A̱filibiyawa 2:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ Á̱ bu mbyia̱ a̱yin ndung ma̱ng a̱nung a̱ji nang Timoti a̱ni bah. Nggu wa byia̱ á̱tsatsak a̱di̱dam chat beang tazwa swat nyin hu.

A̱filibiyawa 2:20 Iomraidhean Croise

Yoona 10:13

Mat, a̱ nyia̱ ta̱m a̱tan gu zang ja. Zón seap ji yet si̱ nggu ja bah. A̱wot a̱ chok ji shansham bah.

Yoona 12:6

Yahuda ku hyia̱ a̱lyiat nani mat nang gu nchat á̱kunak ni̱nia a̱ni bah; a̱wot mat nang gu ngyet a̱tang wa a̱ni. Nggu wa ku yet a̱tyu ba̱ng gumaat kurum ji. A̱ ku nyiin a̱ tsa a̱ bu mbwoi pinchee mami.

A̱romawa 15:5

Yok A̱gwaza a̱ tyei nzi̱t zi̱ nyap fwuo a̱ni. A̱wot a̱ si̱ bu tyei nzi̱t gba̱gbak gba̱mgbam a̱ni, gu beang nyin nyi swan swat mun á̱pyia̱ ma̱ng á̱ghyang nyin, ma̱nang ku mmyim á̱niet khwi Yesu Kristi ba a̱ni.

1 A̱korontiyawa 16:10

Ki̱ Timoti bai da̱ a̱vwuo nyin mi̱ Korinti, nyi yok tyia̱ gu fa̱k a̱wun di̱ nyia̱ ta̱m nggu hu bah. Mat a̱ nyia̱ ta̱m A̱gwaza hwa ma̱nang n nyia̱ a̱ni.

A̱filibiyawa 2:2

Ka̱ a̱nia wa, n naai nyin, nyi tyia̱ nung n shya̱ a̱tsatsak a̱gwai. Nyi yok a̱di̱dam nyin wu a̱ yet kyang nyiung, nyi chat á̱ghyang, a̱wot nyi bu mun á̱pyia̱ ma̱ng la̱p sak nyiung.

A̱filibiyawa 2:22

A̱wot nyin ma̱ á̱pyia̱ nyin, nyi wa ka̱n dyen nang Timoti wa ka̱n tak nang gu ngyet a̱tsotswat wa. A̱ li ma̱ng a̱nung nang nggwon ma̱ng a̱tyia̱ nka a̱ni. A̱ ka̱n nyia̱ ta̱m shei A̱sham Nkhang Yesu ka dundung ma̱ng a̱nung.

A̱kolosiyawa 4:11

Jeshuwa, a̱tyu nang á̱ bu ngyei Yustut a̱ni, mun a̱ byat nyin. Á̱niet a̱tat bani bya yet A̱yahudawa ma̱nyin mba ba̱ nyia̱ ta̱m dundung ma̱ng a̱nung a̱ji da̱nian Tyok A̱gwaza hu a̱ni. A̱wot ba̱ ka̱n shyim nung fwuo ba̱t.

1 Timoti 1:2

N dyuut ang wusika jini, n bu byiat ang Timoti a̱tsatsak nggwon nung di̱ nwuak fwuo di̱ Yesu. Yok A̱gwaza a̱ yet A̱tyia̱ a̱ni, ma̱ng Yesu Kristi nzi̱t, gu fa̱k shok nyin, a̱ fa̱k kunak nyin, a̱ nang nyin swat nyinyang.

1 Timoti 4:6

Ka a tyiet á̱niet khwi Yesu ba ntangka̱i nkyang nani, a na yet a̱tan a̱tyu nta̱m Yesu Kristi, nang a̱tyu a̱ mban mami a̱lyiat nwuak a̱chuchuk na a̱ni, ma̱ng a̱tan tyiet nang a khwi ba̱ng ba̱ tat a̱fwun a̱ni.

2 Timoti 1:5

N jhyung a̱tsatsak nwuak fwuo ang wu da̱ Yesu, ma̱nang a̱yang a̱khwop ang wu Luwit, mbeang a̱yang byin ang wu Yunit ku nnwuak fwuo da̱ nggu a̱ni. A̱wot n dyen nang a na ngya a̱son a mbeang di̱ nwuak fwuo ang hu da̱ Yesu.

2 Timoti 3:10

A̱wot nwan, Timoti, a̱tsak a̱lyiat, a wa ka̱n khwi tyiet nung hu cha̱chaat; tangka̱i za̱kwa nung hu, ma̱ng kyang nang n fa mi̱ swat nung hu a̱ni, nwuak fwuo nung hu, nyap fwuo nung hu, chat á̱niet nung hu, ma̱ng gbang a̱lyia̱ nung hu.