A̱filibiyawa 3:3 - A̠lyiat A̠gwaza na di̠n Tyap: A̠li̠ka̠uli A̠fai

³ Mat nzi̱t á̱niet zi̱ dyep A̱gwaza mami A̱za̱za̱rak Ntswa a̱ni, nzi̱t bya yet á̱tsatsak á̱niet A̱gwaza nang á̱ tyei mi̱ chen mami fwuo a̱ni. Zi̱ ta̱yuk di̱ nta̱m nang Kristi Yesu nyia̱ nzi̱t ndyo wa a̱ni. Da̱ nzi̱t, zi̱ tyia̱ fwuo di̱ nta̱m vam a̱tyubishyi bah.

A̱filibiyawa 3:3 Iomraidhean Croise

A̱romawa 1:9

A̱gwaza wu lyen si̱sak nang n naai nggu kuzang jen da̱nian nyin a̱ni. A̱ta̱mam ma̱ng a̱tyetuk, n ni̱ naai A̱gwaza da̱nian nyin, a̱wot gu nang nyin nkyang nang nyi chat a̱ni. A̱gwaza wa nang n nyia̱ nggu ta̱m shei A̱sham Nkhang hu tazwa Nggwon nggu ka Yesu Kristi, ma̱ng fwuo nyiung.

A̱romawa 15:17

Mat a̱nia, ka̱ doot n tam tazwa a̱mgba̱m nkyang nang Yesu Kristi nyia̱ nung ndyo, di̱ nta̱m nang n nyia̱ A̱gwaza ndyo a̱ni.

A̱romawa 7:6

A̱wot ma̱ninika, nang á̱ nti̱n nzi̱t mi̱ tyok doka hu zi̱ si̱ yet á̱sa̱t á̱niet a̱ni. Tyok doka hu bu ni̱ nyia̱ nzi̱t khwo bah, mat ku li á ngyei zi̱ yet nkwom nia da̱ a̱vwuo tyok doka hu. A̱wot doka ji si̱ mi̱n nyia̱ tyok da̱ nzi̱t bah. Ma̱ninika, nang ku ndi a̱nia a̱ni, zi̱ byia̱ chet zi̱ nyia̱ A̱gwaza ta̱m di̱n vak fai hwa di̱n swat shyat beang da̱ a̱vwuo A̱za̱za̱rak Ntswa, kang ma̱ng a̱khwukhwop nvak nang á̱ nyia̱ nzi̱t khwo zi̱ nkhwi doka ji a̱ni.

A̱romawa 8:15

A̱wot A̱za̱za̱rak Ntswa wu nang nyi san a̱ni, a̱ yet a̱si̱ a̱ tyei nyin nyi yet á̱khwo ba̱ fwuong a̱wun a̱ni bah. Da̱ a̱kwonu a̱kya, nyi san A̱za̱za̱rak Ntswa A̱gwaza wu wa di̱n jen nang A̱gwaza nsan nyin, a̱ si̱ kyiak nyin nyi yet mman nggu a̱ni. Ma̱ninika, zi̱ yei nggu, “Abba, A̱tyia̱!”

A̱romawa 8:39

ku kuzang tangka̱i tyok ma̱ gbang mi̱ kyai tswazwa, ku ntyok ma̱ a̱tsuung a̱byin mi̱ swanta. A̱tsak a̱lyiat, ku kuzang kyang nang A̱gwaza mat a̱ni, ku maai mi̱ maai ku vwuong A̱gwaza chat zi̱t hu nang gu tyai da̱ a̱vwuo Kristi Yesu, A̱tyoli nzi̱t wu a̱ni bah.

A̱romawa 9:6

A̱wot ku fa A̱gwaza tyat a̱li̱ka̱uli nggu wu ma̱ng á̱niet Isi̱rela byaa? Kaai, mat a̱mgba̱m á̱niet nang á̱ tyei mi̱ kwai Isi̱rela ji a̱ni, ba̱ yet á̱niet nang A̱gwaza kyiak nang á̱tsatsak á̱niet nggu a̱ni bah.

2 A̱korontiyawa 11:18

Ma̱nang a̱yaata̱m ma̱ a̱di̱di̱t ntam di̱ nkyang nang ba̱ ka̱n nyia̱ mi̱ swanta hu a̱ni, nung meang, n mbyia̱ kyang nang n na ntam a̱ni.

A̱ga̱la̱tiyawa 5:25

Nang zi̱ nswan mami nchet A̱za̱za̱rak Ntswa a̱ni, yok zi̱ khwi A̱za̱za̱rak Ntswa wu cha̱chaat a̱ kwak zi̱t a̱son di̱ kuzang vak mi̱ swat nzi̱t hu.

A̱ga̱la̱tiyawa 6:16

Yok A̱gwaza a̱ fa̱k kunak, a̱wot a̱ nwuak a̱mgba̱m á̱niet ba̱ khwi tyiet huni a̱ni swat nyinyang. N fa á̱niet ba̱ yet a̱tsatsak á̱niet khwi nang A̱gwaza khai a̱ni.

A̱fisawa 6:18

Nyi ni̱ nnaai A̱gwaza kuzang jen mami chet A̱za̱za̱rak Ntswa ma̱ng kuzang tangka̱i naai nyi chat beang. Nyi ni̱ nswan cham. A̱wot nyi yong mi̱ di̱ naai A̱gwaza kuzang jen, da̱nian a̱mgba̱m a̱za̱za̱rak á̱niet khwi ba ba̱ shya̱ koji a̱ni.

A̱filibiyawa 1:1

Nung Bulut, nung gwa n dyuut nyin wusika jini, n shya̱ ndung ma̱ng Timoti, zi̱ yet á̱khwo Kristi Yesu a̱ni. N dyuut wusika jini da̱nian n ka byiat a̱mgba̱m a̱za̱za̱rak sot á̱niet khwi A̱gwaza ba, ba̱ shya̱ ma̱ a̱keang Filibi, ba̱ mun á̱pyia̱ ma̱ng Kristi Yesu a̱ni; ma̱ng a̱yaakwak a̱son á̱niet khwi ba, mbeang á̱niet ba̱ beang nta̱m sot á̱niet khwi na a̱ni.

A̱filibiyawa 3:12

N fa n wa ka̱n shya̱ nkyang nani nang n chat wa a̱ni bah, ku á̱ ka̱n tyia̱ n gyet a̱tsatsak a̱yin da̱ a̱ lyin kyang a̱ni bah. Da̱ a̱kwonu a̱kya, n kwan wa ba̱t n gya a̱son n ka ntai Kristi Yesu; huhwa yet jat nang gu nkhai nung a̱ni.

A̱filibiyawa 3:14

huhwa yet; n kwan wa ba̱t n gya a̱son n ka ntat gak hu, n ka shya̱ a̱gba̱ndang zang. Jija yet yorong hu nang A̱gwaza yorong nung tswazwa, mat Kristi Yesu a̱ni.

A̱kolosiyawa 2:11

Di̱n jen nang nyi ku mmun á̱pyia̱ ma̱ng Kristi a̱ni, á̱ ku tyia̱ nyin mi̱ nchen. A̱wot tangka̱i tyia̱ mi̱ chen Kristi hu yet si̱ vam a̱tyubishyi hwa bah. Tangka̱i tyia̱ mi̱ nchen huni yet si̱ A̱za̱za̱rak Ntswa hwa; mat Kristi wa faat za̱kwa a̱ka̱tuk nyia̱ nyin ji a̱ tyat a̱ si̱ ji̱p.

Yahuda 1:20

A̱wot nyin, á̱kpa̱ndang nung ba nang n chat a̱ni, ku yet ta hwa nyi ni̱ mbeang á̱ghyang nyin chet mami a̱tsatsak a̱za̱za̱rak nwuak fwuo nyin hu di̱ Kristi. Nyi bu ni̱ nnaai A̱gwaza mami chet A̱za̱za̱rak Ntswa.