A̱filibiyawa 2:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Da̱ a̱kwonu a̱kya, a̱ si̱ kai a̱wat shi yet A̱gwaza nggu ka a̱ ghwon. A̱ si̱ ghyuai a̱pyia̱ nggu. A̱ si̱ bwuak a̱ tyia̱ a̱khwo. A̱wot á̱ si̱ byin nggu di̱ si̱sak nang á̱ ntyei á̱nietbishyi a̱ni. Nang gu mbai mi̱ vam a̱tyubishyi a̱ni,

A̱filibiyawa 2:7 Iomraidhean Croise

Matyu 12:18

“Di, a̱khwo nung wa wu nang n khai a̱ni! Nggu wa nang n chat ba̱t, a̱tyu nang fwuo nung hu fa̱k da̱ nggu a̱ni. N na tyia̱ Tswa nung ji da̱ nggu. Ji̱ na tyia̱ nggu chet. A̱wot a̱ na tak a̱mgba̱m nnwap mi̱ bibyin swanta na a̱tsotswat shi̱ri̱ya.

Matyu 20:28

Mat, ku Nggwon A̱tyubishyi ka ku bai á̱ nyia̱ nka khwo hwa bah. A̱wot ka̱ ku bai ka̱ ka nyia̱ á̱ghyang á̱niet bya khwo hu, ka̱ bu nwuak swuan nka ji, ji̱ yet zang da̱nian ka̱ ka nsan á̱niet ma̱ a̱di̱di̱t.”

Ma̱rkut 9:12

Yesu si̱ nwuak ba shim nyia̱, “A̱nia wa chi̱k. Iliya wa na yet a̱son bai ka, da̱nian gu ka jhyi nkyang jhyang a̱ sak nang na̱ ku ndi di̱n tsa hu a̱ni. Ma̱ng a̱nia, yihwa mbyia̱ nang á̱ ndyuut ma̱ A̱lyiat A̱gwaza na, nang Nggwon A̱tyubishyi na nswuo a̱bung ba̱t, a̱wot á̱ lak ka?

Luka 22:27

A̱nyan wa swak ma̱ng shi hu; a̱tyu a̱ swan a̱ ya kyayak hu a̱ni a, ke a̱tyu a̱ ka̱u kyayak hu a̱ni? A̱tsak a̱lyiat, a̱tyu a̱ swan a̱ ya kyayak hu a̱ni; nggu wa swak ma̱ng shi hu. A̱wot a̱nia wa ku ndi ma̱ng a̱nyin bah! Mat, nung n shya̱ ndung ma̱ng a̱nyin, n si̱ nyia̱ nyin nta̱m nang a̱khwo a̱ni.

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

A̱romawa 1:3

A̱sham Nkhang kani shya̱ tazwa Nggwon A̱gwaza kikya. Tazwa za̱kwa Yesu di̱ yet a̱tyubishyi, á̱ ku byin nggu mi̱ kwai A̱gwam Da̱wuda ja.

A̱romawa 15:3

Mat ku nggu Kristi ma̱ a̱pyia̱ nggu, a̱ ku nyia̱ kyang ku myim nggu wa a̱ni bah. Á̱ lyuut ma̱ A̱lyiat A̱gwaza kyang nang gu hyia̱ ma̱ng A̱gwaza a̱ni, nyia̱, “Ma̱nang á̱ nfwoi ang a̱ni, ma a̱nia wa nang fwoi nang á̱ fwoi ang a̱ni, ku kwa da̱ nung mameang.”

A̱romawa 15:8

Nyi jhyung nang Kristi ku mbai nang a̱khwo a̱ni da̱ a̱vwuo A̱yahudawa, gu ka tak ba nang A̱gwaza ni̱ mba̱ng a̱li̱ka̱uli nang gu ku nyia̱ a̱yaatyia̱ a̱khwop mba ba ndyo a̱ni.

A̱romawa 8:3

Doka Musa ji ku byia̱ chet nang ji̱ na nsan nzi̱t a̱ni bah, mat lat za̱kwa a̱ka̱tuk nyia̱ nzi̱t ji. Mat a̱nia, A̱gwaza si̱ nyia̱ ta̱m nang doka ji si̱ mi̱n nyia̱ a̱ni bah. A̱ si̱ ta̱m ma̱ng Nggwon nggu ka ka̱ byia̱ tangka̱i vam nang nzi̱t á̱niet a̱ka̱tuk nyia̱ ba byia̱ a̱ni. A̱wot mi̱ vam a̱hwa hwa, nang A̱gwaza ntak kpa̱sai nang tyok a̱ka̱tuk nyia̱ ntyak. A̱gwaza nyia̱ a̱nia, di̱ si̱sak nang gu nnwuak Nggwon nggu ka, ka̱ yet za̱nang da̱nian a̱ka̱tuk nyia̱ nzi̱t wu a̱ni.

2 A̱korontiyawa 13:4

Ku nang á̱ ku nkpang gu da̱ a̱team a̱khwu di̱ sang chet a̱tyubishyi a̱ni. A̱mgba̱m ma̱ng a̱nia, a̱ shya̱ ma̱ng swuan mat chet A̱gwaza hwa. Nzi̱t meang, zi̱ yet á̱niet sang chet bya, ma̱nang Kristi wu ku nsang chet a̱ni. A̱wot jen nang zi̱ na mbai da̱ a̱vwuo nyin a̱ni, nyi na li nang zi̱ nswuan di̱ mun á̱pyia̱ ma̱ng a̱nggu. A̱wot zi̱ na byia̱ chet A̱gwaza hu.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

A̱ga̱la̱tiyawa 4:4

A̱wot nang a̱tsatsak njen nang A̱gwaza la̱p a̱ sak nnyia̱ a̱ni, A̱gwaza si̱ ta̱m ma̱ng Nggwon nggu ka. Ka̱ ku byia̱ a̱yang byin, ka̱ si̱ swan ma̱ng á̱niet ba̱ khwi doka Musa ji a̱ni.

A̱filibiyawa 2:6

Ku nang Kristi ma̱ a̱pyia̱ nggu ngyet A̱gwaza a̱ni, a̱mgba̱m ma̱ng a̱nia, a̱ du kyiak a̱pyia̱ nggu cha̱chaat ma̱ng A̱gwaza bah. A̱ si̱ kyiak yet A̱gwaza nggu hu ku yet gu a̱wat nang gu na mba̱ng gi̱ngi̱ng a̱ni bah.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

Ibriniyawa 13:3

Nyi ni̱ njhyung á̱niet ba nang á̱ la̱p ba̱ shya̱ mi̱ jaru a̱ni, á ngyei nyi mun shya̱ mi̱ jaru ji dundung ma̱ng a̱mba. Nyi bu jhyung á̱niet ba nang á̱ ya̱shuk á̱ si̱ nyiak a̱ni, á ngyei nyin ma̱ á̱pyia̱ nyin nyi swuo a̱bung ka dundung ma̱ng a̱mba.

Ibriniyawa 4:15

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.