A̱filibiyawa 2:29 - A̠lyiat A̠gwaza na di̠n Tyap: A̠li̠ka̠uli A̠fai

²⁹ Nyi san gu mbwak nfeang ma̱ng a̱gba̱ndang a̱gwai mami chat ku yet si̱ á̱niet khwi A̱tyoli Yesu a̱ni. A̱wot nyi bu nwuak tangka̱i á̱niet nang nggu a̱ni shi.

A̱filibiyawa 2:29 Iomraidhean Croise

Luka 9:5

A̱keang ka nang á̱niet ba ndak san nyin mbwak feang a̱ni; nyi gbaat mbwuk a̱keang na da̱ a̱ti̱tak nyin ba. Nyi ghwon a̱keang ka. Ku na yet a̱lama ku tak nang A̱gwaza na nnyia̱ mba shi̱ri̱ya a̱ni mut!”

Yoona 13:20

A̱tsatsak a̱lyiat wa nang n shei ma̱ng a̱nyin; konyan wa san a̱tyu nang n ta̱m ndyo a̱ni ma̱ng fwuo nyiung, ku li á̱ ngyei nung gwa gu san. Ma a̱nia wa, a̱tyu a̱ ma nsan nung ma̱ng fwuo nyiung a̱ni, a̱ mun a̱ san a̱tyu a̱ ta̱m ma̱ng a̱nung wa a̱ni.”

Nta̱m A̱yaata̱m 2:46

Kuzang a̱tuk ba̱ ku tung mi̱ didyaat A̱li Nwuat Za̱nang A̱gwaza hu. Ba̱ si̱ bu tung á̱ ya nkyayak ma̱ a̱ka̱sa á̱ghyang ma̱ng ya kyayak a̱di̱dam a̱khwu Yesu ma̱ng a̱lyia̱ sai, ma̱ng fwuo nyiung,

Nta̱m A̱yaata̱m 28:10

Huhwa á̱niet ma̱ a̱byin a̱ka̱wa̱tyia̱ a̱sa̱khwot a̱bya si̱ nwuak nzi̱t shi. A̱wot jen ji nang zi̱ ku nshim doot mi̱ kukwon a̱wak hu a̱ni, ba̱ si̱ nwuak zi̱t a̱mgba̱m nkyang nang ba̱ lyen zi̱ na chat ma̱ a̱chyet nzi̱t ka a̱ni.

Nta̱m A̱yaata̱m 8:8

Huhwa á̱niet ma̱ a̱keang a̱bya mi̱ fam a̱byin Sa̱mariya si̱ gwai ba̱t!

A̱romawa 10:15

A̱wot á̱ na nyia̱ ni wa a̱yin a̱ nat a̱ si̱ tak ma̱ng a̱mba; da̱ mba, á̱ ta̱m nggu da̱ a̱vwuo mba bah? Mat a̱nia, á̱ lyuut ma̱ A̱lyiat A̱gwaza na nyia̱, “A̱ti̱tak a̱yaata̱m ba̱ na bai shei A̱sham nkhang ka a̱ni, ba̱ yet a̱sham ba̱t!”

A̱romawa 16:2

Nyi san Fibi mbwak nfeang mami a̱lyoot A̱tyoli Yesu. A̱ maai á̱ nwuak gu shi ma̱ á̱niet khwi A̱gwaza ba. A̱wot nyi beang nggu ma̱ng kuzang tangka̱i beang nang gu chat da̱ a̱vwuo nyin a̱ni. Mat nggu meang a̱ ka̱n beang á̱ghyang á̱niet ma̱ a̱di̱di̱t, bi̱ri̱ng ma̱ng a̱nung.

1 A̱korontiyawa 16:10

Ki̱ Timoti bai da̱ a̱vwuo nyin mi̱ Korinti, nyi yok tyia̱ gu fa̱k a̱wun di̱ nyia̱ ta̱m nggu hu bah. Mat a̱ nyia̱ ta̱m A̱gwaza hwa ma̱nang n nyia̱ a̱ni.

1 A̱korontiyawa 16:18

Ba̱ tyia̱ nung gba̱gbak ba̱t, ma̱nang ba̱ ku ntyei nyin ndyo a̱ni. Ntangka̱i á̱niet nani ba̱ nyia̱ ta̱m shansham a̱ni, ku myim á̱ tak ba a̱gwai.

2 A̱korontiyawa 10:18

Mat, ka̱ a̱yin chyin a̱pyia̱ gu, si̱ a̱hwa yet a̱buk kyang wa. Kyang ku yet a̱ swak a̱ni, huhwa yet; A̱tyoli Yesu a̱ chyin ngguu.

2 A̱korontiyawa 7:2

Ma̱sa̱kut, nyi yok ba̱ng nzi̱t mi̱ nfwuo nyin na bah. Mat zi̱ ka̱n bwuo a̱yin a̱bun, ku zi̱ tyia̱ a̱yin teap di̱ khwi hu, ku zi̱ shyok a̱yin bah.

A̱filibiyawa 2:28

Mat a̱nia, n byia̱ di̱dang ba̱t, n bu nta̱m nggu gu bwuok a̱ bai da̱ a̱vwuo nyin, da̱nian nyi ka gwai di̱n jen ji nyi bu ndi nggu a̱ni. A̱wot n bu na nyia̱ a̱ka̱tuk a̱fi̱fa tazwa nyin bah.

A̱kolosiyawa 4:10

Ari̱sta̱kut, a̱tyu nang á̱ la̱p mi̱ jaru ji dundung ma̱ng a̱nung a̱ni, byat nyin. Ma a̱nia wa Ma̱rkut, a̱tyu a̱ kwon byin ma̱ng Ba̱nabat a̱ni, byat nyin. (Ma̱nang á̱ ku ntak nyin di̱n jen ji ji̱ swak a̱ni, ka̱ Ma̱rkut bai da̱ a̱vwuo nyin, nyi san nggu mbwak nfeang).

1 A̱ta̱solonikawa 5:12

Á̱niet khwi Yesu ba nang n chat a̱ni, zi̱ chat nyi nwuak á̱niet ba ba̱ nyia̱ ta̱m mami nyin a̱ni shi. Bibya bu kwak nyin a̱son mami nta̱m A̱gwaza na, a̱wot ba̱ bu gba nyin.

1 Timoti 5:17

A̱cha̱chet á̱niet khwi ba̱ nyia̱ ta̱m shansham a̱ni, ku myim á̱ nwuak ba shi. A̱wot á̱ bu tan mba shansham. A̱wot á̱si̱ ba ba̱ nyia̱ nta̱m shei a̱lyiat A̱gwaza ma̱ng tyiet hu a̱ni, bibya á̱ na beang á̱ swak.

Ibriniyawa 13:17

Nyi khwi a̱lyiat á̱niet ba̱ yet a̱yaakwak a̱son nyin ba̱ a̱ni. A̱wot nyi nwuak pyipyia̱ nyin mbwak tyok mba hu. Ta̱m mba huhwa yet; ba̱ chok swuan nyin ji. A̱wot ba̱ na fang kuzang nkyang nang ba̱ nyia̱ a̱ni a̱zaghyi A̱gwaza. Ki̱ nyi khwi a̱lyiat a̱yaakwak a̱son nyin na, ba̱ na nyia̱ nta̱m mba na ma̱ng fwuo sai, kalak ba̱ nyia̱ nta̱m na ma̱ng fwuo byian. Si̱ a̱hwa si̱ mi̱n beang nyin bah.

3 Yoona 1:10

Mat a̱nia, ki̱ n mbai da̱ a̱vwuo nyin, n na tyai á̱ka̱tuk nkyang nang Diyotari̱fi̱t nyia̱ a̱ni kpa̱sai, ma̱ng á̱ka̱tuk a̱hyiak nang gu mbat nzi̱t a̱ni. A̱wot si̱ a̱hwa maai gu bah, a̱ bu ni̱ lak san á̱na̱nyiuk ba, ba̱ yet á̱niet tyiet ba̱ chong á̱ shei A̱sham nkhang ka a̱ni. A̱wot kyang ku swak a̱nia ma̱ng yet a̱ka̱tuk a̱ni, huhwa yet; a̱ bu ni̱ vwuong á̱niet khwi ba ba̱ chat san á̱niet tyiet bani a̱ni. A̱ bu ni̱ chat a̱ fi̱n á̱niet khwi a̱bya ba̱ chat beang á̱niet tyiet ba a̱ni, á̱ ghwut ndyo mami sot á̱niet khwi ji.