A̱filibiyawa 2:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Yok nyi byia̱ tangka̱i za̱kwa nang Yesu Kristi ku byia̱ a̱ni.

A̱filibiyawa 2:5 Iomraidhean Croise

Matyu 11:29

Nyi kyiak a̱byi̱ri̱m khwi nung wu dundung ma̱ng a̱nung, a̱wot nyi myiam da̱ a̱vwuo nung. Mat n gyet shonshyon mi̱ fwuo. N si̱ ngyet a̱tyu ghyuai a̱pyia̱. A̱wot nyi na shya̱ fwung mi̱ nfwuo nyin na.

Luka 22:27

A̱nyan wa swak ma̱ng shi hu; a̱tyu a̱ swan a̱ ya kyayak hu a̱ni a, ke a̱tyu a̱ ka̱u kyayak hu a̱ni? A̱tsak a̱lyiat, a̱tyu a̱ swan a̱ ya kyayak hu a̱ni; nggu wa swak ma̱ng shi hu. A̱wot a̱nia wa ku ndi ma̱ng a̱nyin bah! Mat, nung n shya̱ ndung ma̱ng a̱nyin, n si̱ nyia̱ nyin nta̱m nang a̱khwo a̱ni.

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 20:35

A̱wot mami kuzang kyang, n si̱ ngyet kidee di̱ si̱sak ji nyi na nnyia̱ ta̱m ma̱ng chet, da̱nian nyi ka mbeang á̱niet ba̱ sang kyang a̱ni. Nyi bu jhyung a̱lyiat A̱tyoli Yesu na nyia̱, ‘Nang a̱yin kyang byia̱ kpangti̱n a̱ lan si̱sak nang a na nsan kyang ma̱ng a̱yin a̱ni.’ ”

A̱romawa 14:15

A̱wot ki̱ kyayak nang a na ya a̱ni na tyia̱ a̱tyu khwi a̱ghyang a̱ ga̱u a̱ but mi̱ fwuo, a tak nang a nchat gu bah. Mat a̱nia, yok shim tangka̱i kyayak nang a na ya, nang a̱tyu khwi a̱ghyang kyiak á̱ nwai ya a̱ni, ku tyia̱ a̱tyu khwi nang Kristi khwu da̱nian nggu a̱ni, a̱ kwa bah.

A̱romawa 15:3

Mat ku nggu Kristi ma̱ a̱pyia̱ nggu, a̱ ku nyia̱ kyang ku myim nggu wa a̱ni bah. Á̱ lyuut ma̱ A̱lyiat A̱gwaza kyang nang gu hyia̱ ma̱ng A̱gwaza a̱ni, nyia̱, “Ma̱nang á̱ nfwoi ang a̱ni, ma a̱nia wa nang fwoi nang á̱ fwoi ang a̱ni, ku kwa da̱ nung mameang.”

A̱romawa 15:5

Yok A̱gwaza a̱ tyei nzi̱t zi̱ nyap fwuo a̱ni. A̱wot a̱ si̱ bu tyei nzi̱t gba̱gbak gba̱mgbam a̱ni, gu beang nyin nyi swan swat mun á̱pyia̱ ma̱ng á̱ghyang nyin, ma̱nang ku mmyim á̱niet khwi Yesu Kristi ba a̱ni.

1 A̱korontiyawa 10:33

Nung meang, n ni̱ nkwan n tyia̱ konyan gu fa̱k nyinyang mami kuzang kyang nang n nyia̱ a̱ni. Nung, n ni̱ nyia̱ kyang ku myim nung wa a̱ni ma̱nyin nung bah. N ni̱ nyia̱ á̱ghyang á̱niet nkyang na̱ swak mi̱ yet a̱ni, da̱nian á̱niet ma̱ a̱di̱di̱t ba̱ ka shya̱ san.

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

A̱filibiyawa 1:1

Nung Bulut, nung gwa n dyuut nyin wusika jini, n shya̱ ndung ma̱ng Timoti, zi̱ yet á̱khwo Kristi Yesu a̱ni. N dyuut wusika jini da̱nian n ka byiat a̱mgba̱m a̱za̱za̱rak sot á̱niet khwi A̱gwaza ba, ba̱ shya̱ ma̱ a̱keang Filibi, ba̱ mun á̱pyia̱ ma̱ng Kristi Yesu a̱ni; ma̱ng a̱yaakwak a̱son á̱niet khwi ba, mbeang á̱niet ba̱ beang nta̱m sot á̱niet khwi na a̱ni.

1 Bitut 2:21

Mat A̱gwaza yei nyin nyi nyia̱ a̱tan nta̱m, ku di̱ ta̱m hu na yet nyin si̱ swuo a̱bung hwa, ma̱nang Kristi ku nswuo a̱bung da̱nian nyin a̱ni. Nggu wa yet nyin kidee ji. A̱wot ku yet ta hwa nyi khwi ngguu.

1 Bitut 4:1

Mat a̱nia, nang Yesu nswuo a̱bung mi̱ vam a̱ni, ku yet ta hwa nyi yong mi̱ chet ma̱nang a̱nggu a̱ni. A̱wot nyi swan ma̱ng la̱p vam fwuong swuo a̱bung meang. Mat ka̱ nyi swuo a̱bung da̱nian Kristi, ku tak nang a̱ka̱tuk nyia̱ bu byia̱ tyok tazwa nyin bah.

1 Yoona 2:6

Á̱niet ba ba̱ tak nyia̱ ba̱ shya̱ ndung ma̱ng A̱gwaza a̱ni, ku yet ta hwa ba̱ swan ma̱nang Yesu nswan a̱ni.