A̱filibiyawa 2:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Konyan ma̱ nyin gu ni̱ ngyok chat mi̱ kyang ku na myim nggu ma̱ nyin gu wa a̱ni bah. A̱wot da̱ a̱kwonu a̱kya, a̱ bu chat kyang ku na myim á̱ghyang á̱niet a̱ni meang.

A̱filibiyawa 2:4 Iomraidhean Croise

Matyu 18:6

A̱wot konyan wa tyia̱ a̱tyo nyiung ma̱ a̱chyuang mman ba̱ nwuak fwuo da̱ nung a̱ni, si̱ nyia̱ a̱ka̱tuk, ku na lan á̱ lya̱u a̱nyuu naan kwang a̱ma̱nfwuo, á̱ ta nggu ma̱ a̱gba̱ndang a̱tsuung kyai a̱sa̱khwot!

A̱romawa 12:15

Nyi gwai dundung ma̱ á̱niet ba̱ shya̱ ma̱ gwai a̱ni. A̱wot á̱niet ba̱ twei a̱ni, nyi twei dundung ma̱ng a̱mba.

A̱romawa 15:1

Nzi̱t á̱niet khwi zi̱ nwuak a̱chuchuk nang Kristi shim nzi̱t ndyo zi̱ nyia̱ nkyang njhyang a̱ni, ku myim zi̱ nyap fwuo ma̱ng á̱niet khwi ba̱ but mi̱ fwuo di̱ nkyang njhyang nang Yesu shim mba ndyo a̱ni. Zi̱ yok nyia̱ mi̱ nkyang na̱ myim nzi̱t wa a̱ni bah.

1 A̱korontiyawa 10:24

A̱yin gu yok chat kyang ku na myim nggu wa a̱ni ma̱nyin nggu bah. Da̱ a̱kwonu a̱kya, gu chat kyang ku bu na myim á̱ghyang á̱niet a̱ni.

2 A̱korontiyawa 11:29

Ka̱ a̱yin sang chet di̱ nwuak a̱chuchuk hu, n ni̱ nfa̱k á ngyei nung gwa sang chet hu. Ka̱ á̱ tyia̱ a̱yin si̱ teap di̱ khwi Yesu hu, n ni̱ mwai lyen ba̱t.

2 A̱korontiyawa 6:3

Zí̱ ni̱ swan tangka̱i swat nang zi̱ na ngyet a̱yin a̱fang tuk tak a̱ni bah. A̱wot á̱ mbyia̱ a̱tyu a̱ na tyia̱ nzi̱t a̱bun mi̱ ta̱m shei a̱lyiat A̱gwaza nzi̱t hu a̱ni bah.

A̱filibiyawa 2:21

A̱wot á̱kum á̱niet ka, konyan ma̱ mba nyia̱ a̱di̱dam tazwa ya a̱son a̱pyia̱ nggu kya. Da̱ mba, ba̱ chat si̱sak nang ba̱ na nnyia̱ nkyang na nang Yesu Kristi chat a̱ni bah.

Yakubu 2:8

A̱tsak a̱lyiat, ka̱ nyi khwi doka Tyok A̱gwaza ji, nang á̱ lyuut ma̱ A̱lyiat A̱gwaza na a̱ni, nyia̱, “Chat a̱kpa̱ndang swat ang wu, ma̱nang a nchat a̱pyia̱ ang a̱ni.” Si̱ a̱hwa myim a̱nia.