A̱filibiyawa 3:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ N ku nfa di̱n jen a̱ja, n na shya̱ kpangti̱n di̱ nkyang nani. A̱wot ma̱ninika, n kyiak na na̱ yet á̱buk nkyang wa, mat nta̱m nang Kristi nyia̱ nung ndyo a̱ni.

A̱filibiyawa 3:7 Iomraidhean Croise

Matyu 16:26

Yihwa na yet kpangti̱n a̱tyubishyi, ka̱ a̱ shya̱ a̱mgba̱m nkyang mi̱ swanta na, a̱wot a̱ si̱ nwai swuan nggu ji? Kee yihwa a̱tyubishyi na nwuak ku maai yet zang swuan nggu ji?

Ma̱rkut 10:50

A̱tyu a̱fi̱fan wu si̱ ti̱n a̱godo nggu wu a̱ ta. A̱ si̱ tyia̱ kwak a̱ nat da̱ a̱vwuo Yesu.

Luka 14:26

“Ka̱ a chat a yet nggwon ta̱m nung, ku myim a chat nung ba̱t swaak a̱tyia̱ ang wu, a̱yang ang wu, a̱byii̱k ang wu, á̱na̱nyiuk ang ba, mbeang swuan ang ji mameang. Ka̱ a̱nia wa bah, a maai a yet nggwon ta̱m nung bah.

Luka 14:33

“Mat a̱nia, n hyia̱ ma̱ng a̱nyin; ka̱ nyi ghwon zwá nyin ji, nyi si̱ khwi nung bah, nyi maai nyi yet mman ta̱m nung bah.

Luka 16:8

“A̱tyu nzwá wu si̱ chyin byia̱k nggu ji ji̱ sang a̱chuchuk wu a̱ni; mat nang gu ndi si̱sak ji nang byia̱k ji nnyia̱ mumwang da̱ a̱bwuang wu a̱ni. “A̱tsak a̱lyiat, á̱niet swanta bani byia̱ mumwang di̱ nyia̱ nta̱m ma̱ng á̱ghyang a̱ swak á̱niet ba̱ shya̱ mi̱ sai hu a̱ni.

Nta̱m A̱yaata̱m 27:38

Nang konyan ngya kyayak hu a̱ si̱ swa a̱ni, a̱jawa a̱niet luk kukwon a̱wak ba si̱ ghyuai nkpa̱t na mi̱ kukwon a̱wak hu, da̱nian ku ka tyia̱ hyohyoot. Huhwa ba̱ si̱ kwok a̱yaashasha a̱lka̱ma nang ba̱ pyia̱t mi̱ kukwon a̱wak hu a̱ni, ba̱ si̱ weam ma̱ a̱sa̱khwot na.

Ibriniyawa 11:26

Musa ku nyia̱ a̱di̱dam nang ku ngyet a̱ swak á̱ nyia̱ nggu lihyat da̱nian Kristi, nang gu na shya̱ zwá ma̱ a̱byin Ma̱sa̱r a̱ni; mat nang gu nnwuan a̱gba̱ndang zang nang gu na shya̱ á̱zanson a̱ni.