A̱filibiyawa 2:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ A̱wot á̱kum á̱niet ka, konyan ma̱ mba nyia̱ a̱di̱dam tazwa ya a̱son a̱pyia̱ nggu kya. Da̱ mba, ba̱ chat si̱sak nang ba̱ na nnyia̱ nkyang na nang Yesu Kristi chat a̱ni bah.

A̱filibiyawa 2:21 Iomraidhean Croise

Matyu 16:24

Yesu si̱ nyia̱ ma̱ng a̱mgba̱m mman ta̱m nggu na nyia̱, “Ka̱ a̱yin byia̱ a̱di̱dam a̱ khwi nung, ku yet ta hwa gu yok a̱di̱dam chat a̱pyia̱ gu, gu ni̱ nkyiak a̱team a̱khwu nggu wu a̱ faat a̱ khwi nung.

Luka 14:26

“Ka̱ a chat a yet nggwon ta̱m nung, ku myim a chat nung ba̱t swaak a̱tyia̱ ang wu, a̱yang ang wu, a̱byii̱k ang wu, á̱na̱nyiuk ang ba, mbeang swuan ang ji mameang. Ka̱ a̱nia wa bah, a maai a yet nggwon ta̱m nung bah.

Nta̱m A̱yaata̱m 13:13

Bulut ma̱ng á̱kpa̱ndang a̱chyet nggu ba si̱ nwuo kukwon a̱wak neet Ba̱fusa. Ba̱ si̱ wak á̱ byia̱k a̱keang Ba̱rga, ka̱ hyia̱k kyai a̱sa̱khwot ka̱ shya̱ mi̱ fam a̱byin Ba̱mfiliya a̱ni. A̱ja wa Yoona Ma̱rkut ku nghwon mbaa. A̱ si̱ bwuok a̱ nat Urusha̱lima.

Nta̱m A̱yaata̱m 15:38

A̱wot Bulut si̱ lak mut! A̱ si̱ li ku myim ba̱ nat dundung ma̱ng Yoona Ma̱rkut bah; mat a̱ ku tyat ba a̱ ghwon Ba̱mfiliya! A̱ si̱ lak ya a̱son dundung ma̱ng a̱mba mi̱ nta̱m shei á̱lyiat A̱gwaza hu.

1 A̱korontiyawa 10:24

A̱yin gu yok chat kyang ku na myim nggu wa a̱ni ma̱nyin nggu bah. Da̱ a̱kwonu a̱kya, gu chat kyang ku bu na myim á̱ghyang á̱niet a̱ni.

1 A̱korontiyawa 10:33

Nung meang, n ni̱ nkwan n tyia̱ konyan gu fa̱k nyinyang mami kuzang kyang nang n nyia̱ a̱ni. Nung, n ni̱ nyia̱ kyang ku myim nung wa a̱ni ma̱nyin nung bah. N ni̱ nyia̱ á̱ghyang á̱niet nkyang na̱ swak mi̱ yet a̱ni, da̱nian á̱niet ma̱ a̱di̱di̱t ba̱ ka shya̱ san.

1 A̱korontiyawa 13:5

A̱tyu chat á̱niet ni̱ jhyuai á̱niet bah, da̱ nggu, a̱ ni̱ chat a̱pyia̱ bah. A̱tyu chat á̱niet ni̱ tsaai jhya̱ bah, da̱ nggu, a̱ ni̱ ba̱ng a̱yin mi̱ fwuo bah.

2 A̱korontiyawa 1:5

Mat nang zi̱ nswuo a̱bung ba̱t da̱nian Kristi a̱ni, ma a̱nia wa A̱gwaza ma na nnwuak nzi̱t shyim fwuo gba̱mgbam di̱ mun á̱pyia̱ nzi̱t hu ma̱ng Kristi.

A̱filibiyawa 2:4

Konyan ma̱ nyin gu ni̱ ngyok chat mi̱ kyang ku na myim nggu ma̱ nyin gu wa a̱ni bah. A̱wot da̱ a̱kwonu a̱kya, a̱ bu chat kyang ku na myim á̱ghyang á̱niet a̱ni meang.

2 Timoti 1:15

A lyen nang á̱niet khwi ma̱ a̱di̱di̱t mi̱ fam a̱byin A̱siya hu nang nung a̱ma, mbeang Faija̱lut ma̱ng Hamoja̱ni̱t.

2 Timoti 3:2

Di̱n jen a̱ja, á̱niet ba na yet, á̱niet chat á̱pyia̱ mba, á̱niet la̱u shyuo kurum, á̱niet tam da̱ á̱pyia̱ mba, á̱niet gba̱p a̱pyia̱, á̱niet ba̱ byian á̱ghyang ba lyulyoot ma̱ng a̱lyoot A̱gwaza a̱ni, á̱niet jhyuai á̱niet mbyin ba, á̱niet sang a̱gwai, á̱niet sang a̱wun A̱gwaza.

2 Timoti 4:10

Dimat, a̱ lak nung a̱ ghwon, mat nang gu nchat nkyang swanta nani, a̱ si̱ nat Ta̱solonika a̱ni. Kiri̱zant meang si̱ nat Ga̱la̱tiya. A̱wot Titut mamang si̱ nat Da̱lma̱tiya.

2 Timoti 4:16

A̱tuk tsa shi̱ri̱ya nung ka a̱zaghyi a̱tyu shi̱ri̱ya wu, n ku ngyong ma̱nyin nung. A̱yin ku li̱n nung a̱ma bah. Da̱ a̱kwonu a̱kya, konyan ku tyong zan a̱ si̱ ghwon nung. A̱gwaza gu yok ba̱ng mba da̱ a̱bun a̱wa bah.