A̱filibiyawa 2:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Mat a̱nia, A̱gwaza si̱ mbeang gu shi, a̱ si̱ sak gu da̱ a̱vwuo ka̱ swak ma̱ng shi a̱ni. A̱wot A̱gwaza si̱ nwuak gu a̱lyoot tyok ka̱ swak kuzang a̱lyoot ma̱ng shi a̱ni;

A̱filibiyawa 2:9 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 28:18

Yesu si̱ bai, a̱ si̱ tyia̱ mman ta̱m nggu na ta̱m nyia̱, “Á̱ nwuak nung a̱mgba̱m Tyok Ma A̱gwaza tswazwa ma̱ng swanta.

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 17:11

“A̱wot ma̱ninika, n bwuot chobai da̱ a̱vwuo ang. N bu na swan mi̱ swanta huni bah. Bibya ni̱ ya nswan mi̱ swanta hu. Nwan A̱za̱za̱rak A̱tyia̱ nung! Chok ba ma̱ng tyok a̱lyoot ang nhu; a̱lyoot ka nang a ku tyia̱ nung da̱nian ba̱ ka mun á̱pyia̱ ma̱ng á̱ghyang; ma̱ cha̱chaat nang nwan ma̱ng a̱nung, zi̱ mmun á̱pyia̱ ma̱ng á̱ghyang a̱ni.

Yoona 17:12

Nang n ku nshya̱ dundung ma̱ng a̱mba a̱ni, n ku nchok ba mi̱ chet a̱lyoot ang hu; a̱lyoot ka nang a ku tyia̱ nung a̱ni. N si̱ nkeang mba ntyia̱, á̱ si̱ byia̱ a̱tyu a̱ bwuk a̱ni bah; a̱tyo nyiung wa ma̱nyin nggu ku bwuk. A̱ ku bwuk wa ma̱nang á̱ ku ndyuut mami A̱lyiat A̱gwaza na a̱ni, ku si̱ bai ma̱ cha̱chaat da̱ a̱nu ka.

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Nta̱m A̱yaata̱m 5:31

A̱wot A̱gwaza si̱ sak gu da̱ a̱vwuo shi a̱zayak nggu ka, gu ka yet A̱gwam ma̱ng A̱tyusan! A̱gwaza ku nyia̱ si̱ huni, gu ka nwuak á̱niet Isi̱rela ba a̱wat ba̱ ghwon a̱ka̱tuk nyia̱ mba wu, a̱wot A̱gwaza a̱ ka chi mba a̱ka̱tuk nyia̱ wu.

A̱fisawa 1:10

A̱wot si̱ huni hwa gu la̱p a̱ sak: Da̱ a̱cha̱chaat njen wu, A̱gwaza na tung a̱mgba̱m nkyang na̱ shya̱ Ma A̱gwaza tswazwa ma̱ng a̱byin a̱ni ndung. A̱ tyia̱ na mbwak tyok Kristi hu.

A̱kolosiyawa 1:18

Kristi wa bu yet a̱pyia̱ á̱niet khwi ka; á̱niet khwi bibya si̱ yet vam nggu hu. Nggu wa yet a̱tyin ka̱ nwuat ba swuan, a̱ byia̱ tyok a̱ swak a̱mgba̱m á̱niet ba̱ doot ma̱ng swuan ma̱ á̱niet ba̱ ka̱n kwi a̱ni. Da̱nian A̱gwaza a̱ ka tyia̱ Kristi a̱ yet a̱tsatsak a̱gba̱ndang a̱kwak a̱son tazwa kuzang kyang.

2 A̱ta̱solonikawa 1:12

Zi̱ bu naai A̱gwaza, á̱ ka dyep a̱lyoot A̱tyoli Yesu da̱nian tangka̱i swat nyin hu, a̱wot nyin meang A̱gwaza bu na dyep nyin, mat shok nggu ji da̱ nzi̱t ma̱ng a̱si̱ A̱tyoli nzi̱t wu Yesu Kristi.

Ibriniyawa 1:4

Ma̱nang a̱kyenkyai shi nggu wu nswak si̱ a̱yaata̱m tswá A̱gwaza ba a̱ni, ma a̱nia wa a̱lyoot tyok nang A̱gwaza tyia̱ nggu a̱ni, nswak lyulyoot mba hu ma̱ za̱nzan.

Ibriniyawa 1:9

A chat tsotswat, a̱wot a si̱ lak a̱ka̱tuk. Mat a̱nia, A̱gwaza, A̱gwaza ang wu khai ang a nyia̱ tyok, a̱ si̱ koot ang a̱sham a̱myia̱ a̱gwai, ka̱ swak a̱si̱ konyan a̱ni.”

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

Ibriniyawa 2:9

A̱wot a̱tyu nang zi̱ lyen a̱ni, Yesu wa, da̱ ba chak a̱ghyang, a̱ si̱ ghyuai a̱kyenkyai shi nggu wu ma̱nang á̱ ku nhyia̱ nyia̱, “A na nwuak gu shi ku tat kpa̱mkpaan ma̱ng á̱si̱ a̱yaata̱m tswá a̱ni.” Di̱ yong huni, Yesu wa nang, “Á̱ kup gu tyok, a̱ si̱ nwuak gu shi,” mat a̱ ku swuo a̱bung, a̱ si̱ khwu da̱nian zi̱t. A̱tsak a̱lyiat, mat shok A̱gwaza ja, ntyia̱ Yesu si̱ nkhwu da̱nian konyan.

1 Bitut 3:22

Di̱ yong huni, Yesu Kristi wa ka̱n nat Ma A̱gwaza tswazwa. A̱wot a̱ swan a̱zayak A̱gwaza da̱ a̱gba̱ndang chuk tyok. A̱wot a̱mgba̱m a̱yaata̱m tswá A̱gwaza ba, ntyok na, ma̱ng nchet na, khwi tyok nggu hu.

2 Bitut 1:17

jen nang gu ku nsan a̱kyenkyai shi ma̱ng tyok da̱ a̱vwuo A̱gwaza a̱ yet A̱tyia̱ a̱ni. A̱nwuat a̱kyenkyai shi tyok nggu ka si̱ neet Ma A̱gwaza tswazwa, ka̱ si̱ nyia̱ ma̱ng a̱nzi̱t, “Di, nggwon nung kya ka nang n chat a̱ni! Ka̱ nwuat nung a̱gba̱ndang a̱lyia̱ sai!”

3 Yoona 1:7

Mat á̱niet bani ni̱ ghwut a̱chyet mba ka da̱nian ba̱ ka nyia̱ Yesu ta̱m hwa. A̱wot ba̱ ni̱ saai beang da̱ a̱vwuo á̱niet nwai khwi A̱gwaza bah.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.

Tyai Á̱zanson 11:15

A̱jawa a̱ta̱m tswa a̱natat wu si̱ ntyiap a̱gwa nggu ka. Á̱ si̱ kin fa̱k nwunwuat ku neet Ma A̱gwaza tswazwa mi̱ chet nyia̱: “Tyok swanta hu ma̱nini yet si̱ A̱gwaza A̱tyoli nzi̱t mbeang Kristi, a̱tyu nang á̱ kup gu tyok a̱ni! A̱wot a̱ na nyia̱ tyok hu ku sang sangba̱p a̱ni!”

Tyai Á̱zanson 19:16

Tazwa a̱toot nggu ka da̱ a̱bwan ntak nggu wu, á̱ si̱ ndyuut a̱lyoot tyok kani, “A̱gwam á̱gwam, ma̱ng A̱tyoli a̱yaatyoli!”

Tyai Á̱zanson 3:21

A̱mgba̱m á̱niet ba̱ swuo chet swanta hu a̱ni, ba̱ na shya̱ a̱vwuo nswat tyok ma̱ng a̱nung; ma̱nang n ku nswuo chet swanta hu, n si̱ nswan ma̱ng A̱tyia̱ nung wu ma̱ a̱gba̱ndang chuk tyok nggu wu a̱ni!

Tyai Á̱zanson 5:12

A̱wot ba̱ si̱ bwom ma̱ng a̱gba̱ndang a̱nwuat nyia̱, “Fi̱ng A̱nfwuk hu nang á̱ faat a̱ni, a̱ maai a̱ san tyok, zwá, mumwang, chet, chyin, shi, ma̱ng a̱gwai!”