A̱filibiyawa 3:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ A̱mgba̱m nzi̱t zi̱ ka̱n tat a̱ghyi mi̱ khwi Kristi hu a̱ni, si̱ zi̱ shim nkyang nani ma̱ng fwuo nyiung. A̱wot ka̱ a̱yin ma̱ nyin ma byia̱ kyang ku vwuon ma̱ng si̱ huni a̱ni, n nwuak a̱chuchuk A̱gwaza na tyai nggu hu kpa̱sai.

A̱filibiyawa 3:15 Iomraidhean Croise

Matyu 5:48

Mat a̱nia, ku yet ta hwa nyi yet á̱tsatsak á̱niet, ma̱nang A̱tyia̱ nyin wu a̱ shya̱ tswazwa ka ngyet a̱tsatsak a̱ni.”

Luka 11:13

Mat a̱nia, ki̱ nyin á̱niet á̱ka̱tuk nyia̱ lyen si̱sak ji nang nyi na nka̱u mman nyin na a̱tsatsak za̱náng a̱ni, ku fa A̱tyia̱ nyin wu a̱ shya̱ tswazwa ka a̱ni; a̱ na nang á̱niet ba ba̱ lyip gu a̱ni A̱za̱za̱rak Ntswa wu a̱ swaak.”

Yoona 6:45

“A̱ta̱m a̱kwonu A̱gwaza ma̱ a̱di̱di̱t ku lyuut nyia̱, ‘A̱mgba̱m á̱niet ba, A̱gwaza wa na tyiet mbaa.’ Konyan wa fa̱k, a̱wot a̱ si̱ myiam da̱ a̱vwuo A̱tyia̱ nung ka; a̱tyu a̱wa na bai da̱ a̱vwuo nung.

Yoona 7:17

Konyan wa chat nyia̱ kyang nang A̱gwaza chat a̱ni, a̱ na fi̱k tyiet huni; ka̱ ku yet si̱ A̱gwaza hwa, kee n ma ndyiat a̱kwonu a̱pyia̱ nung kya.

A̱romawa 15:1

Nzi̱t á̱niet khwi zi̱ nwuak a̱chuchuk nang Kristi shim nzi̱t ndyo zi̱ nyia̱ nkyang njhyang a̱ni, ku myim zi̱ nyap fwuo ma̱ng á̱niet khwi ba̱ but mi̱ fwuo di̱ nkyang njhyang nang Yesu shim mba ndyo a̱ni. Zi̱ yok nyia̱ mi̱ nkyang na̱ myim nzi̱t wa a̱ni bah.

1 A̱korontiyawa 14:20

Nyin á̱niet khwi Yesu ba nang n chat a̱ni, nyi yok nyia̱ a̱di̱dam nang mman a̱ni di̱ kyang nani bah. (Nyi yet á̱niet sang a̱bun nang a̱bachyuang a̱bamman a̱ni, di̱n vak a̱ka̱tuk). A̱wot nyi byia̱ a̱di̱dam tat a̱ghyi, nyi fi̱k ntangka̱i nkyang nani.

1 A̱korontiyawa 2:6

A̱mgba̱m ma̱ng a̱nia, jen nang n shya̱ ma̱ á̱niet ba̱ ka̱n tyia̱ chet mi̱ khwi hu a̱ni, n ni̱ ndyiat swáng a̱lyiat mumwang; a̱wot tangka̱i mumwang ku yet si̱ swanta huni hwa, ku mumwang á̱niet ba̱ nyia̱ tyok swanta huni hwa a̱ni bah, mat ba̱ na kwi á̱ bwung ba di̱ a̱bada̱dei njen.

A̱ga̱la̱tiyawa 5:10

A̱wot n ba̱ng fwuo, A̱tyoli nzi̱t wu Yesu Kristi na tyia̱ nyi nwuak a̱chuchuk di̱ tyiet a̱ka̱laa a̱hwa bah. A̱wot A̱gwaza na faat shi̱ri̱ya tazwa a̱tyu a̱ kwan a̱ tyia̱ nyin, nyi tyia̱ tai, nyi si̱ teap a̱ni.

A̱fisawa 1:17

N ni̱ ngya a̱son mi̱ naai A̱gwaza, a̱ yet A̱tyia̱ a̱ byia̱ a̱kyenkyai shi, a̱ si̱ bu yet A̱tyia̱ A̱tyoli nzi̱t wu Yesu Kristi a̱ni; n naai gu nang nyin A̱za̱za̱rak Ntswa. A̱za̱za̱rak Ntswa wu wa na nang nyin mumwang, a̱ bu tyai nyin A̱gwaza wu, da̱nian nyi ka mbeang lyen nggu hu, a̱wot nyi ka fi̱k gu shansham.

A̱kolosiyawa 1:28

Mat a̱nia, zi̱ shei konyan A̱sham Nkhang Kristi ka. Zi̱ si̱ gba, zi̱ si̱ bu tyiet konyan, ma̱ng a̱mgba̱m mumwang hu nang A̱gwaza nang nzi̱t a̱ni. Da̱nian zi̱ ka neap konyan nang a̱ tat á̱ghyi a̱tyu khwi a̱ni da̱ a̱vwuo A̱gwaza, di̱ mun á̱pyia̱ nggu hu ndung ma̱ng Kristi Yesu.

A̱kolosiyawa 4:12

A̱bafa̱rat yet a̱tyo nyiung wa mi̱ sot á̱niet khwi nyin ji, a̱wot a̱ bu yet a̱khwo Kristi Yesu a̱ni, byat nyin. A̱ ni̱ ntyia̱ a̱lyia̱ di̱ naai A̱gwaza kuzang jen da̱nian nyin, gu ka tyia̱ nyin nyi yet á̱niet tat á̱ghyi, nyi bu yet á̱tsatsak á̱niet. A̱bafa̱rat bu nwuak a̱chuchuk nang nyi nkhwi a̱mgba̱m kyang nang A̱gwaza chat a̱ni.

1 A̱ta̱solonikawa 4:9

Da̱ a̱lyiat chat á̱ghyang na, zi̱ na chat zi̱ lyuut nyin ndyo bah. Mat nyin ma̱ á̱pyia̱ nyin, A̱gwaza wa ka̱n tyiet nyin, nyi ka chat á̱ghyang.

2 Timoti 3:17

Mat A̱lyiat A̱gwaza na tyia̱ konyan wa yet a̱tyu nta̱m A̱gwaza a̱ni; a yet a̱tsatsak a̱tyu nta̱m, a̱ bu swan ma̱ng la̱p vam a̱ fwuong nyia̱ kuzang tangka̱i a̱tan nta̱m.

Ibriniyawa 5:14

A̱wot a̱kpa̱u kyayak wu yet si̱ á̱niet ba̱ ka̱n tat a̱ghyi bya a̱ni, nang á̱ tyiet mbaa ba̱ lyen si̱sak ji ba̱ na nkhap a̱wot ba̱ fi̱k a̱ka̱tuk wu ma̱ng a̱tan wu a̱ni.

1 Yoona 2:5

A̱wot á̱niet ba ba̱ khwi a̱lyiat A̱gwaza na a̱ni, chat A̱gwaza mba hu tak kpa̱sai si̱sak nang ba̱ nchat gu a̱tsatsak chat a̱ni. Si̱sak ji nang zi̱ na ndyen nang zi̱ nshya̱ ndung ma̱ng A̱gwaza a̱ni, jija yet: