A̱filibiyawa 2:22 - A̠lyiat A̠gwaza na di̠n Tyap: A̠li̠ka̠uli A̠fai

²² A̱wot nyin ma̱ á̱pyia̱ nyin, nyi wa ka̱n dyen nang Timoti wa ka̱n tak nang gu ngyet a̱tsotswat wa. A̱ li ma̱ng a̱nung nang nggwon ma̱ng a̱tyia̱ nka a̱ni. A̱ ka̱n nyia̱ ta̱m shei A̱sham Nkhang Yesu ka dundung ma̱ng a̱nung.

A̱filibiyawa 2:22 Iomraidhean Croise

Nta̱m A̱yaata̱m 16:2

A̱mgba̱m á̱niet khwi ba ba̱ ku shya̱ ma̱ a̱ka̱keang Listra ma̱ng Ikoniya a̱ni, ba̱ ku chyin Timoti ba̱t.

A̱romawa 5:4

A̱wot nang zi̱ mgbang a̱lyia̱ a̱ni, zi̱ mban ma̱ng a̱tan za̱kwa; ma a̱nia wa a̱tan za̱kwa wu na mban nzi̱t chet nang zi̱ na ntyia̱ fwuo nang A̱gwaza na nsan nzi̱t a̱ni.

1 A̱korontiyawa 16:10

Ki̱ Timoti bai da̱ a̱vwuo nyin mi̱ Korinti, nyi yok tyia̱ gu fa̱k a̱wun di̱ nyia̱ ta̱m nggu hu bah. Mat a̱ nyia̱ ta̱m A̱gwaza hwa ma̱nang n nyia̱ a̱ni.

1 A̱korontiyawa 4:17

Huhwa mbyia̱, n ku nta̱m ma̱ng a̱nyin Timoti, a̱tyu a̱ yet nggwon nung nang n chat mami A̱tyoli Yesu a̱ni, a̱ bu yet a̱tsotswat a̱yin wa di̱ khwi A̱gwaza. Nggu wa na jhyung nyin si̱sak ji nang n nkhwi Kristi Yesu a̱ni; ma̱nang n tyiet a̱mgba̱m susot á̱niet khwi ji mi̱ kuzang a̱keang nang n nat a̱ni.

2 A̱korontiyawa 2:9

N dyuut nyin dyo wa, n ka mak nyin n di ki̱ nyi na khwi tyiet nung hu.

2 A̱korontiyawa 8:22

Zi̱ bu na ta̱m ma̱ng a̱tyu khwi a̱ghyang dundung ma̱ng a̱mba, a̱ ka̱n tak di̱n jen ma̱ a̱di̱di̱t nang gu mbyia̱ a̱tan za̱kwa, a̱wot a̱ si̱ bu tak di̱n jen ma̱ a̱di̱di̱t nang gu mbyia̱ di̱dang ba̱t di̱n ta̱m hu. Ma̱ninika, a̱ bu mbeang di̱dang hu mat a̱ ba̱ng fwuo ba̱t da̱ nyin.

2 A̱korontiyawa 8:24

Mat a̱nia, nyin á̱niet khwi ba, nyi tak ma̱ng a̱yaata̱m a̱bya nang nyi nchat ba. A̱wot nyi bu tak ma̱ng a̱mgba̱m susot á̱niet khwi ji nang tam hu zi̱ tam da̱ nyin a̱ni, ngyet a̱tsatsak tam wa.

2 A̱korontiyawa 8:8

N tyei nyin khwo hwa nyi beang bah. A̱wot n chat n mak n di̱ si̱sak nang chat á̱ghyang nyin hu ngyet a̱tsatsak a̱ni. N tyan hu ma̱ng di̱dang nang susot á̱niet khwi á̱ghyang byia̱ di̱ beang a̱ni.

A̱filibiyawa 1:12

Nyin á̱niet khwi Yesu ba nang n chat a̱ni, n chat nyi lyen swuo a̱bung ku shya̱ nung a̱ji a̱ni. A̱tsak a̱lyiat, ku tyia̱ á̱niet ma̱ a̱di̱di̱t si̱ fa̱k A̱sham Nkhang ka.

A̱filibiyawa 1:16

Á̱niet ba ba̱ shei a̱lyiat A̱gwaza na ma̱ng a̱tan a̱di̱dam a̱ni, ba̱ shei na wa mat ba̱ chat nung. Ba̱ lyen nang A̱gwaza wa nshim á̱ nyim nung mi̱ jaru ji, da̱nian n ka shya̱ a̱wat n tyiet á̱niet a̱chuchuk tazwa A̱sham Nkhang Kristi ka.

A̱filibiyawa 1:5

Mat nyi yet á̱kpa̱ndang ta̱m ndung ma̱ng a̱nung di̱ shei A̱sham Nkhang tazwa Kristi, neet di̱n jen nang nyi ku ntsa fa̱k A̱sham Nkhang ka a̱ni, ba̱ng ba̱ tat a̱fwun.

A̱filibiyawa 1:7

Mat a̱nia, da̱ a̱vwuo nung, ku myim ba̱t nang n nyia̱ a̱di̱dam a̱nia tazwa nyin a̱ni, mat a̱mgba̱m nyin nyi shya̱ nung mi̱ fwuo. Nyi yet á̱kpa̱ndang nung bya di̱ shya̱ shok A̱gwaza, di̱n jen nang á̱ nda̱p nung ma̱ng a̱nyanyang á̱ si̱ tyia̱ nung mi̱ jaru; a̱wot di̱n jen nang n tyiet á̱niet ba a̱chuchuk tazwa A̱sham Nkhang Yesu ka, n bu ntak nang ka̱ ngyet a̱tsatsak wa a̱ni.

A̱filibiyawa 2:20

Á̱ bu mbyia̱ a̱yin ndung ma̱ng a̱nung a̱ji nang Timoti a̱ni bah. Nggu wa byia̱ á̱tsatsak a̱di̱dam chat beang tazwa swat nyin hu.

1 Timoti 1:18

Timoti, nggwon nung mami khwi Kristi, n tyia̱ tyiet huni mbwak ang. Tyiet huni hwa yet kyang hu nang a̱ta̱m a̱kwonu A̱gwaza mami á̱niet khwi ba ku mi̱ ndyiat tazwa ang neet mi̱ jen ji swak a̱ni. Yok tyiet a̱ta̱m a̱kwonu A̱gwaza huni ku tyia̱ ang gba̱gbak nang a na nkwan a̱tan a̱yaat a̱ni.

1 Timoti 1:2

N dyuut ang wusika jini, n bu byiat ang Timoti a̱tsatsak nggwon nung di̱ nwuak fwuo di̱ Yesu. Yok A̱gwaza a̱ yet A̱tyia̱ a̱ni, ma̱ng Yesu Kristi nzi̱t, gu fa̱k shok nyin, a̱ fa̱k kunak nyin, a̱ nang nyin swat nyinyang.

1 Timoti 4:6

Ka a tyiet á̱niet khwi Yesu ba ntangka̱i nkyang nani, a na yet a̱tan a̱tyu nta̱m Yesu Kristi, nang a̱tyu a̱ mban mami a̱lyiat nwuak a̱chuchuk na a̱ni, ma̱ng a̱tan tyiet nang a khwi ba̱ng ba̱ tat a̱fwun a̱ni.

2 Timoti 1:2

N dyuut ang wusika jini, n bu mbyiat ang Timoti, nggwon nung mi̱ khwi Kristi nang n chat a̱ni. Yok A̱gwaza a̱ yet A̱tyia̱ a̱ni ma̱ng Kristi Yesu A̱tyoli nzi̱t wu, a̱ fa̱k shok ang, a̱ fa̱k kunak ang, a̱wot a̱ nang ang swat nyinyang.

2 Timoti 3:10

A̱wot nwan, Timoti, a̱tsak a̱lyiat, a wa ka̱n khwi tyiet nung hu cha̱chaat; tangka̱i za̱kwa nung hu, ma̱ng kyang nang n fa mi̱ swat nung hu a̱ni, nwuak fwuo nung hu, nyap fwuo nung hu, chat á̱niet nung hu, ma̱ng gbang a̱lyia̱ nung hu.

Titut 1:4

N dyuut ang wusika jini, n byiat ang Titut, a̱tsatsak nggwon nung mami nwuak a̱chuchuk nang zi̱ byia̱ dundung a̱ni. Yok A̱gwaza a̱ yet A̱tyia̱ a̱ni gu fa̱k shok ang, a̱ bu nwuak ang swat nyinyang ku neet da̱ a̱vwuo Yesu Kristi a̱ni.