A̱filibiyawa 2:28 - A̠lyiat A̠gwaza na di̠n Tyap: A̠li̠ka̠uli A̠fai

²⁸ Mat a̱nia, n byia̱ di̱dang ba̱t, n bu nta̱m nggu gu bwuok a̱ bai da̱ a̱vwuo nyin, da̱nian nyi ka gwai di̱n jen ji nyi bu ndi nggu a̱ni. A̱wot n bu na nyia̱ a̱ka̱tuk a̱fi̱fa tazwa nyin bah.

A̱filibiyawa 2:28 Iomraidhean Croise

Yoona 16:22

A̱nia wa ku na ndi da̱ a̱vwuo nyin. Ma̱ninika, nyi shya̱ ma̱ng byian fwuo. A̱mgba̱m ma̱ng a̱nia, n bu na ndi nyin. A̱wot a̱yin si̱ mi̱n ti̱n nyin a̱gwai a̱nia bah.

Nta̱m A̱yaata̱m 20:38

Kyang hu ku ku nwuak ba byian nfwuo ji a̱ni; huhwa yet a̱lyiat na nang Bulut ku hyia̱ ma̱ng a̱mba nyia̱ da̱ ba̱ bu na li nggu a̱ni bah. A̱wot ba̱ si̱ tyei nggu a̱ta̱lyen, á̱ nat ndyo di̱ tyan nwuai kukwon a̱wak ji.

2 A̱korontiyawa 2:3

Mat n ku chat nfwuo nyin na na̱ byian bah. Huhwa si̱ mbyia̱ n ku ndyuut nyin wusika ntsa ji. Mat ki̱ n bai, a̱tyu a̱ myim a̱ tyia̱ nung a̱gba̱ndang a̱gwai a̱ni, n chat nggu wa a̱ byian nung fwuo bah. A̱tsak a̱lyiat, nyi lyen ki̱ n shya̱ ma̱ng a̱gwai, nyin meang, nyi na gwai.

A̱filibiyawa 2:29

Nyi san gu mbwak nfeang ma̱ng a̱gba̱ndang a̱gwai mami chat ku yet si̱ á̱niet khwi A̱tyoli Yesu a̱ni. A̱wot nyi bu nwuak tangka̱i á̱niet nang nggu a̱ni shi.

2 Timoti 1:4

Ki̱ n jhyung ndang a̱ghyi na di̱n jen nang zi̱ ku mbyiat sak a̱ni, a̱wot n ni̱ nchat n di ang ba̱t, da̱nian n ka nfa̱k a̱lyia̱ sai.