A̱filibiyawa 3:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ Mat n ku mi̱ nshei nyin a̱lyiat nani di̱n jen jhyang. A̱wot n bu shei nyin naa ma̱ng ndang a̱ghyi, nang á̱ghyang á̱niet ba̱ swan tangka̱i nswat ku tak nang ba̱ ngyet á̱ka̱tuk á̱niet lak li a̱team a̱khwu Kristi bya a̱ni.

A̱filibiyawa 3:18 Iomraidhean Croise

Luka 19:41

A̱wot nang Yesu nchong a̱ si̱ tat kpa̱mkpaan ma̱ng Urusha̱lima a̱ni; a̱ si̱ ta̱kang, a̱ si̱ li a̱keang ka. A̱jawa fwuo nggu hu si̱ byian. A̱ si̱ twei tazwa á̱niet Urusha̱lima ba.

Nta̱m A̱yaata̱m 20:19

N ku ghyuai a̱pyia̱ nung, n si̱ nyia̱ ta̱m A̱gwaza hu. A̱wot n si̱ nswuo a̱bung ba̱t ma̱ng ndang a̱ghyi. A̱yahudawa ba si̱ mai nung, ba̱ si̱ vwuoi a̱ka̱shuk ma̱ a̱di̱di̱t. A̱mgba̱m ma̱ng a̱nia, n si̱ ngbang a̱lyia̱.

A̱romawa 9:2

N shya̱ ma̱ng byian fwuo za̱m ma̱ng a̱lyia̱ ya kuzang njen mi̱ fwuo nung hu, da̱nian á̱niet nung ba.

1 A̱korontiyawa 1:18

A̱lyiat a̱team a̱khwu Yesu na yet bwuon hwa da̱ a̱vwuo á̱niet ba̱ swan a̱khwu sang sangba̱p a̱ni! A̱wot da̱ a̱vwuo nzi̱t zi̱ shyat swuan sang sangba̱p ji a̱ni, a̱team a̱khwu Yesu wu yet a̱tsak nchet A̱gwaza wa.

1 A̱korontiyawa 6:9

Nyi lyen da̱nang á̱ka̱tuk á̱niet na nshya̱ gado mi̱ Tyok A̱gwaza hu bah, ka̱ni? Nyi yok laai pyipyia̱ nyin bah: Á̱niet ba̱ nyia̱ a̱shi̱shi̱k nyia̱ a̱ni; ku á̱niet khwi nghwughwu a̱yaagwaza sang swuan; ku á̱niet katnaan; ku á̱tyok ba̱ lyiai pyipyia̱ mba nang khám a̱ni da̱ a̱vwuo á̱tyok á̱ghyang; ku á̱tyok ba khwat ma̱ng á̱tyok mbeang á̱nyiuk ba̱ khwat ma̱ng á̱nyiuk a̱ni;

2 A̱korontiyawa 11:13

Á̱niet bani kyiak pyipyia̱ mba nang á̱tsatsak a̱yaata̱m Yesu bya a̱ni. Ba̱ yet á̱niet nta̱m laai á̱niet, ba̱ ni̱ bwuak ba̱ ka tai a̱tsatsak a̱yaata̱m Kristi.

2 A̱korontiyawa 11:29

Ka̱ a̱yin sang chet di̱ nwuak a̱chuchuk hu, n ni̱ nfa̱k á ngyei nung gwa sang chet hu. Ka̱ á̱ tyia̱ a̱yin si̱ teap di̱ khwi Yesu hu, n ni̱ mwai lyen ba̱t.

2 A̱korontiyawa 2:4

N ku ndyuut nyin wusika ntsa ji ma̱ng a̱lyia̱ ya, ma̱ng a̱gba̱ndang byian fwuo, ma̱ng ndang a̱ghyi ma̱ wa̱wat a̱wat. Mat n chat n byian nyin fwuo bah. N ku chat nyi lyen tangka̱i chat nang n chat nyin wa a̱ni.

A̱ga̱la̱tiyawa 1:7

A̱tsak a̱lyiat, ma̱ A̱sham Nkhang a̱nyiung kya nshya̱. A̱wot á̱ghyang á̱niet bya chat ba̱ laai nyin ba̱ chyip a̱tsak tyiet wu a̱ yet a̱si̱ Kristi wu a̱ni ma̱ kpa̱a̱t, á̱ tyia̱ zan.

A̱ga̱la̱tiyawa 2:14

Jen nang n di ba̱ nwai khwi a̱chuchuk a̱ shya̱ ma̱ A̱sham Nkhang ka shansham a̱ni, n si̱ ntak ma̱ng Bitut kpa̱sai ghyuap nggu hu a̱zaghyi a̱mgba̱m á̱niet khwi ba nyia̱, “Nang a ngyet a̱tyu A̱yahudawa a̱ni, a̱mgba̱m ma̱ng a̱nia, a khwi doká A̱yahudawa ji bah. A̱wot a swan ya tangka̱i kyayak nang Nnwap na̱ nwai yet A̱yahudawa ya a̱ni. Ka̱ a nyia̱ a̱nia, yihwa mbyia̱ nang a ntyei Nnwap na̱ nwai yet A̱yahudawa a̱ni na̱ khwi doká A̱yahudawa ji?

A̱ga̱la̱tiyawa 2:21

A̱wot n si̱ mi̱n fwuo nang A̱gwaza nsan zi̱t mat shok nang gu nyia̱ nzi̱t ndyo a̱ni bah. Mat, ka̱ á̱ wa nyia̱ khwi doka hu si̱ mi̱n tyia̱ A̱gwaza a̱ kyiak a̱tyubishyi nang a̱tsotswat a̱tyu sang a̱bun a̱zaghyi nggu a̱ni, si̱ a̱khwu Kristi ka yet a̱buk kyang wa!

A̱ga̱la̱tiyawa 5:21

kwi swam ma̱ng lak li á̱ghyang, hyeng a̱kan, tsot wun, ma̱ng á̱ka̱tuk nyia̱ á̱ghyang ma̱ a̱di̱di̱t nang á̱si̱ nani a̱ni. Yok n gba nyin, ma̱nang n ka̱n gba nyin di̱n jen jhyang a̱ni; konyan wa nyia̱ tangka̱i nkyang a̱hwa mi̱ swat nggu hu, a̱ na ya gado mi̱ Tyok A̱gwaza hu bah.

A̱ga̱la̱tiyawa 6:12

Sot á̱niet khwi A̱yahudawa a̱ja ba̱ chat á̱ tyei nyin mi̱ chen di̱ khwo hu a̱ni, ba̱ chat ba̱ tam ba̱ bu tak ma̱ng á̱ghyang á̱niet nang ba̱ ngyet a̱tan á̱niet bya. A̱wot ba̱ tyong á̱ du ya̱shuk baa, mat nang ba̱ ntyiet tazwa a̱team a̱khwu Yesu Kristi wu wa ma̱nyin gu, nang á̱ na nshya̱ san hu.

A̱ga̱la̱tiyawa 6:14

Nang a̱nung a̱ni, n si̱ mi̱ mak mi̱ mak n tam di̱ nkyang bah, ku ma̱ chunchwiit. Ki̱ n na tam, n na tam da̱ a̱team a̱khwu A̱tyoli nzi̱t wu Yesu Kristi wa ma̱ nyin gu. Mat a̱khwu Yesu kikya da̱ a̱team a̱khwu wu tyia̱ n si̱ nkhwu di̱ fwuong di̱dang nkyang swanta na. A̱wot swanta hu meang, si̱ kyiak nung nang kyang a̱ni bah.

A̱fisawa 4:17

N shei nyin, n si̱ ngyong chi̱k da̱ a̱lyiat nani, mami tyok a̱lyoot Kristi nyia̱: Nyi yok swan nang nnwap na̱ chyi A̱gwaza a̱ni bah, mat ba̱ yet á̱tai á̱niet ba̱ sang a̱di̱dam tswa a̱ni.

A̱filibiyawa 1:4

Kuzang jen ki̱ n naai A̱gwaza, n ni̱ naai da̱nian a̱mgba̱m nyin, ma̱ng a̱lyia̱ sai.

1 A̱ta̱solonikawa 4:6

A̱wot ma̱ a̱lyiat katnaan, a̱yin gu yok bwuo a̱tyu khwi a̱bun ku a̱ shyok gu di̱n vak kwai ma̱ng a̱byii̱k nggu wu bah. Mat A̱gwaza na tan a̱ka̱tuk nyia̱ konyan a̱ nyia̱ tangka̱i katnaan huni a̱ni, ma̱nang zi̱ ka̱n tak ma̱ng a̱nyin, zi̱ si̱ gba nyin a̱ni.

2 A̱ta̱solonikawa 3:11

A̱mgba̱m ma̱ng a̱nia, zi̱ lyiat a̱lyiat nani, mat zi̱ fa̱k nyia̱ á̱ghyang á̱niet ma̱ nyin nyia̱ bwuk hwa; nyia̱ da̱ ba̱ chat ta̱m bah, ba̱ yet á̱niet nwuai mi̱ zwua̱i bya.

2 Bitut 2:10

Shi̱ri̱ya nang A̱gwaza na nyia̱ á̱niet ba̱ khwi a̱ka̱tuk shyuo nvam ji̱ tyei mba a̱na̱ndyung a̱ni, ma̱ng á̱si̱ ba̱ jhyuai tyok nggu hu a̱ni, ji̱ na swak ma̱ng byia̱ chet. Á̱niet tyiet bwoi a̱ka̱laa bani yet á̱niet lak fwuong bya ma̱ng gba̱p a̱pyia̱. A̱wot da̱ mba, ba̱ fwuong a̱wun kyang bah. Ba̱ lyiat tswá ji̱ byia̱ shi Ma A̱gwaza tswazwa a̱ni lihyat.

Yahuda 1:13

Ba̱ bu li nang ywan a̱sa̱khwot hu ku vwuot ma̱ng jhyip mi̱ kyai a̱sa̱khwot a̱ni. Ma̱nang ywan a̱sa̱khwot ni̱ nghwut ma̱ng ja̱fi̱k a̱ni, ma a̱nia wa, á̱niet bani ni̱ nghwut ma̱ a̱ka̱tuk nyia̱ sang nsum nchi̱ri̱ng. Ba̱ bu li nang á̱ta̱ngwat na̱ jhyam ma̱ tai a̱ni. Á̱niet bani, á̱ sak ba á̱ nfwuong a̱khwu ma̱ng a̱tsatsak a̱dyundyung ndyin sang sangba̱p.