱ng a̱nzi̱t. Nang ba̱ nghwut, ba̱ si̱ ghwon nzi̱t a̱ni, si̱ huni tak kpa̱sai da̱nang ba̱ za ku nshya̱ ndung ma̱ng a̱nzi̱t bah.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.