A̱filibiyawa 2:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ a̱ si̱ ghyuai a̱pyia̱ gu, a̱ si̱ khwi kyang hu nang A̱gwaza chat a̱ni. A̱wot a̱ si̱ khwu nang a̱tyu a̱tsaai ni̱ nkhwu da̱ a̱team a̱khwu a̱ni!

A̱filibiyawa 2:8 Iomraidhean Croise

Matyu 17:2

Nang ba̱ shya̱ di̱ nwuan a̱ni, á̱ si̱ shyak li Yesu hu a̱zaghyi mba. A̱ghyi nggu ba si̱ sai nang mam a̱ni. A̱wot a̱yaatoot nggu ba si̱ bwuak sai, a̱ ya á̱ghyi ma̱ mya̱myat a̱myat.

Matyu 26:39

A̱ si̱ doot mba a̱ ghwon. A̱ si̱ laai neap ti̱taa, a̱ si̱ kpaat a̱khwukhwut a̱ta̱gurup a̱ghyi ba a̱byin, a̱ si̱ naai A̱gwaza nyia̱, “A̱tyia̱ nung wu! Ka̱ ku myim ang, ti̱n nung a̱kashyi swuo a̱bung wuni! A̱mgba̱m ma̱ng a̱nia, yok nyia̱ kyang hu nang n chat wa a̱ni bah. Nyia̱ kyang hu ku myim ang wa a̱ni!”

Matyu 26:42

Yesu si̱ bu ghwon mbaa, a̱ si̱ bwuok a̱ nat naai A̱gwaza da̱ a̱ka̱feang ka, a̱ si̱ nyia̱, “A̱tyia̱ nung, ki̱ a si̱ mi̱n kyiak a̱kashyi swuo a̱bung wuni a ghwon nung bah, si̱ nang n swuo nggu. Yok, a nyia̱ kyang hu nang a chat wa a̱ni.”

Luka 9:29

A̱wot nang Yesu nshya̱ di̱ naai A̱gwaza wu a̱ni, a̱ghyi nggu ba si̱ shyak. A̱wot a̱yaatoot nggu ba si̱ mun á̱ shyak li hu, ba̱ si̱ sai ma̱ kyenkyai a̱nkyai!

Yoona 10:18

Á̱ mbyia̱ a̱tyu a̱ na san swuan nung ji a̱ ghwon nung a̱ni bah. Nung gwa shim, n na neap swuan nung ji, a̱wot n doot n bu mbwuok ma̱ng a̱nji. Si̱ huni hwa yet kyang hu nang A̱tyia̱ nung wu ta̱m nung n nyia̱ a̱ni.”

Yoona 14:31

Ma̱ng a̱nia, ku myim swanta hu ku lyen nang n chat A̱tyia̱ wu. Huhwa mbyia̱ nang n nyia̱ kuzang kyang cha̱chaat nang gu ntak ma̱ng a̱nung n nyia̱ a̱ni.” “To, nyi bai zi̱ doot zi̱ ghwon a̱vwuo kani!”

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 4:34

Yesu si̱ nyia̱ ma̱ng a̱mba a̱ni, “Kyayak nung huhwa yet; n khwi kyang nang a̱tyu a̱ ta̱m nung chat a̱ni, a̱wot n bu nyia̱ ta̱m nang gu nwuak nung a̱ni, n tyak hu.

Nta̱m A̱yaata̱m 8:33

Á̱ ku nyia̱ nggu lihyat. A̱wot á̱ si̱ lak tyia̱ nggu tsotswat. A̱nyan wa si̱ mi̱n nwuak nkhang a̱yaatyia̱ a̱khwop nggu na? Mat á̱ ku kyiak swuan nggu ji mi̱ swanta hu.”

A̱romawa 5:19

A̱wot ma̱nang A̱da̱mu ndak khwi gba A̱gwaza hu a̱ni, ku si̱ tyia̱ á̱niet ma̱ a̱di̱di̱t si̱ nyia̱ a̱ka̱tuk nyia̱. Ma a̱nia wa, si̱sak nang Yesu Kristi nkhwi a̱lyiat A̱gwaza na a̱ni, ku si̱ tyia̱ á̱niet ma̱ a̱di̱di̱t si̱ yet á̱tsotswat á̱niet.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

A̱ga̱la̱tiyawa 3:13

A̱wot Kristi wa tyia̱ zi̱ si̱ shot shyishyi a̱khwu nang doka ji shei a̱ni. Di̱n jen nang á̱ ku kpang Yesu á̱ si̱ lya̱u nggu da̱ a̱team a̱khwu wu a̱ni; a̱ si̱ kyiak shyishyi a̱khwu a̱ka̱tuk nyia̱ nzi̱t wu a̱ sak a̱pyia̱ nggu. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Konyan wa nang á̱ lya̱u ka̱tsak da̱ a̱kwon, ku tak nang shyishyi a̱khwu A̱gwaza ja ya nggu a̱ni.”

Titut 2:14

Nggu wa yet a̱tyu a̱ neap a̱pyia̱ nggu nang za̱nang a̱ni, da̱nian a̱ ka ti̱n zi̱t mami tyok a̱ka̱tuk nyia̱ hu. A̱ si̱ ja̱u zi̱t da̱nian zi̱ ka yet á̱niet guu nang gu nyia̱ tyok a̱ni; á̱niet ba̱ byia̱ a̱gba̱ndang di̱dang nyia̱ a̱tan nta̱m a̱ni.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

Ibriniyawa 12:4

Di̱ kwan nyin hu ma̱ng a̱ka̱tuk nyia̱, nyi ka̱n tat si̱sak nang nyi na nnwuak swuan nyin ji, á̱ hyaai nyin a̱ni bah.

1 Bitut 2:24

Nggu ma̱ a̱pyia̱ nggu, ku kyiak a̱ka̱tuk nyia̱ nzi̱t wu mi̱ vam nggu hu da̱ a̱team a̱khwu; da̱nian zi̱ ka yet nkwom di̱ nyia̱ a̱ka̱tuk nyia̱, a̱wot zi̱ yet a̱chet di̱ nyia̱ a̱tsotswat nta̱m. Mat a̱fi̱fa̱t gu bibya, nang á̱ nchoot nyin.

1 Bitut 3:18

A̱tsak a̱lyiat, Yesu ma̱ a̱pyia̱ nggu ku swuo a̱bung da̱ a̱ka̱nyiung mat a̱ka̱tuk nyia̱ nzi̱t wu. A̱wot a̱ bu na swuo a̱bung bah. A̱ ku yet a̱tsotswat wa. A̱wot a̱ si̱ khwu da̱nian á̱niet a̱ka̱tuk nyia̱, gu ka neap zi̱t a̱za̱za̱rak a̱zaghyi A̱gwaza. Á̱ ku hyat gu mi̱ vam hwa. A̱wot á̱ si̱ ta̱ngam gu ma̱ng swuan mami A̱za̱za̱rak Ntswa.