A̱filibiyawa 2:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ Mat a̱ ku nwuak swuan nggu ji a̱ si̱ shim a̱khwu da̱nian ta̱m Kristi. A̱wot a̱ si̱ beang nung a̱kwonu nyin nang nyin bya myim nyi beang nung a̱ni, ki̱ nyi wa shya̱ kpa̱mkpaan a̱ji.

A̱filibiyawa 2:30 Iomraidhean Croise

Nta̱m A̱yaata̱m 20:24

A̱mgba̱m ma̱ng a̱nia, n kyiak swuan nung ji ji̱ yet kyang bah. Ta̱m nang A̱tyoli Yesu nwuak nung n nyia̱ a̱ni, huhwa nang n chat n tyak; n shei A̱sham Nkhang tazwa a̱gba̱ndang shok A̱gwaza.

A̱romawa 16:4

A̱tsak a̱lyiat, bibya ku nwuak á̱pyia̱ mba ma̱ng swuan mba ji da̱nian nung. N gwai mba ba̱t, ma̱ng a̱mgba̱m susot á̱niet khwi ba̱ nwai yet A̱yahudawa ba a̱ni.

1 A̱korontiyawa 15:53

Mat ku yet ta hwa, á̱ shyak nvam nzi̱t na na̱ tyiai a̱ni, na̱ yet nvam na̱ nwai tyiai a̱ni. A̱wot ku yet ta hwa, á̱ shyak nvam nzi̱t na na̱ kwi a̱ni, na̱ bwuak á̱ tyia̱ nvam na̱ nwai kwi a̱ni.

1 A̱korontiyawa 16:10

Ki̱ Timoti bai da̱ a̱vwuo nyin mi̱ Korinti, nyi yok tyia̱ gu fa̱k a̱wun di̱ nyia̱ ta̱m nggu hu bah. Mat a̱ nyia̱ ta̱m A̱gwaza hwa ma̱nang n nyia̱ a̱ni.

1 A̱korontiyawa 16:17

N gwai ba̱t ma̱ng bai á̱niet Itifanat, Fa̱tunatut, ma̱ng A̱kaikut. Bibya ku beang nung, di̱n jen nang nyi ku nsaan, n si̱ ndyin beang nyin hu a̱ni.

2 A̱korontiyawa 12:15

N na fa̱k nyinyang n hyat a̱pyia̱ nung ma̱ng a̱mgba̱m kyang nang n byia̱ a̱ni, da̱nian n ka beang nyin; ku nang ku ndi á ngyei n chat nyin ba̱t, a̱wot nyin, nyi chat nung ma̱ chunchwiit.

2 A̱korontiyawa 4:12

Huhwa mbyia̱ zi̱ ni̱ nwuan a̱khwu, a̱wot si̱ a̱hwa ka̱n tyia̱ nyin nyi shya̱ swuan sang sangba̱p.

A̱filibiyawa 2:17

Ka̱ a̱nia wa, n na nfa̱k fwuo sai, ku nang n na ndyin swuan nung ji, nang á̱ ni̱ nkoot za̱nang ji yet a̱sok a̱zaghyi A̱gwaza a̱ni. Za̱nang jini bu tai á̱tsotswat nta̱m nyin wu na̱ yet kidee za̱nang a̱zaghyi A̱gwaza a̱ni. A̱mgba̱m ma̱ng a̱nia, n chat a̱mgba̱m nyin nyi beang nung a̱gwai a̱nia.

A̱filibiyawa 2:27

A̱tsak a̱lyiat, a̱ ku nyia̱ ma̱ng zwan ba̱t á ngyei a̱ na khwu. A̱wot A̱gwaza si̱ fa̱k kunak gu, ma̱ng a̱nung meang, kalak swuo a̱bung nung hu ku swak si̱sak nang n swuo a̱bung ka ma̱nini a̱ni.

A̱filibiyawa 4:10

N gwai A̱gwaza za̱m, nang nyi bu njhyung nyi beang nung ma̱nini a̱ni. Nyi tak nang nyi ni̱ mbyia̱ fwuo nyi beang nung. A̱tsak a̱lyiat, n dyen nyi ku mi̱ nchat nyi beang nung, a̱wot nyi si̱ shya̱ a̱wat ka bah.

A̱filibiyawa 4:18

Ma̱ninika, n wa ka̱n san kuzang kyang nang nyi ta̱m ma̱ng a̱nung ndyo a̱ni. A̱wot ku swak kyang hu nang n chat a̱ni. N wa ka̱n swa ma̱ng a̱mgba̱m za̱nang ji nang nyi ta̱m ma̱ng a̱nung ndyo gba̱mgbam mbwak A̱bafa̱ratut a̱ni. Za̱náng nyin ji yet za̱nang ja ji̱ byia̱ swam turare nyinyang nang A̱gwaza san a̱ si̱ fa̱k nyinyang ji a̱ni.

Filimon 1:13

N za nchat n ghwon gu a̱ji ma̱ng a̱nung, gu nyia̱ nung ta̱m da̱ a̱kwonu ang, nang á̱ nyim nung mi̱ jaru mat A̱sham nkhang Yesu ka a̱ni.

Tyai Á̱zanson 12:11

A̱wot á̱niet khwi Yesu ba si̱ ya Sha̱tan mi̱ zwang ji, mat chet a̱sok Fi̱ng A̱nfwuk hu ma̱ng sheda mba hu tazwa a̱lyiat A̱gwaza. Mat ba̱ chat swuan mba ji shansham bah; a̱wot da̱ mba ba̱ fwuong a̱wun a̱khwu bah.