A̱filibiyawa 3:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ A̱wot ku yet ta hwa, zi̱ yong chi̱k di̱ kyang nang A̱gwaza ka̱n tak nzi̱t a̱ni.

A̱filibiyawa 3:16 Iomraidhean Croise

A̱romawa 12:16

Nyi swan swat mun á̱pyia̱ ma̱ng á̱ghyang. Nyi yok gba̱p a̱pyia̱. Nyi shim nyi nyia̱ á̱ghyang á̱niet nta̱m nang nyi wa yet á̱khwo mba bya a̱ni. Nyi nyia̱ kpa̱ndang ma̱ng á̱niet ba̱ yet á̱kunak, nang á̱ghyang á̱niet jhyuai a̱ni. A̱wot nyi yok dam nyi yet á̱niet mumwang, nyi si̱ lyen kuzang kyang bah.

A̱romawa 15:5

Yok A̱gwaza a̱ tyei nzi̱t zi̱ nyap fwuo a̱ni. A̱wot a̱ si̱ bu tyei nzi̱t gba̱gbak gba̱mgbam a̱ni, gu beang nyin nyi swan swat mun á̱pyia̱ ma̱ng á̱ghyang nyin, ma̱nang ku mmyim á̱niet khwi Yesu Kristi ba a̱ni.

A̱ga̱la̱tiyawa 5:7

Di̱n jen nang nyi ku nnwuo khwi Kristi hu a̱ni, nyi si̱ ya a̱son shansham ba̱t. A̱wot di̱ yong huni, a̱nyan wa vwuong nyin khwi a̱tsak a̱lyiat wu?

A̱ga̱la̱tiyawa 6:16

Yok A̱gwaza a̱ fa̱k kunak, a̱wot a̱ nwuak a̱mgba̱m á̱niet ba̱ khwi tyiet huni a̱ni swat nyinyang. N fa á̱niet ba̱ yet a̱tsatsak á̱niet khwi nang A̱gwaza khai a̱ni.

A̱filibiyawa 1:27

Kyang ku yet a̱ swak a̱ni, ku yet ta hwa nyi swan nang á̱tsatsak mman a̱byin Ma A̱gwaza tswazwa a̱ni. Nyi swan swat ku myim A̱sham Nkhang Kristi ka a̱ni. A̱wot ka̱ nyi nyia̱ a̱nia, ki̱ n ba̱ mbai n di nyin, ku n ma nfa̱k nkhang nyin nia, n na ndyen nang nyi ngyong mi̱ chet dundung ma̱ng á̱ghyang, di̱ mun á̱pyia̱ ma̱ng la̱p sak nyiung. Nyi bu kwan, nyi ya a̱son ma̱ng tyiet a̱chuchuk tazwa A̱sham Nkhang ka.

A̱filibiyawa 2:2

Ka̱ a̱nia wa, n naai nyin, nyi tyia̱ nung n shya̱ a̱tsatsak a̱gwai. Nyi yok a̱di̱dam nyin wu a̱ yet kyang nyiung, nyi chat á̱ghyang, a̱wot nyi bu mun á̱pyia̱ ma̱ng la̱p sak nyiung.

A̱filibiyawa 4:2

Yodiya ma̱ng Sintiki, ma̱ninika, n naai nyin, ma̱sa̱kut nyi jhyi swat nyin hu. Nyi swan swat nyinyang ma̱ng á̱ghyang nyin, mat a̱mgba̱m nyin nyi yet á̱niet khwi A̱tyoli Yesu bya.

A̱kolosiyawa 2:6

A̱wot ma̱ninika, ma̱nang nyi wa ka̱n san Kristi Yesu a̱ yet A̱tyoli nyin wu a̱ni, ku yet ta hwa nyi ya a̱son ma̱ng khwi nggu hu a̱nia.

A̱kolosiyawa 4:2

Nyi ntyia̱ a̱lyia̱ di̱ naai A̱gwaza, nyi yok but mi̱ fwuo bah. A̱wot nyi ni̱ ntyia̱ fwuo di̱ kyang nang nyi naai a̱ni. A̱wot nyi gwai A̱gwaza mi̱ nfwuo nyin na.

Tyai Á̱zanson 3:3

Nyi jhyung tyiet nang nyi ku tsa fa̱k, nyi si̱ nwuak a̱chuchuk a̱ni. Nyi ba̱ng tyiet hu gi̱ngi̱ng. Nyi ghwon a̱ka̱tuk nyia̱ nyin wu, nyi bu bwuok bai da̱ a̱vwuo nung! Ka̱ nyi lak shyip hu, n na mbai da̱ a̱vwuo nyin gba̱ngba̱ng di̱n jen nang nyi ndyen a̱ni bah; ma̱nang a̱tang ni̱ mbai a̱ni.