A̱filibiyawa 3:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Nyin á̱niet khwi Yesu ba nang n chat a̱ni, nyi maat swat nung hu. A̱wot nyi myiam da̱ a̱vwuo á̱niet ba̱ khwi kidee swat nzi̱t ji a̱ni.

A̱filibiyawa 3:17 Iomraidhean Croise

A̱romawa 16:17

A̱wot ma̱ninika, á̱niet khwi Yesu ba nang n chat a̱ni, kyang nyiung hwa nang n chat n bu naai nyin. Nyi cham, nyi bu ta̱bam ma̱ng á̱niet ba̱ tyei nang nyi nghai pyipyia̱ nyin di̱ susot a̱ni. A̱wot ba̱ si̱ bu chat ba̱ tyia̱ nyin á̱ga̱u di̱ nwuak fwuo nyin hu di̱ Yesu. Mat tyiet mba hu ku vwuon ma̱ng si̱ nang á̱ ka̱n tyiet nyin a̱ni. Nyi yok khwi mba bah.

1 A̱korontiyawa 10:32

Nyi yok yet jat a̱kwa A̱yahudawa ku Nnwap na̱ nwai yet A̱yahudawa a̱ni, ku susot á̱niet khwi A̱gwaza ji bah.

1 A̱korontiyawa 11:1

Ku myim nyi khwi kidee swat nung ji, ma̱nang n khwi kidee swat Yesu Kristi ji a̱ni.

1 A̱korontiyawa 4:16

Mat a̱nia, n naai nyin nyi maat nung.

A̱filibiyawa 4:9

Nyi ya a̱son mi̱ nyia̱ nta̱m ma̱ng a̱mgba̱m tyiet nung hu nang nyi fa̱k, nyi si̱ san, nyi si̱ bu li nang n nyia̱ a̱ni. A̱wot A̱gwaza a̱ nwuat swat nyinyang a̱ni, na shya̱ dundung ma̱ng a̱nyin.

1 A̱ta̱solonikawa 1:6

Nyi si̱ bu maat zi̱t ma̱ng A̱tyoli Yesu, nang nyi nsan a̱lyiat A̱gwaza na ma̱ng a̱gwai nang A̱za̱za̱rak Ntswa wu nwuat a̱ni, a̱mgba̱m ma̱ng a̱dodo swuo a̱bung nyi nswuo a̱ni.

2 A̱ta̱solonikawa 3:14

Ka̱ a̱yin lak khwi tyiet nzi̱t hu ku shya̱ mi̱ wusika jini a̱ni, nyi cham a̱tyu a̱wa shansham. Nyi yok mun á̱pyia̱ ma̱ng a̱nggu bah. Nyi nyia̱ a̱nia, da̱nian a̱ ka fa̱k nsum.

2 A̱ta̱solonikawa 3:7

Mat nyin, nyi lyen si̱sak ji nang ku mmyim nyi maat zi̱t a̱ni. Jen ji nang zi̱ ku nshya̱ ma̱ng a̱nyin a̱ni, zi̱ ku nyia̱ buk bah.

2 A̱ta̱solonikawa 3:9

Zi̱ ku nyia̱ ta̱m hu a̱nia, ku nang zi̱ mbyia̱ a̱wat za̱m nyi beang zi̱t a̱ni. A̱wot zi̱ ku nyia̱ nta̱m a̱nia, da̱nian zi̱ ka yet nyin kidee ja nang nyi na khwi a̱ni.

1 Timoti 4:12

Yok ghwon a̱yin gu jhyuai ang mat a yet fi̱ng bah. A̱wot yok a yet kidee nang á̱niet khwi ba na myiam da̱ nwan a̱ni; da̱ a̱lyiat ang na, swat ang hu, chat á̱niet ang hu, nwuak a̱chuchuk ang hu, ma̱ng yet a̱za̱za̱rak.

Ibriniyawa 13:7

Nyi jhyung a̱yaakwak a̱son nyin ba, ba̱ ku tyiet nyin a̱lyiat A̱gwaza na di̱n jen ji ji̱ swak a̱ni. Nyi bu dam tazwa a̱tan swat nang ba̱ ku swan a̱ni. Nyi khwi kidee nwuak fwuo mba ji da̱ A̱gwaza.

1 Bitut 5:3

Nyi yok chat nyia̱ á̱niet ba nang á̱ tyei nyin ndyo mbwak a̱ni tyok mi̱ chet bah. A̱wot yok swat nyin hu nang a̱tyu kwak a̱son ku yet a̱tsatsak kidee nang ba̱ na khwi a̱ni.