A̱filibiyawa 3:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Kidee, jija yet, á̱ ku tyia̱ nung mi̱ chen a̱tuk mam a̱ni̱nai di̱ mbyin. N gyet a̱tsatsak nggwon a̱byin Isi̱rela wa neet mi̱ kwai Benyamin. Ka̱ á̱ mbyia̱ á̱niet ba̱ yet á̱tsatsak á̱niet Ibriniyawa a̱ni, nung n ngyet a̱tyo nyiung wa! N ku ngyet a̱tyo nyiung mi̱ sot A̱fa̱risawa ji, ba̱ ni̱ tyiet ba̱ khwi doka A̱yahudawa ji cha̱chaat a̱ni.

A̱filibiyawa 3:5 Iomraidhean Croise

Luka 1:59

A̱tuk nang nggwon ka nnyia̱ mam a̱ni̱nai di̱ mbyin a̱ni, ba̱ si̱ bai ba̱ tyia̱ nka mi̱ chen. Ba̱ si̱ chat tyia̱ nka a̱lyoot “Za̱ka̱riya,” a̱ yet a̱lyoot a̱tyia̱ nggu wu a̱ni.

Luka 2:21

A̱tuk nang nggwon ka nnyia̱ mam a̱ni̱nai di̱ mbyin, jen si̱ nyia̱ nang á̱ na ntyia̱ nka mi̱ chen a̱ni. Ba̱ si̱ tyia̱ nka a̱lyoot “Yesu.” Neet nang Ma̱ryamu ka̱n byin nggwon ka bah, a̱ta̱m tswa A̱gwaza wu ku tak ma̱ng a̱nggu nyia̱ á̱ na yei a̱lyoot nggwon ka “Yesu.”

Luka 5:38

Ku yet ta hwa á̱ kyiai a̱ta̱bwai a̱fai ma̱ng a̱ta̱bwai a̱fai á̱ghyang nia.

Nta̱m A̱yaata̱m 22:3

A̱jawa Bulut si̱ nyia̱, “Nung n gyet a̱tyu A̱yahudawa wa. Á̱ byin nung ma̱ a̱keang Tasut mi̱ fam a̱byin Kilikiya. A̱ja wa nang n shi. Ga̱maliyal wa si̱ tyiet nung a̱ji mi̱ Urusha̱lima. A̱ si̱ ta̱bam, a̱ si̱ tyiet nung shansham ma̱nang doká ma̱ng taada A̱yahudawa ji nshim á̱ nyia̱ a̱ni. N si̱ nkwan ba̱t n nwuak A̱gwaza shi mi̱ kuzang kyang nang n nyia̱ a̱ni, ma̱nang a̱mgba̱m nyin nnyia̱ a̱fwun a̱ni.

Nta̱m A̱yaata̱m 23:6

Nang Bulut nfi̱k nang sot jhyang ma̱ mba ngyet A̱sa̱ndukiyawa bya, a̱wot á̱ghyang si̱ yet A̱fa̱risawa bya a̱ni, a̱ si̱ yorong mba mi̱ chet nyia̱, “Á̱na̱nyiuk nung, nung n gyet a̱tyu A̱fa̱risawa wa. A̱wot ma a̱nia wa a̱yaatyia̱ khwop nung ba! Á̱ shya̱ di̱ zop nung mat nang n ntyia̱ fwuo, nyia̱ A̱gwaza na tyia̱ á̱niet ba ba̱ ka̱n kwi a̱ni, ba̱ doot mi̱ swuan!”

Nta̱m A̱yaata̱m 6:1

A̱wot nang sot á̱niet khwi ji mban á̱kpa ka ma a̱nggang mat nang á̱niet a̱fai nnwuai khwi A̱tyoli Yesu a̱ni; a̱jawa nang A̱yahudawa ba ba̱ ku fwuong a̱lyem A̱helenawa ka a̱ni, si̱ nwuo kwop a̱dyii̱ng di̱ si̱sak nang A̱yahudawa ba ba̱ fwuong a̱lyem A̱ra̱mik ka, ndak ka̱u á̱nyiuk mba ba nang á̱tyok ba ka̱n kwi a̱ni nkyayak kuzang a̱tuk.

A̱romawa 11:1

N nyia̱ a̱ni oo! A̱gwaza ka̱n dak á̱niet nggu ba ba̱ yet nwap Isi̱rela hu a̱ni a? Kaai, ku ma̱ chunchwiit! Nung ma̱ a̱pyia̱ nung n gyet a̱tyu Isi̱rela wa. N si̱ ngyet a̱ka̱mbwon Ibrahim. N neet mi̱ kwai Benyamin ja.

2 A̱korontiyawa 11:22

Ba̱ tam nyia̱ ba̱ yet Ibriniyawa byaa? Nung meang, ma a̱nia wa. Ba̱ tam nyia̱ ba̱ yet Isi̱relawa byaa? Nung meang, ma a̱nia wa. Ba̱ ta̱m nyia̱ ba̱ ghwut mi̱ kwai Ibrahim jaa? Nung meang, jija nang n ghwut.