A̱filibiyawa 2:27 - A̠lyiat A̠gwaza na di̠n Tyap: A̠li̠ka̠uli A̠fai

²⁷ A̱tsak a̱lyiat, a̱ ku nyia̱ ma̱ng zwan ba̱t á ngyei a̱ na khwu. A̱wot A̱gwaza si̱ fa̱k kunak gu, ma̱ng a̱nung meang, kalak swuo a̱bung nung hu ku swak si̱sak nang n swuo a̱bung ka ma̱nini a̱ni.

A̱filibiyawa 2:27 Iomraidhean Croise

Nta̱m A̱yaata̱m 9:37

Mi̱ njen a̱ja, Ta̱bita si̱ nyia̱ ma̱ng zwan, a̱ si̱ khwu. Á̱ si̱ swuo kwom nggu hu da̱nian á̱ ka niat nggu. A̱wot á̱ si̱ myiai kwom gu hu mi̱ nyuo a̱mali tazwa.

1 A̱korontiyawa 10:13

Mai ku shyat nyin a̱ni, ku vwuon ma̱ng si̱ nang á̱ghyang á̱niet shyat a̱ni bah. A̱wot A̱gwaza yet a̱tsotswat wa. A̱ na ghwon á̱ mak nyin ma̱ng kyang ku swuo chet nyin nyi kwa a̱ni bah. A̱wot di̱ mak a̱hwa hwa, nang gu na nkhwuk nyin vak nang nyi na nghwut a̱ni, da̱nian nyi ka gbang a̱lyia̱ di̱n jen mak ji.

2 A̱korontiyawa 2:7

Mat a̱nia, ma̱ninika jen ji nyia̱ nang nyi na nchi ngguu, a̱wot nyi tyia̱ nggu gba̱gbak a̱ni. Kalak byian fwuo nggu ji ji̱ swuo chet gu.

A̱filibiyawa 2:26

N na ta̱m gu da̱ a̱vwuo nyin mat a̱ fwuong di̱dang li nyin a̱mgba̱m. A̱wot a̱ si̱ byia̱ a̱fi̱fa ba̱t, mat a̱ lyen nyi ka̱n fa̱k nkhang zwan nggu na.

A̱filibiyawa 2:28

Mat a̱nia, n byia̱ di̱dang ba̱t, n bu nta̱m nggu gu bwuok a̱ bai da̱ a̱vwuo nyin, da̱nian nyi ka gwai di̱n jen ji nyi bu ndi nggu a̱ni. A̱wot n bu na nyia̱ a̱ka̱tuk a̱fi̱fa tazwa nyin bah.

A̱filibiyawa 2:30

Mat a̱ ku nwuak swuan nggu ji a̱ si̱ shim a̱khwu da̱nian ta̱m Kristi. A̱wot a̱ si̱ beang nung a̱kwonu nyin nang nyin bya myim nyi beang nung a̱ni, ki̱ nyi wa shya̱ kpa̱mkpaan a̱ji.