A̱filibiyawa 3:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Di̱ ngaan hu, nyin á̱niet khwi Yesu ba nang n chat a̱ni, n chat nyi gwai A̱gwaza wu! N si̱ mi̱n mak van di̱ lyuut nyin a̱lyiat nang n ku nshei nyin di̱n jen jhyang a̱ni bah. N ku nyia̱ a̱nia, da̱nian n ka chok nyin kalak nyi kwa di̱ nwuak a̱chuchuk nyin hu.

A̱filibiyawa 3:1 Iomraidhean Croise

Matyu 5:12

“Nyi fa̱k a̱lyia̱ a̱sai di̱ si̱ a̱hwa! Nyi gwai ba̱t! Mat nyi shya̱ ma̱ng a̱gba̱ndang zang a̱ fwuong nyin Ma A̱gwaza tswazwa a̱ni. A̱wot nyi jhyung nang ma a̱nia wa á̱ ku nya̱shuk a̱yaata̱m a̱kwonu A̱gwaza ba gbangbang.

Luka 1:47

A̱wot A̱gwaza a̱ yet A̱tyusan nung a̱ni, tyia̱ nung a̱gwai!

A̱romawa 5:11

Mat a̱nia, ma̱ninika, ka̱ zi̱ doot zi̱ gwai A̱gwaza, mat A̱tyoli nzi̱t wu Yesu Kristi jhyi swat kpa̱ndang nzi̱t hu ma̱ng A̱gwaza.

2 A̱korontiyawa 13:11

Nyin á̱niet khwi Yesu ba nang n chat a̱ni, n chat n ngaan wusika nung ji ma̱ng swáng á̱lyiat jini: Yok, nyi yet á̱niet a̱gwai, nyi mban di̱ yet á̱niet tat á̱ghyi di̱ khwi Yesu hu. Nyi tyei á̱ghyang nyin gba̱gbak. Nyi swan swat nyinyang ma̱ng mun á̱pyia̱ ma̱ng á̱ghyang nyin. Mat a̱nia, A̱gwaza a̱ yet a̱tyu chat á̱niet ma̱ng a̱tyu a̱ nwuat swat nyinyang a̱ni, na shya̱ dundung ma̱ng a̱nyin.

A̱fisawa 6:10

Di̱ ngaan hu, nyi yong mi̱ chet da̱ A̱gwaza ma̱ng a̱gba̱ndang chet nggu wu.

A̱filibiyawa 3:3

Mat nzi̱t á̱niet zi̱ dyep A̱gwaza mami A̱za̱za̱rak Ntswa a̱ni, nzi̱t bya yet á̱tsatsak á̱niet A̱gwaza nang á̱ tyei mi̱ chen mami fwuo a̱ni. Zi̱ ta̱yuk di̱ nta̱m nang Kristi Yesu nyia̱ nzi̱t ndyo wa a̱ni. Da̱ nzi̱t, zi̱ tyia̱ fwuo di̱ nta̱m vam a̱tyubishyi bah.

A̱filibiyawa 4:4

Nyi gwai di̱ mun á̱pyia̱ nyin hu ma̱ng A̱tyoli Yesu kuzang jen. N bu nyia̱, nyi ni̱ ngwai!

A̱filibiyawa 4:8

Nyin á̱niet khwi Yesu ba nang n chat a̱ni, a̱wot ma̱ninika: Nyi tyia̱ a̱di̱dam nyin wu di̱ kyang ku yet a̱chuchuk a̱ni; kyang ku maai á̱ nwuak hu shi a̱ni; kyang ku yet a̱tsotswat a̱ni; kyang ku yet a̱za̱za̱rak a̱ni; kyang ku yet a̱sham nang á̱ chyin a̱ni; kyang hu ku myim a̱ni; kyang ku yet a̱tan a̱ swak a̱ni; ma̱ng kyang ku myim á̱ dyep a̱ni. Nyi ni̱ nyia̱ a̱di̱dam di̱ nkyang nani nia.

1 A̱ta̱solonikawa 4:1

Di̱ ngaan hu, á̱niet khwi Yesu ba nang n chat a̱ni, zi̱ naai nyin mami a̱lyoot A̱tyoli nzi̱t wu Yesu, nyi swan swat ku myim A̱gwaza a̱ni, ma̱nang zi̱ ka̱n tyiet nyin a̱ni. Ma a̱nia wa nyi nswan ma̱nini, a̱wot zi̱ tyia̱ nyin gba̱gbak nyi ya a̱son nyi mban di̱ nyia̱ a̱nia hu ba̱t.

1 A̱ta̱solonikawa 5:16

Nyi ni̱ nshya̱ ma̱ng a̱lyia̱ sai kuzang jen.

Yakubu 1:2

Nyin á̱niet khwi Yesu ba nang n chat a̱ni, jen nang nyi nnwuo mi̱ swuo a̱bung a̱ni, nyi ni̱ nkyiak hu ku yet nyin a̱wat a̱gba̱ndang a̱lyia̱ sai.

1 Bitut 3:8

Di̱ ngaan hu, yok a̱di̱dam nyin wu a̱ yet a̱nyiung. Nyi fa̱k kunak á̱ghyang. Nyi chat á̱ghyang nyin nang á̱na̱nyiuk a̱ni. Nyi byia̱ fwuo beang á̱ghyang. Nyi yok nyia̱ gba̱p a̱pyia̱ bah.

1 Bitut 4:13

Da̱ a̱kwonu a̱kya, si̱ nyi gwai nang nyi nshya̱ dundung ma̱ng Yesu di̱ ya̱shuk huni a̱ni, da̱nian nyi si̱ ba̱ gwai ba̱t a̱tuk nang á̱ na ntyai a̱kyenkyai shi Yesu wu kpa̱sai di̱ bwuok bai nggu hu mi̱ swanta hu a̱ni.

2 Bitut 3:1

Nyin á̱niet khwi Yesu ba nang n chat a̱ni, wusika jini ja yet sweang ji nang n dyuut nyin dyo a̱ni. Mami a̱mgba̱m ji sweang, n kwan n tyia̱ nyin á̱za̱za̱rak ma̱ng á̱tsatsak a̱di̱dam, nyi bu jhyung tyiet huni.