A̱filibiyawa 2:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Ku nang Kristi ma̱ a̱pyia̱ nggu ngyet A̱gwaza a̱ni, a̱mgba̱m ma̱ng a̱nia, a̱ du kyiak a̱pyia̱ nggu cha̱chaat ma̱ng A̱gwaza bah. A̱ si̱ kyiak yet A̱gwaza nggu hu ku yet gu a̱wat nang gu na mba̱ng gi̱ngi̱ng a̱ni bah.

A̱filibiyawa 2:6 Iomraidhean Croise

Matyu 1:23

“Nggwon neam di̱ ka̱ ka̱n myia̱ ma̱ng a̱tyok a̱ni bah, na shya̱ shya̱! Ka̱ byin nggwon a̱sam, á̱ na ngyei nggwon a̱kya ‘Imaniet.’ A̱lyoot ‘Imaniet’ ka fa, ‘A̱gwaza shya̱ dundung ma̱ng a̱nzi̱t.’ ”

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 10:30

Nung ma̱ng A̱tyia̱ nung wu, zi̱ yet kyang nyiung hwa.”

Yoona 10:33

A̱yahudawa ba si̱ nwuak Yesu shim nyia̱, “Zi̱ na mang ang mat a̱tan nta̱m nang a nyia̱ a̱ni bah. A̱wot mat lihyat nang a nyia̱ A̱gwaza ndyo wa a̱ni! Nwan a yet a̱tyubishyi a̱ni, a kyiak a̱pyia̱ ang cha̱chaat ma̱ng A̱gwaza!”

Yoona 10:38

A̱wot ki̱ nta̱m A̱tyia̱ nung nia nang n nyia̱, ku da̱ nyi nwuak fwuo da̱ nung bah; ku myim nyi nwuak a̱chuchuk di̱ nta̱m a̱ga̱de na; nyi ka lyen, nyi bu fi̱k nang A̱tyia̱ wu nshya̱ dundung ma̱ng a̱nung; nung mameang n si̱ shya̱ dundung ma̱ng a̱nggu.”

Yoona 14:28

Nyi jhyung n hyia̱ ma̱ nyin nyia̱; n na nat mbwuok mbai da̱ a̱vwuo nyin. Ka̱ nyi wa chat nung, si̱ nyi gwai nang n naat da̱ a̱vwuo A̱tyia̱ nung a̱ni. Mat A̱tyia̱ nung wu shi a̱ lan nung.

Yoona 14:9

Yesu si̱ nwuak Filibut shim hu nyia̱, “N dabeang ma̱ng a̱nyin ba̱t a̱ni. A̱mgba̱m ma̱ng a̱nia, nyi lyen nung baa? Konyan wa li nung, a̱ wa ka̱n di A̱tyia̱ nung wu za̱m! Yihwa mbyia̱ nang a nyia̱, ‘Tak zi̱t A̱tyia̱ wu’?

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 5:18

Mat kyang nang gu hyia̱ hyia̱ huni a̱ni, A̱yahudawa ba, si̱ mbeang chat vak nang ba̱ na nhyat gu a̱ni; nyia̱ da̱ziya nang gu mbyian mba a̱tuk Mam Fwung, a̱wot a̱ si̱ bu nyia̱ A̱gwaza wa yet A̱tyia̱ nggu, nyia̱ a̱ kyiak a̱pyia̱ nggu cha̱chaat ma̱ng A̱gwaza.

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

A̱romawa 9:5

Ba̱ yet á̱ka̱mbwon a̱yaatyia̱ a̱khwop mba bya Ibrahim, Ishaku, ma̱ng Yakubu. A̱wot di̱ yet a̱tyubishyi, Kristi wu meang neet mi̱ nkwai mba ja. Nggu wa yet A̱gwaza, a̱ nyia̱ tyok di̱ kuzang nkyang a̱ni. Yok á̱ dyep guu, ba̱ng si̱ nat sang sangba̱p! Samba̱rka!

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

1 Timoti 1:17

Yok a̱kyenkyai shi ma̱ng Tyok ku yong chi̱k da̱ A̱gwaza, a̱ yet A̱gwam sang sangba̱p; A̱gwaza a̱ na nwai khwu a̱ni, A̱gwaza nang a̱ nwai nwuan a̱ni, nggu wa yet A̱gwaza ma̱nyin nggu, si̱ nat sang sangba̱p. Samba̱rka!

1 Timoti 3:16

Kyang ku nshya̱ di̱ niat di̱ tyiet nwuak a̱chuchuk nzi̱t hu a̱ni, shi za̱m. Huhwa yet: Yesu ku chyok a̱ bai mi̱ vam A̱tyubishyi. A̱za̱za̱rak Ntswa ku tak nang nggu ngyet a̱tsatsak wa. A̱wot á̱za̱za̱rak a̱yaata̱m tswá A̱gwaza si̱ li ngguu. Á̱ ku shei A̱sham Nkhang nggu ka, á̱ kai a̱mgba̱m nnwap mi̱ bibyin swanta hu. A̱mgba̱m á̱niet mi̱ swanta ba si̱ nwuak a̱chuchuk da̱ nggu. A̱wot á̱ si̱ kyiak gu á̱ nat ndyo Ma A̱gwaza tswazwa mami a̱kyenkyai shi nggu wu.

Titut 2:13

Zi̱ ya nswan fwuong a̱tsatsak mam a̱gwai a̱hwa nang zi̱ ntyia̱ fwuo a̱ni, nang Yesu Kristi a̱ yet a̱gba̱ndang A̱gwaza ma̱ng A̱tyusan nzi̱t wu na mbwuok a̱ bai ma̱ng a̱kyenkyai shi nggu wu kpa̱sai a̱ni.

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.

Ibriniyawa 1:6

Ma a̱nia wa, jen ji nang A̱gwaza na nta̱m Nggwon nggu ka ka̱ byia̱ shi a̱ swak kuzang kyang mi̱ swanta hu a̱ni, a̱ si̱ nyia̱, “Yok a̱mgba̱m a̱yaata̱m tswá A̱gwaza ba, ba̱ kyuak ntong a̱zaghyi nggu!”

Ibriniyawa 1:8

A̱wot tazwa Nggwon ka, á̱ si̱ nyia̱, “A swan da̱ a̱gba̱ndang chuk tyok ang wu, A̱gwaza, a nyia̱ tyok si̱ nat sang sangba̱p. A nyia̱ tyok hu ma̱ng a̱tsotswat shan tyok wa.

Ibriniyawa 13:8

Yesu Kristi shai bah. Nggu wa ku nshya̱ gbangbang. Nggu wa nshya̱ ma̱nini. Nggu wa na nshya̱ ba̱ng si̱ nat sang sangba̱p.

Tyai Á̱zanson 21:6

A̱wot A̱gwaza si̱ bu nyia̱, “Ku bai tyak! Nung gwa ngyet A̱lfa ma̱ng Omega; A̱son ka ma̱ng A̱ngaan ka! Konyan wa a̱ fwuong mashyi a̱ni, n na nang gu a̱sa̱khwot mi̱ nnang a̱sa̱khwot nswuan na gu swuo! A̱ na tan bah.