A̱filibiyawa 3:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ huhwa yet; n kwan wa ba̱t n gya a̱son n ka ntat gak hu, n ka shya̱ a̱gba̱ndang zang. Jija yet yorong hu nang A̱gwaza yorong nung tswazwa, mat Kristi Yesu a̱ni.

A̱filibiyawa 3:14 Iomraidhean Croise

Luka 16:16

Yesu si̱ bu nyia̱, “Doka Musa ji mbeang a̱lyiat a̱yaata̱m a̱kwonu A̱gwaza na; ni̱nia ku chok á̱niet ba si̱ ntat jen nang Yoona a̱tyu nyia̱ ba̱ptisman mbai a̱ni. A̱wot ma̱ninika, á̱ shei ma̱ng á̱niet ba A̱sham Nkhang Tyok A̱gwaza ka. A̱wot konyan kwan a̱ li nang gu nwuo mi̱ Tyok A̱gwaza hu.

A̱romawa 11:29

Mat A̱gwaza ni̱ shai fwuo nggu hu da̱ á̱niet nang gu nang mba a̱ka̱wat ma̱ng si̱sak ji nang gu nkhai mba ba̱ yet á̱niet nggu a̱ni bah.

1 A̱korontiyawa 9:24

A̱wot nyi lyen baa? Di̱n jen a̱yaaka̱nan tyong chung, a̱mgba̱m á̱niet tyong chung ba ni̱ kwan ba̱ tyong á̱ sweap á̱ghyang, a̱wot a̱tyo nyiung wa ni̱ ya zang ji ma̱nyin gu baa? Mat a̱nia, si̱ nyi tyong chung ji, da̱nian nyi ka ya zang ji!

2 A̱korontiyawa 4:17

Mat, a̱bung ka nang zi̱ swuo ma̱nini a̱ni, shii bah. A̱wot ka̱ na labeang bah, ka̱ na̱ tyak. A̱mgba̱m ma̱ng a̱nia, a̱bung kani ka̱ tyei nzi̱t a̱kyenkyai shi wu a̱ni, na swak swuo a̱bung nang zi̱ swuo ma̱nini a̱ni ma̱ za̱nzan. A̱wot a̱kyenkyai shi wu na ba̱ng si̱ nat sang sangba̱p!

A̱filibiyawa 3:3

Mat nzi̱t á̱niet zi̱ dyep A̱gwaza mami A̱za̱za̱rak Ntswa a̱ni, nzi̱t bya yet á̱tsatsak á̱niet A̱gwaza nang á̱ tyei mi̱ chen mami fwuo a̱ni. Zi̱ ta̱yuk di̱ nta̱m nang Kristi Yesu nyia̱ nzi̱t ndyo wa a̱ni. Da̱ nzi̱t, zi̱ tyia̱ fwuo di̱ nta̱m vam a̱tyubishyi bah.

A̱kolosiyawa 2:18

Nyi yok shim a̱yin a̱ bat nyin a̱hyiak, a̱ si̱ tyiet nyia̱ ku yet ta hwa nyi ghyuai á̱pyia̱ nyin nyi kwok ntong a̱zaghyi a̱yaata̱m tswá A̱gwaza, á̱niet ba̱ ka li bah. Á̱niet tyiet bani, ba̱ ni̱ nyia̱ ba̱ byia̱ a̱tsatsak lyen mat ba̱ li a̱ma̱bwoi tazwa nkyang nani. A̱ka̱tuk nyia̱ mi̱ nfwuo mba wu tyei mba nang ba̱ ntam di̱ ma̱ a̱tan ta̱fwat.

1 A̱ta̱solonikawa 2:12

Zi̱ ku gba nyin. Zi̱ si̱ tyia̱ nyin gba̱gbak. Zi̱ si̱ yong nyin si̱sak ji nyi na nswan swat ku myim A̱gwaza a̱ni, a̱tyu a̱ yei nyin mami tyok nggu hu ma̱ng a̱kyenkyai shi nggu wu a̱ni.

2 Timoti 1:9

Nggu wa san zi̱t, a̱ si̱ yei nzi̱t zi̱ ka swan a̱za̱za̱rak nswat. A̱ san zi̱t mat kyang nang zi̱ nyia̱ wa a̱ni bah; a̱wot da̱nian la̱p sak gu hwa ma̱ng shok nggu ji. A̱ ku nyia̱ zi̱t shok jini da̱ a̱vwuo Kristi Yesu, neet nang á̱ ka̱n mat swanta hu bah.

Ibriniyawa 3:1

Mat a̱nia, nyin á̱na̱nyiuk nung ba nyi yet á̱za̱za̱rak á̱niet khwi Yesu, a̱wot nyi si̱ bu yet á̱kpa̱ndang ta̱m nang A̱gwaza yorong nyi nwuo tyok tswazwa hu a̱ni; nyi nyia̱ a̱di̱dam shansham tazwa Yesu, a̱tyu nang zi̱ shei a̱ yet a̱ta̱m A̱gwaza. A̱ si̱ bu yet A̱gba̱ndang Pris a̱ni.

Ibriniyawa 6:1

Mat a̱nia, zi̱ yok ya a̱son ma̱ng a̱tyin tyiet tazwa Kristi kuzang jen bah. Da̱ a̱kwonu a̱kya, yok zi̱ kwan zi̱ yet á̱niet tat á̱ghyi di̱ fi̱k A̱lyiat A̱gwaza na. A̱tsak a̱lyiat, zi̱ chat zi̱ bu tsa ma̱ng a̱tsatsak a̱tyin tyiet bah. Tyiet huni yet si̱ ku myim á̱niet ba̱ nghwon nta̱m a̱ka̱tuk nyia̱, ba̱ sii nwuak fwuo da̱ A̱gwaza a̱ni.

1 Bitut 1:13

Mat a̱nia, nyi nyia̱ a̱tsatsak a̱di̱dam. Nyi bu swan mi̱ la̱p vam ma̱ng ta̱bat a̱pyia̱. Nyi tyia̱ fwuo di̱n shok san sang sangba̱p ji nang nyi na shya̱ di̱n jen nang Yesu Kristi na ntyai a̱kyenkyai shi nggu wu a̱ni.

1 Bitut 5:10

A̱wot A̱gwaza a̱ byia̱ a̱mgba̱m shok a̱ni, nggu wa yorong nyin nyi ya gado mi̱ a̱kyenkyai shi sang sangba̱p nggu wu mami a̱lyoot Kristi. Mat a̱nia, ka̱ nyi swuo a̱bung da̱ a̱banjen ma̱ a̱da̱dei, a̱ na bwuok ma̱ng a̱nyin kuzang kyang, a̱ beang nyin, a̱ byia̱k nyin, a̱ tyia̱ nyin chet. A̱wot a̱ kpaat nyin di̱ kuntyin ku byia̱ chet a̱ni.

2 Bitut 1:3

Mat chet A̱gwaza hwa, nang Yesu nnang zi̱t kuzang kyang nang zi̱ chat mi̱ swat khwi ku myim gu a̱ni. Zi̱ ka̱n san kuzang kyang mat si̱sak nang zi̱ ndyen gu a̱ni. Nggu wa yorong zi̱t da̱ a̱vwuo nggu zi̱ shya̱ shi ma̱ng yet a̱tan nggu hu, ku swak si̱ konyan a̱ni.

Tyai Á̱zanson 3:21

A̱mgba̱m á̱niet ba̱ swuo chet swanta hu a̱ni, ba̱ na shya̱ a̱vwuo nswat tyok ma̱ng a̱nung; ma̱nang n ku nswuo chet swanta hu, n si̱ nswan ma̱ng A̱tyia̱ nung wu ma̱ a̱gba̱ndang chuk tyok nggu wu a̱ni!