A̱filibiyawa 3:2 - A̠lyiat A̠gwaza na di̠n Tyap: A̠li̠ka̠uli A̠fai

² Nyi ta̱bam ma̱ng á̱ka̱tuk á̱niet a̱bya ba̱ li nang a̱ka̱bwu a̱yit a̱ni. Bibya yet á̱niet fak nvam. Ba̱ yong nyia̱, ku yet ta hwa á̱ tyei nyin mi̱ chen nyi ka shya̱ san a̱ni.

A̱filibiyawa 3:2 Iomraidhean Croise

Matyu 24:10

Mi̱ njen a̱ja, á̱niet ma̱ a̱di̱di̱t na bwuok lilyim di̱ khwi nung hu. Ba̱ bu la̱p á̱shuk bwuk ma̱ng á̱ghyang, a̱wot ba̱ lak li á̱ghyang.

Matyu 7:15

“Nyi ta̱bam ma̱ng a̱yaata̱m ba̱ kyiak pyipyia̱ mba ba̱ yet á̱tsak a̱yaata̱m a̱kwonu A̱gwaza bya, ba̱ chong da̱ a̱vwuo nyin ma̱ng á̱kukwa zón seap ji̱ sang lyen a̱ni, a̱wot mami nfwuo mba na, ba̱ yet a̱ka̱bwu a̱yit nia na̱ byia̱ lyen na̱ ghwut á̱ kat á̱ chat kyayak nang ba̱ na ya di̱ wuwok a̱ni.

Matyu 7:6

“Nyi yok nwuak á̱niet ba̱ nwai yet á̱za̱za̱rak a̱ni á̱za̱za̱rak nkyang bah, ku nyi koot a̱yaakusuru á̱tsatsak nfang, kalak ba̱ na shai naa ma̱ng a̱ti̱tak. A̱wot ba̱ bwuak ba̱ sam nyin di̱ chunchong.

A̱romawa 2:28

A yet a̱tsatsak a̱tyu A̱yahudawa mat á̱niet mbyin ang ba yet A̱yahudawa bya, ku á̱ tyia̱ ang mi̱ chen hwa bah.

2 A̱korontiyawa 11:13

Á̱niet bani kyiak pyipyia̱ mba nang á̱tsatsak a̱yaata̱m Yesu bya a̱ni. Ba̱ yet á̱niet nta̱m laai á̱niet, ba̱ ni̱ bwuak ba̱ ka tai a̱tsatsak a̱yaata̱m Kristi.

A̱ga̱la̱tiyawa 5:13

Nyin á̱niet khwi Yesu ba nang n chat a̱ni, á̱ yorong nyin nyi swan swat sa̱t. A̱mgba̱m ma̱ng a̱nia, nyi yok shim swat sa̱t nyin hu ma̱ng khwi doká ji, ku yet nyin jat fa̱k nyinyang za̱kwa nyia̱ a̱ka̱tuk nyia̱ bah. Da̱ a̱kwonu a̱kya, nyi yok sa̱t nyin hu ku tyia̱ nyi chat á̱ghyang, nyi nyia̱ á̱ghyang nyin nta̱m.

A̱ga̱la̱tiyawa 5:15

A̱wot ka̱ nyi nywai á̱ghyang bu tsa mbwoi á̱ghyang nyin kun nang a̱ka̱bwu a̱yit a̱ni, nyi ta̱bam! Kalak a̱mgba̱m nyin, nyi na tyak ma̱ng á̱ghyang nyin!

A̱ga̱la̱tiyawa 5:6

Mat, jen nang zi̱ nnwuak fwuo di̱ Yesu Kristi a̱ni, tyia̱ mi̱ chen ku nwai tyia̱ mi̱ chen, ku byia̱ nzi̱t kpangti̱n bah. Kyang ku yet a̱ swak a̱ni, huhwa yet; nwuak fwuo nzi̱t hu di̱ Kristi. Ku tyei nzi̱t zi̱ chat A̱gwaza ma̱ng á̱ghyang á̱niet.

A̱filibiyawa 3:19

Di̱ ngaan hu, A̱gwaza na bwuk ma̱ng a̱mba. Mat a̱gwaza mba wu yet shyuo nvam ja. Ba̱ tam di̱ nyian nkyang nsum. Kuzang a̱di̱dam nang ba̱ nyia̱ a̱ni, yet a̱si̱ fwuong di̱dang nkyang swanta nani nia.

A̱filibiyawa 3:3

Mat nzi̱t á̱niet zi̱ dyep A̱gwaza mami A̱za̱za̱rak Ntswa a̱ni, nzi̱t bya yet á̱tsatsak á̱niet A̱gwaza nang á̱ tyei mi̱ chen mami fwuo a̱ni. Zi̱ ta̱yuk di̱ nta̱m nang Kristi Yesu nyia̱ nzi̱t ndyo wa a̱ni. Da̱ nzi̱t, zi̱ tyia̱ fwuo di̱ nta̱m vam a̱tyubishyi bah.

1 Timoti 1:19

Nwuak fwuo da̱ Kristi, a khwi gu cha̱chaat kuzang jen ma̱ng fwuo nyiung ku nwai kpaat ang a̱ni. Á̱ghyang á̱niet, ba̱ ka̱n dak khwi a̱tan nkyang nang nfwuo mba na tak ku myim ba̱ nyia̱ a̱ni. Mat a̱nia, ma̱nang kukwon a̱wak ni̱ ndwi da̱ a̱fang ku fwuoi ku seang a̱ni. Ma a̱nia wa, á̱niet bani nwuak fwuo mba hu seang.

Titut 1:16

Ntangka̱i á̱niet tyiet nani, shei mi̱ nunu nyia̱ ba̱ lyen A̱gwaza. A̱wot tangka̱i swat nang ba̱ swan a̱ni, tak nang ba̱ ndyen nggu bah. Ba̱ yet kyang shushyuk, á̱niet lak fwuong. Ba̱ si̱ mi̱n nyia̱ kyang tswa bah.

2 Bitut 2:22

Ba̱ bwuok á̱ nat a̱ka̱tuk nyia̱ nang ba̱ ntsa a̱ni, ku nat cha̱chaat nang á̱ ni̱ nyia̱, “A̱bwu ka̱ kwa̱i a̱ni, ka̱ bu bwuok ka̱ si̱ niai kwa̱i nka hu.” Á̱ bu ni̱ nyia̱ a̱ni, “A̱kusuru nang á̱ swuo a̱ni, a̱ bu bwuok a̱ nat a̱ si̱si̱ byii̱t mi̱ bwang.”

Yahuda 1:4

N tak nyin a̱lyiat nani, mat á̱ka̱tuk á̱niet nshya̱ ba̱ bang á̱ nwuai mi̱ susot á̱niet khwi nyin ji. Ba̱ shyak tyiet shok hu nyia̱ mat nang A̱gwaza nfa̱k shok zi̱t gba̱mgbam, ku fa nang zi̱ byia̱ a̱wat zi̱ nyia̱ a̱shi̱shi̱k nyia̱ nang a̱ka̱la̱m a̱ni. Á̱ wa ka̱n dyuut shi̱ri̱ya tangka̱i á̱niet a̱ja, neet gbangbang, mat ba̱ fwuo Yesu Kristi, a̱tyu a̱ yet A̱gwaza ma̱ng A̱tyoli nzi̱t wu ma̱ nyin nggu a̱ni.

Tyai Á̱zanson 2:9

N dyen swuo a̱bung nyin hu ma̱ng kunak nyin hu. A̱mgba̱m ma̱ng a̱nia, nyi byia̱ zwá! N dyen tyam nang á̱niet ba lak li nyin tyam nyin a̱ni. Ba̱ kyiak pyipyia̱ mba nang á̱tsatsak A̱yahudawa bya a̱ni. A̱wot A̱yahudawa bya ba̱ yet bah; ba̱ yet sot tutu a̱tung A̱ta̱nyeang ja.

Tyai Á̱zanson 21:8

“A̱wot á̱niet a̱wun, á̱niet nwai khwi Yesu, á̱niet nyia̱ nkyang nsum, á̱niet hyaai á̱niet, á̱niet a̱shi̱shi̱k nyia̱, á̱niet nkut, á̱niet khwi nghwughwu a̱yaagwaza sang swuan, ma̱ng á̱niet bwoi kuzang tangka̱i a̱ka̱laa; záng mba ji na yet a̱gba̱ndang tswa ndong ji̱ ya long sa̱lfa a̱ni. A̱khwu kani kya á̱ ngyei a̱khwu a̱ka̱feang ka.”

Tyai Á̱zanson 22:15

“Á̱niet ba̱ shya̱ a̱ma̱nta a̱keang ka a̱ni, bya yet a̱ka̱bwu; á̱niet byia̱ nkut, á̱niet a̱shi̱shi̱k nyia̱, á̱niet hyaai á̱niet, á̱niet khwi nghwughwu a̱yaagwaza sang swuan, ma̱ng a̱mgba̱m á̱niet ba̱ chat bwoi a̱ka̱laa a̱ni.

Tyai Á̱zanson 3:9

Nyi fa̱k! N na ntyia̱ á̱niet ba̱ yet á̱si̱ tutu a̱tung A̱ta̱nyeang a̱ni, ba̱ nyia̱ ba̱ yet á̱tsatsak A̱yahudawa a̱ni, a̱wot a̱nia wa ba̱ ndi bah. Ba̱ bwoi a̱ka̱laa nia. N na ntyia̱ mba ba̱ kpaat a̱khwukhwut a̱zaghyi nyin. A̱jawa ba̱ na ndyen nang nyin bya ngyet á̱niet nang n chat a̱ni.