A̱filibiyawa 2:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ A̱wot ma̱ninika, n dam n di ku myim n bu nta̱m ma̱ng a̱nyin A̱bafa̱ratut a̱ bwuok a̱ bai da̱ a̱vwuo nyin. A̱ yet a̱tsatsak a̱na̱nyiuk nzi̱t wa mi̱ khwi Kristi hu. A̱ si̱ bu yet a̱kpa̱ndang ta̱m, a̱ li nang a̱tyu nzwang a̱ni di̱ shei A̱sham Nkhang Kristi ka dundung ma̱ng a̱nung. A̱wot a̱ ku yet a̱ta̱m nyin wa nang nyi ku ta̱m gu ka beang nung di̱ kyang nang n chat a̱ni.

A̱filibiyawa 2:25 Iomraidhean Croise

Yoona 13:16

A̱tsak a̱lyiat, n tak nyin; a̱khwo si̱ mi̱n shya̱ shi a̱ swak a̱tyoli nggu bah. Ma a̱nia wa, nggwon nta̱m si̱ mi̱n swak a̱tyu a̱ ta̱m ka a̱ni bah.

Yoona 17:18

Ma̱nang a nta̱m nung mi̱ swanta hu a̱ni; a̱nia wa n ma nta̱m mba mi̱ swanta hu.

A̱romawa 16:3

Nyi byiat nung Biriskila mbeang a̱tyok nggu wu A̱kila. Ba̱ yet á̱kpa̱ndang ta̱m nung bya mi̱ nta̱m Kristi Yesu.

A̱romawa 16:9

Nyi mun byiat A̱banut, a̱ yet a̱kpa̱ndang nzi̱t mi̱ nta̱m Kristi, ma̱ng Istaki, a̱gi̱ngi̱ng a̱kpa̱ndang nung a̱ghyang.

1 A̱korontiyawa 3:9

Mat a̱mgba̱m nzi̱t a̱feang zi̱ yet á̱kpa̱ndang ta̱m A̱gwaza bya. A̱wot nyin bya li nang a̱byin khap A̱gwaza ka a̱ni. Nyi si̱ bu li nang nok A̱gwaza a̱ni.

2 A̱korontiyawa 2:13

A̱mgba̱m ma̱ng a̱nia, fwuo nung hu si̱ myia̱ bah. Mat di̱n jen a̱ja nang Titut a̱na̱nyiuk nung wu mi̱ khwi Kristi ka̱n bwuok a̱ neet ma̱ng a̱nyin, a̱ si̱ bwuo nung nkhang nyin na bah. Mat a̱nia, n si̱ mbyiat sak, n si̱ nswak nat fam a̱byin Ma̱kidoniya n si̱ nshya̱ nggu a̱ja.

A̱filibiyawa 2:26

N na ta̱m gu da̱ a̱vwuo nyin mat a̱ fwuong di̱dang li nyin a̱mgba̱m. A̱wot a̱ si̱ byia̱ a̱fi̱fa ba̱t, mat a̱ lyen nyi ka̱n fa̱k nkhang zwan nggu na.

A̱filibiyawa 4:18

Ma̱ninika, n wa ka̱n san kuzang kyang nang nyi ta̱m ma̱ng a̱nung ndyo a̱ni. A̱wot ku swak kyang hu nang n chat a̱ni. N wa ka̱n swa ma̱ng a̱mgba̱m za̱nang ji nang nyi ta̱m ma̱ng a̱nung ndyo gba̱mgbam mbwak A̱bafa̱ratut a̱ni. Za̱náng nyin ji yet za̱nang ja ji̱ byia̱ swam turare nyinyang nang A̱gwaza san a̱ si̱ fa̱k nyinyang ji a̱ni.

A̱filibiyawa 4:3

Nwan a̱tsotswat a̱kpa̱ndang ta̱m nung, beang á̱nyiuk bani, mat ba̱ ka̱n nyia̱ ta̱m za̱m ma̱ng a̱nung di̱ beang ya a̱son shei A̱sham Nkhang Yesu ka. Ba̱ ku nyia̱ ta̱m hu dundung ma̱ng Ka̱la̱men mbeang á̱kum á̱kpa̱ndang ta̱m nung ba, nang á̱ lyuut lyulyoot mba hu mi̱ Ta̱ka̱da Nswuan hu a̱ni.

A̱kolosiyawa 1:7

Nyi wa ka̱n myiam A̱sham Nkhang ka da̱ a̱vwuo A̱bafa̱rat, a̱ yet a̱tsatsak a̱kpa̱ndang ta̱m nzi̱t nang zi̱ chat a̱ni. Nggu wa yet a̱tsotswat a̱khwo Kristi wu. A̱wot a̱ shei nyin A̱sham Nkhang ka da̱ a̱kwonu nzi̱t.

A̱kolosiyawa 4:11

Jeshuwa, a̱tyu nang á̱ bu ngyei Yustut a̱ni, mun a̱ byat nyin. Á̱niet a̱tat bani bya yet A̱yahudawa ma̱nyin mba ba̱ nyia̱ ta̱m dundung ma̱ng a̱nung a̱ji da̱nian Tyok A̱gwaza hu a̱ni. A̱wot ba̱ ka̱n shyim nung fwuo ba̱t.

1 A̱ta̱solonikawa 3:2

Zi̱ si̱ ta̱m ma̱ng a̱nyin Timoti, a̱na̱nyiuk nzi̱t wu mi̱ khwi Yesu. A̱ bu yet a̱kpa̱ndang ta̱m nzi̱t mi̱ nta̱m A̱gwaza di̱ shei A̱sham nkhang Yesu Kristi, gu bai da̱ a̱kwonu nzi̱t, da̱nian gu ka kpaat nyin, gu bu tyia̱ nyin gba̱gbak di̱ nwuak fwuo nyin hu di̱ Yesu.

Filimon 1:24

Ma̱rkut, Ari̱sta̱kut ma̱ng Dimat, mbeang Luka, a̱mgba̱m ba ba̱ yet á̱kpa̱ndang ta̱m nung a̱ni, mba meang ba̱ mun á̱ byat ang.

Ibriniyawa 3:1

Mat a̱nia, nyin á̱na̱nyiuk nung ba nyi yet á̱za̱za̱rak á̱niet khwi Yesu, a̱wot nyi si̱ bu yet á̱kpa̱ndang ta̱m nang A̱gwaza yorong nyi nwuo tyok tswazwa hu a̱ni; nyi nyia̱ a̱di̱dam shansham tazwa Yesu, a̱tyu nang zi̱ shei a̱ yet a̱ta̱m A̱gwaza. A̱ si̱ bu yet A̱gba̱ndang Pris a̱ni.