A̱filibiyawa 3:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Di̱ ngaan hu, A̱gwaza na bwuk ma̱ng a̱mba. Mat a̱gwaza mba wu yet shyuo nvam ja. Ba̱ tam di̱ nyian nkyang nsum. Kuzang a̱di̱dam nang ba̱ nyia̱ a̱ni, yet a̱si̱ fwuong di̱dang nkyang swanta nani nia.

A̱filibiyawa 3:19 Iomraidhean Croise

Matyu 16:23

Yesu si̱ bwuak, a̱ si̱ nyia̱ ma̱ng Bitut, “Sha̱tan, tyong a̱ji a ghwon nung! A tyei nung dyem di̱ nyia̱ ta̱m nung hu. A̱di̱dam ang wu yet a̱si̱ A̱gwaza bah. A̱ yet a̱si̱ a̱tyubishyi wa!”

Matyu 25:41

“A̱wot nung, A̱gwam wu a̱tuk a̱kya, n na mbwuak n nyia̱ ma̱ng á̱niet ba ba̱ shya̱ a̱zamyian nung ka a̱ni, ‘Nyi tyong nyi ghwon nung, nyin á̱niet nang á̱ shyi a̱ni. Nyi nwuo ma̱ a̱nga̱ngak ndong sang sangba̱p hu, nang á̱ jhyi á̱ sak A̱ta̱nyeang ka ndyo ma̱ng á̱ka̱tuk a̱yaata̱m tswá nggu ba a̱ni.

Luka 12:19

“ ‘A̱wot n na mbwuok swan n hyia̱ ma̱ng a̱pyia̱ nung nyia̱, “A̱tuba nung, a bwuo yak gba̱mgbam nang a na ya mi̱ ndyia̱ ma̱ a̱di̱di̱t na̱ chobai a̱ni. Ma̱ninika, gwai, ya a tsa nswuo, a̱wot a fa̱k nyinyang a̱pyia̱ ang!” ’

Luka 16:19

Yesu si̱ bu nyia̱, “A̱tyu nzwá wa swan, a̱ si̱ khwi a̱sham a̱shong a̱cha̱chet a̱yaatoot ma̱ng á̱si̱ mami ba̱ byia̱ kurum a̱ni. A̱wot a̱ si̱ swan, a̱ swuo nyinyang kuzang a̱tuk.

Luka 18:4

“A̱wot a̱tyu shi̱ri̱ya wu si̱ kyiak a̱junjung jen nang gu nwuan a̱byii̱k wu gbi̱t. Di̱ ngaan hu, a̱ si̱ dam mi̱ fwuo nggu hu nyia̱, ‘Nung, n fwuong a̱wun A̱gwaza bah. Ma̱ da̱ nung, n dam ma̱ng a̱tyubishyi bah.

A̱romawa 16:18

Tangka̱i á̱niet tyiet a̱ka̱laa bani nyia̱ Kristi A̱tyoli nzi̱t wu ta̱m hwa bah, ba̱ nyia̱ á̱pyia̱ mba kya ta̱m hu. Ba̱ ni̱ myiai nunu, ba̱ fak a̱ka̱laa. A̱ni wa ba̱ ndaai á̱niet ba ba̱ byia̱ a̱di̱dam nang mman a̱ni.

A̱romawa 6:21

Zang kpangti̱n ja nyi ku shya̱? Ma̱ninika, nyi fwuong nsum di̱ nkyang nang nyi ku nyia̱ di̱n jen swak a̱ni; nkyang na na̱ tyei nyin a̱khwu sang sangba̱p ka a̱ni!

1 A̱korontiyawa 3:3

Mat ba̱ng ba̱ tat a̱fwun, za̱kwa a̱ka̱tuk nyia̱ nyin ji ni̱ nyia̱ tyok da̱ nyin. Ka̱ nyi kwi swam á̱ghyang, nyi si̱ bu ya fwuang ma̱ng á̱ghyang nyin; si̱ huni tak nang za̱kwa a̱ka̱tuk nyia̱ nyin ji nnyia̱ tyok da̱ nyin baa? Nyi si̱ bu swan nang á̱niet swanta bya a̱ni baa?

1 A̱korontiyawa 5:2

A̱wot nyi tam! Ku myim nyi byian nfwuo nyin na, nyi bu fa̱k nsum. A̱wot ku myim nyi ti̱n a̱tyu a̱wa á̱ ghwut ndyo ma̱ a̱tung sot á̱niet khwi ka.

1 A̱korontiyawa 5:6

Tam hu nyi tam a̱ni, ku yet a̱sham bah. Nyi lyen nang nkyuo yit nia ma̱ a̱da̱dei ni̱ nteak na̱ tyia̱ a̱mgba̱m a̱nwai a̱lka̱ma na, na̱ mwai baa?

2 A̱korontiyawa 11:12

A̱wot kyang hu nang n ni̱ nyia̱ a̱ni, huhwa n na gya a̱son ma̱ng nyia̱ hu. Si̱ huni na fwun a̱yaata̱m a̱bya ba̱ shya̱ a̱wat, nang ba̱ na ntam di̱ nyia̱ ta̱m mba hu ku tai si̱ nzi̱t hu a̱ni.

2 A̱korontiyawa 11:15

Mat a̱nia, ku yet kyang a̱ga̱de hwa bah, ka̱ á̱khwo A̱ta̱nyeang ba meang, ba̱ ni̱ bwuak ba̱ tai á̱niet ba̱ nyia̱ á̱tsotswat nta̱m a̱ni. Di̱ nngaan hu, á̱ na tyia̱ á̱khwo A̱ta̱nyeang bani swuo a̱bung ku nat ma̱ cha̱chaat ma̱ng á̱ka̱tuk nta̱m nang ba̱ nyia̱ a̱ni.

A̱ga̱la̱tiyawa 6:13

A̱wot ku mba á̱niet ba nang á̱ ka̱n tyia̱ mi̱ chen hu. A̱wot ba̱ yong chi̱k á̱ tyiet huu, nyia̱ ku yet ta hwa á̱ tyia̱ konyan mi̱ chen a̱ni. Mba ma̱ á̱pyia̱ mba, ba̱ khwi a̱mgba̱m doká Musa ji bah. Mba, ba̱ chat wa á̱ tyei nyin mi̱ chen hu, da̱nian ba̱ ka tam nang nyi mmun á̱pyia̱ ma̱ng sot tyei mi̱ chen mba ji. A̱wot ba̱ chat kyiak nyin nang mman ta̱m mba a̱ni.

A̱filibiyawa 2:21

A̱wot á̱kum á̱niet ka, konyan ma̱ mba nyia̱ a̱di̱dam tazwa ya a̱son a̱pyia̱ nggu kya. Da̱ mba, ba̱ chat si̱sak nang ba̱ na nnyia̱ nkyang na nang Yesu Kristi chat a̱ni bah.

A̱kolosiyawa 3:2

Nyi ni̱ nyia̱ a̱di̱dam da̱ á̱za̱za̱rak nkyang na̱ shya̱ Ma A̱gwaza tswazwa a̱ni, kang ma̱ng á̱si̱ mi̱ swanta na.

2 A̱ta̱solonikawa 1:9

Á̱ bye khap ba a̱zaghyi A̱gwaza á̱ sak zan. Á̱ na nyiak mbaa si̱ nat sang sangba̱p. Da̱ mba, ba̱ bye li a̱gba̱ndang a̱kyenkyai shi ma̱ng chet A̱gwaza hu ma̱ng á̱ghyi bah.

2 A̱ta̱solonikawa 2:12

A̱wot a̱ ka faat shi̱ri̱ya da̱ á̱niet ba̱ fwuong nyinyang nyia̱ a̱ka̱tuk, da̱ a̱kwonu ba̱ na nnwuak a̱chuchuk da̱ a̱tsak a̱lyiat wu a̱ni.

2 A̱ta̱solonikawa 2:8

Jen a̱ja ja nang á̱ na ntyai a̱gwam tyei zat a̱wa kpa̱sai, a̱tyu nang A̱tyoli Yesu bye hyat gu ma̱ng swuan a̱bwonu nggu ji. A̱wot a̱ bu tyak ma̱ng a̱nggu ma̱ng a̱gba̱ndang a̱kyenkyai shi bwuok nggu wu di̱ ngaan njen wu a̱ni.

1 Timoti 6:5

Á̱niet a̱bya la̱u a̱di̱di̱t nyia̱ fi̱p da̱ a̱vwuo á̱niet ba̱ byia̱ a̱ka̱tuk nfwuo a̱ni. Ba̱ si̱ mi̱n fi̱k vak a̱chuchuk hu bah. Ba̱ dam á̱ ngyei khwi A̱gwaza hu yet vak shyat kurum hwa.

2 Timoti 3:4

Á̱niet bani yet a̱yaabang a̱byin, á̱niet a̱gi̱gi̱k nyia̱, á̱niet ba̱ la̱u chat a̱kpai a̱ni, á̱niet chat fwuong nyinyang swak chat A̱gwaza hu.

Yakubu 4:16

Ma̱ninika, nyi yet á̱niet tam bya tazwa la̱p sak nyin hu. A̱wot tangka̱i tam a̱hwa yet a̱ka̱tuk nyia̱ wa.

2 Bitut 2:1

A̱wot gbangbang, á̱ ku byia̱ á̱niet ba̱ ku kyiak pyipyia̱ mba nyia̱ ba̱ yet á̱tsak a̱yaata̱m a̱kwonu A̱gwaza ba ma̱ á̱niet Isi̱rela, ma̱nang á̱ na mbyia̱ á̱niet tyiet a̱ka̱laa ma̱ nyin a̱ni. Ba̱ na bai ma̱ng tyiet ghyang da̱ bang ku na tyia̱ á̱niet ba ba̱ teap a̱ni. A̱wot si̱ a̱hwa hwa ma̱nyin hu bah. Ba̱ na fwuo lyen Yesu A̱tyoli nzi̱t wu a̱ san mba a̱ni. Si̱ a̱hwa na tyia̱ ba̱ khwat á̱pyia̱ mba a̱khwu ma a̱nggang.

2 Bitut 2:13

Swuo a̱bung mba hu hwa na yet zang mba ji mat a̱ka̱kpa̱t nang ba̱ nyia̱ a̱ni. Ku a̱ta̱mam ba̱ ni̱ chat ba̱ tyai á̱pyia̱ mba kpa̱sai di̱ fa̱k nyinyang ya á̱ tsa nswuo. Ba̱ yet kyang nsum hwa. A̱wot ba̱ si̱ tyia̱ á̱niet khwi ba nsum ma̱ng a̱na̱ndyung. Ba̱ fwuong nyinyang bwoi a̱ka̱laa, ku nang ba̱ ngya nkyayak mun á̱pyia̱ dundung ma̱ng a̱nyin a̱ni.

2 Bitut 2:3

Mat a̱dodo wuwok mba wu, ba̱ na bai ma̱ng nvak a̱ka̱laa, da̱nian ba̱ ka shya̱ kurum di̱ shyuo nyin. A̱wot A̱gwaza wa ka̱n faat ba shi̱ri̱ya a̱khwu neet a̱fwun bah. Mat a̱nia, a̱khwu mba ka na byian jen bah.

Yahuda 1:10

A̱wot á̱niet tyiet a̱ka̱laa bani ni̱ jhyuai, ba̱ nyia̱ lihyat di̱ nkyang nang ba̱ nwai fi̱k a̱ni. Ba̱ li nang nyam a̱yit ba̱ sang a̱di̱dam a̱ni. Ba̱ ni̱ nyia̱ kuzang kyang da̱ a̱ka̱nyiung nang fwuo mba na fuut ba, ba̱ nyia̱ a̱ni. Nang ba̱ nnyia̱ nkyang nani a̱ni, ba̱ kwak pyipyia̱ mba a̱khwu kya.

Yahuda 1:16

Tangka̱i á̱niet tyiet a̱ka̱laa bani yet á̱niet kwop a̱dyii̱ng bya ma̱ng tyei á̱ghyang á̱niet a̱bun. Ba̱ ni̱ swan swat khwi di̱dang shyuo vam nang nfwuo mba na chat wa a̱ni. Ba̱ ni̱ tam tazwa á̱pyia̱ mba. Ba̱ ni̱ laai á̱ghyang á̱niet ma̱ng lyen a̱nu, da̱nian ba̱ ka shya̱ kyang ba̱ chat a̱ni.

Yahuda 1:4

N tak nyin a̱lyiat nani, mat á̱ka̱tuk á̱niet nshya̱ ba̱ bang á̱ nwuai mi̱ susot á̱niet khwi nyin ji. Ba̱ shyak tyiet shok hu nyia̱ mat nang A̱gwaza nfa̱k shok zi̱t gba̱mgbam, ku fa nang zi̱ byia̱ a̱wat zi̱ nyia̱ a̱shi̱shi̱k nyia̱ nang a̱ka̱la̱m a̱ni. Á̱ wa ka̱n dyuut shi̱ri̱ya tangka̱i á̱niet a̱ja, neet gbangbang, mat ba̱ fwuo Yesu Kristi, a̱tyu a̱ yet A̱gwaza ma̱ng A̱tyoli nzi̱t wu ma̱ nyin nggu a̱ni.

Tyai Á̱zanson 18:7

Ma̱nang a̱byii̱k wu ntam da̱ a̱pyia̱ nggu ma̱ng swat fa̱k nyinyang a̱ni; mat a̱nia, mak hu ma̱ cha̱chaat ma̱ng swuo a̱bung ma̱ng a̱lyia̱ byian! A̱ tam mi̱ fwuo nggu hu nyia̱, ‘N gyet a̱byii̱k a̱gwam di̱n chuk tyok nung ji! N sang a̱tyu beang nang a̱byii̱k nang a̱tyok gu khwu a̱ni bah! A̱wot n byia̱ kyang ku na tyia̱ nung a̱nak a̱ni bah!’

Tyai Á̱zanson 19:20

A̱wot á̱ si̱ ta̱bat a̱ka̱tuk nyam a̱yit wu ma̱ng a̱ta̱m a̱kwonu nggu wu a̱ nyia̱ a̱cha̱chet nta̱m a̱ri̱bi̱di da̱ a̱kwonu a̱ka̱tuk nyam a̱yit wu a̱ni. Nta̱m a̱ri̱bi̱di nani nia ku laai a̱mgba̱m á̱niet ba̱ san zwunzwuo a̱ka̱tuk nyam a̱yit ji, ma̱ng á̱niet ba̱ kwok ghwughwu a̱ka̱tuk nyam a̱yit wu ntong a̱ni. A̱ka̱tuk nyam a̱yit wu ma̱ng a̱ta̱m bwoi a̱ka̱laa a̱kwonu nggu wu; á̱ si̱ ta mba ma̱ng swuan mami a̱gba̱ndang nga̱ngak ntswa ndong a̱ ya ma̱ng long sa̱lfa a̱ni.

Tyai Á̱zanson 21:8

“A̱wot á̱niet a̱wun, á̱niet nwai khwi Yesu, á̱niet nyia̱ nkyang nsum, á̱niet hyaai á̱niet, á̱niet a̱shi̱shi̱k nyia̱, á̱niet nkut, á̱niet khwi nghwughwu a̱yaagwaza sang swuan, ma̱ng á̱niet bwoi kuzang tangka̱i a̱ka̱laa; záng mba ji na yet a̱gba̱ndang tswa ndong ji̱ ya long sa̱lfa a̱ni. A̱khwu kani kya á̱ ngyei a̱khwu a̱ka̱feang ka.”

Tyai Á̱zanson 22:15

“Á̱niet ba̱ shya̱ a̱ma̱nta a̱keang ka a̱ni, bya yet a̱ka̱bwu; á̱niet byia̱ nkut, á̱niet a̱shi̱shi̱k nyia̱, á̱niet hyaai á̱niet, á̱niet khwi nghwughwu a̱yaagwaza sang swuan, ma̱ng a̱mgba̱m á̱niet ba̱ chat bwoi a̱ka̱laa a̱ni.