A̱filibiyawa 2:26 - A̠lyiat A̠gwaza na di̠n Tyap: A̠li̠ka̠uli A̠fai

²⁶ N na ta̱m gu da̱ a̱vwuo nyin mat a̱ fwuong di̱dang li nyin a̱mgba̱m. A̱wot a̱ si̱ byia̱ a̱fi̱fa ba̱t, mat a̱ lyen nyi ka̱n fa̱k nkhang zwan nggu na.

A̱filibiyawa 2:26 Iomraidhean Croise

Matyu 11:28

A̱wot Yesu si̱ nyia̱, “Nyin á̱niet nyi veang ma̱ng pyia̱t a̱kpi̱di̱dyi̱k nkpa̱t a̱ni, nyi bai da̱ a̱vwuo nung. A̱wot n na nwuak nyin fwung.

Matyu 26:37

A̱ si̱ shyei a̱ nat a̱zanson ndung ma̱ng Bitut, ma̱ng mman Za̱ba̱di na a̱feang, bibya yet Yakubu ma̱ng Yoona. A̱wot a̱ si̱ fa̱k byian fwuo, a̱ si̱ nwuo a̱fi̱fa.

Nta̱m A̱yaata̱m 21:13

A̱mgba̱m ma̱ng a̱nia, Bulut si̱ nyia̱ ma̱ng a̱mba, “Yihwa mbyia̱ nyi ntwei? Nyi tyei nung byian fwuo! N fwuong á̱ nyim nung mi̱ jaru ja ma̱nyin ji ma̱ a̱keang Urusha̱lima ka bah. A̱wot ku a̱khwu kya, n shim n khwu da̱nian A̱tyoli Yesu!”

A̱romawa 1:11

N fwuong di̱dang bai n byiat nyin, n ka nang nyin za̱nang chet A̱za̱za̱rak Ntswa, ji̱ na tyia̱ nyin nyi mbeang chet di̱ khwi A̱tyoli Yesu hu a̱ni.

A̱romawa 12:15

Nyi gwai dundung ma̱ á̱niet ba̱ shya̱ ma̱ gwai a̱ni. A̱wot á̱niet ba̱ twei a̱ni, nyi twei dundung ma̱ng a̱mba.

A̱romawa 9:2

N shya̱ ma̱ng byian fwuo za̱m ma̱ng a̱lyia̱ ya kuzang njen mi̱ fwuo nung hu, da̱nian á̱niet nung ba.

1 A̱korontiyawa 12:26

Ki̱ kap nyiung swuo a̱bung, a̱mgba̱m á̱kum nkap ka na mun á̱ swuo a̱bung ka dundung ma̱ng a̱nhu. Ma a̱nia wa, ka̱ á̱ ma nwuak kap nyiung shi, a̱mgba̱m á̱kum nkap ka na gwai dundung ma̱ng a̱nhu.

2 A̱korontiyawa 9:14

A̱wot ba̱ na naai A̱gwaza da̱nian nyin ma̱ng a̱tsatsak chat, mat a̱gba̱ndang shok nang A̱gwaza nyia̱ nyin ndyo a̱ni.

A̱ga̱la̱tiyawa 6:2

Nyi ni̱ mbeang á̱niet ba̱ swuo a̱bung ma̱ng a̱fi̱fa a̱ li nang a̱kpi̱di̱dyi̱k nkpa̱t a̱ni. Di̱ nvak huni hwa nyi na nkhwi doka ji cha̱chaat nang Kristi nwuak nyin a̱ni.

A̱fisawa 3:13

Mat a̱nia, n naai nyin nyi yok but mi̱ fwuo mat kuzang tangka̱i swuo a̱bung nang n swuo da̱nian nyin a̱ji a̱ni bah. Swuo a̱bung nung hu yet kyang ku na beang nyin wa a̱ni.

A̱filibiyawa 1:3

Kuzang jen ki̱ n nyia̱ a̱di̱dam da̱ nyin, n ni̱ gwai A̱gwaza nung wu da̱nian nyin.

A̱filibiyawa 1:8

A̱gwaza lyen si̱sak nang n chat nyin n si̱ bu nfa̱k da̱ nyin a̱ni ba̱t, ma̱nang Kristi Yesu nchat nyin a̱ni.

A̱filibiyawa 2:25

A̱wot ma̱ninika, n dam n di ku myim n bu nta̱m ma̱ng a̱nyin A̱bafa̱ratut a̱ bwuok a̱ bai da̱ a̱vwuo nyin. A̱ yet a̱tsatsak a̱na̱nyiuk nzi̱t wa mi̱ khwi Kristi hu. A̱ si̱ bu yet a̱kpa̱ndang ta̱m, a̱ li nang a̱tyu nzwang a̱ni di̱ shei A̱sham Nkhang Kristi ka dundung ma̱ng a̱nung. A̱wot a̱ ku yet a̱ta̱m nyin wa nang nyi ku ta̱m gu ka beang nung di̱ kyang nang n chat a̱ni.

A̱filibiyawa 2:27

A̱tsak a̱lyiat, a̱ ku nyia̱ ma̱ng zwan ba̱t á ngyei a̱ na khwu. A̱wot A̱gwaza si̱ fa̱k kunak gu, ma̱ng a̱nung meang, kalak swuo a̱bung nung hu ku swak si̱sak nang n swuo a̱bung ka ma̱nini a̱ni.

A̱filibiyawa 4:1

Mat a̱nia, nyin á̱niet khwi Yesu ba nang n chat a̱ni, nyi yong chi̱k di̱ nwuak fwuo nyin hu da̱ A̱tyoli Yesu. Mat n fa̱k da̱ nyin, nyi yet á̱kpa̱ndang nung, nyin bya bu yet a̱gwai nung na ma̱ng bung tyok nung ji, ji̱ yet zang ta̱m nung ji a̱ni.

1 Bitut 1:6

Nang ku ndi a̱nia a̱ni, si̱ nyi gwai nyi swan ma̱ng a̱lyia̱ sai di̱ shya̱ san huni. A̱mgba̱m ma̱ng a̱nia, di̱ a̱bada̱dei njen ma̱nini, nyi na gbang a̱lyia̱ di̱n jen nang á̱ nya̱shuk nyin ma̱ a̱di̱di̱t a̱ni.