A̱filibiyawa 3:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ N ku ntyia̱ a̱lyia̱ ba̱t di̱ khwi doka ma̱ng taada A̱yahudawa ji cha̱chaat. Mat a̱nia, n sii ya̱shuk susot á̱niet khwi Kristi ji da̱ a̱ka̱kpa̱t. A̱wot tazwa khwi doka ji tsotswat, n si̱ mbyia̱ a̱bun bah.

A̱filibiyawa 3:6 Iomraidhean Croise

Matyu 23:25

“Ku swan nyin á̱niet tyiet doka A̱gwaza ma̱ng A̱fa̱risawa! Nyin á̱bubuk á̱niet! Nyi ni̱ ta̱bam, nyi kwi nta a̱kashyi ji ma̱ng a̱ka̱gba wu. A̱wot nyi ghwon mami ka ma̱ng a̱na̱ndyung. Ma a̱nia wa, nyi ngyet a̱sham ka nta. A̱wot a̱mami nfwuo nyin na, na̱ nhyat tyentyang ma̱ng wuwok ma̱ng chat a̱pyia̱!

Matyu 5:20

“A̱wot n tak nyin; ka̱ tsotswat nyin hu swak si̱ A̱fa̱risawa hu ma̱ng á̱niet tyiet doká ba bah, a̱tsak a̱lyiat; nyi si̱ mi̱n mak nwuo Tyok Ma A̱gwaza tswazwa hu bah.

Luka 1:6

Mba a̱feang si̱ yet á̱niet nyia̱ tsotswat bya a̱zaghyi A̱gwaza. Ba̱ si̱ ta̱bam á̱ khwi a̱mgba̱m doká ma̱ng nkyang nang A̱gwaza chat a̱ni, di̱ ma̱ a̱bun.

Nta̱m A̱yaata̱m 21:20

Nang ba̱ nfa̱k nkhang nta̱m Bulut na a̱ni, a̱mgba̱m ba ba̱ si̱ dyep A̱gwaza! A̱jawa ba̱ si̱ nyia̱ ma̱ng Bulut, “A̱na̱nyiuk, a lyen nang A̱yahudawa chyikwop ma̱ a̱di̱di̱t meang ka̱n nwuak a̱chuchuk di̱ Yesu. A̱wot a̱mgba̱m ba, ba̱ ni̱ ba̱ng tyiet Musa hu mi̱ chet!

Nta̱m A̱yaata̱m 22:5

A̱gba̱ndang pris wu ma̱ng a̱mgba̱m a̱cha̱chet a̱yaakwak a̱son A̱yahudawa ba, na nwuak sheda tazwa nung da̱ a̱lyiat nani. Mat n ku nsaai wusiká da̱ a̱vwuo mba. N si̱ nat ndyo da̱ a̱vwuo á̱na̱nyiuk nzi̱t ba, ba̱ yet A̱yahudawa ma̱ a̱keang Da̱maskut ka a̱ni; ba̱ ku shim nung ndyo n ya̱baat á̱niet khwi Yesu ba a̱ja, n vwuoi mba ma̱ng a̱nyanyang, n bai ma̱ng a̱mba Urusha̱lima, á̱ ka nyiak baa.

Nta̱m A̱yaata̱m 26:5

Ki̱ ba̱ na hyia̱ a̱tsak a̱lyiat, ba̱ lyen nang n gyet a̱tyo nyiung mami A̱fa̱risawa ba, sot á̱niet ji̱ ba̱ng khwi A̱gwaza nzi̱t hu mi̱ chet a̱ni.

Nta̱m A̱yaata̱m 8:3

A̱wot Sha̱wulu si̱ nwuai mi̱ kuzang a̱keang a̱ hyaai á̱niet khwi ba. A̱ si̱ nwuai ma̱ a̱ka̱sa na, a̱ kwak á̱tyok ma̱ng á̱nyiuk, a̱ tyei mba mi̱ jaru.

A̱romawa 7:9

Di̱ jen jhyang, n ku nswan n si̱ nfi̱k doka ji bah. A̱wot nang n fi̱k doka ji ji̱ tak nyia̱ n gyok kwi swam a̱ni, a̱ka̱tuk nyia̱ wu si̱ kin mbeang chet, ku si̱ ghwut kpa̱sai,

1 A̱korontiyawa 10:32

Nyi yok yet jat a̱kwa A̱yahudawa ku Nnwap na̱ nwai yet A̱yahudawa a̱ni, ku susot á̱niet khwi A̱gwaza ji bah.

1 A̱korontiyawa 15:9

Mat, nung gwa ngyet a̱tsak a̱bada̱dei wu mami a̱mgba̱m a̱yaata̱m Yesu ba. N maai á̱ yei nung a̱ta̱m Yesu bah, mat n ku ya̱shuk á̱niet khwi Yesu ba, n si̱ nyia̱ mba a̱ka̱kpa̱t.

A̱filibiyawa 2:15

Da̱nian nyi ka yet á̱za̱za̱rak ma̱ng á̱tsatsak mman A̱gwaza na̱ sang a̱bun nyi swan ma̱ a̱ka̱tuk swanta wuni ma̱ng á̱ka̱tuk á̱niet ba a̱ni. Ku yet ta hwa, nyi sai nang fí̱tila a̱ni mi̱ swanta hu.

A̱filibiyawa 3:9

a̱wot n ka shya̱ mun a̱pyia̱ ma̱ng a̱nggu. N ta̱yuk di̱ khwi doka ji, ji̱ ka tyia̱ nung yet a̱tsotswat a̱zaghyi A̱gwaza bah. Da̱ a̱kwonu a̱kya, A̱gwaza kyiak nung n gyet a̱tsotswat a̱zaghyi nggu, mat n nwuak fwuo di̱ Yesu Kristi wa. Mat vak hu nang A̱gwaza na ntyia̱ zi̱ ngyet á̱tsotswat a̱zaghyi nggu a̱ni, huhwa yet nwuak fwuo di̱ Yesu.

1 Timoti 1:13

A̱gwaza wa nwuak nung a̱wat kani, ku nang neet gbangbang n ku nyia̱ Kristi lihyat. N si̱ ngyet a̱tyu jhya̱ ma̱ng a̱ka̱kpa̱t, huhwa n si̱ ta̱shuk á̱niet khwi nggu ba. A̱mgba̱m ma̱ng a̱nia, A̱gwaza si̱ fa̱k kunak nung. Mat, n ku nyia̱ nkyang nani di̱ nwai lyen ma̱ng nwai nwuak a̱chuchuk.