A̱filibiyawa 2:2 - A̠lyiat A̠gwaza na di̠n Tyap: A̠li̠ka̠uli A̠fai

² Ka̱ a̱nia wa, n naai nyin, nyi tyia̱ nung n shya̱ a̱tsatsak a̱gwai. Nyi yok a̱di̱dam nyin wu a̱ yet kyang nyiung, nyi chat á̱ghyang, a̱wot nyi bu mun á̱pyia̱ ma̱ng la̱p sak nyiung.

A̱filibiyawa 2:2 Iomraidhean Croise

Yoona 3:29

“A̱tyu a̱ nyia̱ nyeang fai hu a̱ni; nggu wa byia̱ a̱byii̱k wu. A̱kpa̱ndang a̱tyu byia̱ nyeang wu yong kpa̱mkpaan a̱ myiai a̱fufwuo, a̱wot a̱ ni̱ fa̱k a̱lyia̱ sai, ka̱ a̱ fa̱k a̱nwuat a̱tyu byia̱ nyeang ka. Ma a̱nia wa, nung n byia̱ a̱jhyem a̱lyia̱ sai ba̱t.

Nta̱m A̱yaata̱m 1:14

A̱mgba̱m mba, ba̱ ku mun á̱pyia̱ di̱ naai A̱gwaza, mbeang Ma̱ryamu a̱yang byin Yesu wu, ma̱ng á̱nyiuk á̱ghyang, mbeang á̱na̱nyiuk Yesu ba.

Nta̱m A̱yaata̱m 2:1

Jen nang mam a̱yet Pentikot hu bu nkaat a̱ bai a̱ni, a̱mgba̱m á̱niet khwi Yesu ba si̱ tung ndung da̱ a̱vwuo a̱nyiung.

Nta̱m A̱yaata̱m 2:46

Kuzang a̱tuk ba̱ ku tung mi̱ didyaat A̱li Nwuat Za̱nang A̱gwaza hu. Ba̱ si̱ bu tung á̱ ya nkyayak ma̱ a̱ka̱sa á̱ghyang ma̱ng ya kyayak a̱di̱dam a̱khwu Yesu ma̱ng a̱lyia̱ sai, ma̱ng fwuo nyiung,

Nta̱m A̱yaata̱m 5:12

A̱yaata̱m Yesu ba ku nyia̱ nkyang a̱ga̱de ma̱ng a̱ri̱bi̱di ma̱ a̱di̱di̱t. A̱wot a̱mgba̱m á̱niet khwi ba si̱ yong mi̱ di̱ tung kuzang jen, mami didyaat A̱mali Nwuat Za̱nang A̱gwaza hu, mi̱ a̱junjung didyaat a̱ byia̱ a̱kup nang á̱ ngyei “Didyaat Solomon hu” a̱ni.

A̱romawa 12:16

Nyi swan swat mun á̱pyia̱ ma̱ng á̱ghyang. Nyi yok gba̱p a̱pyia̱. Nyi shim nyi nyia̱ á̱ghyang á̱niet nta̱m nang nyi wa yet á̱khwo mba bya a̱ni. Nyi nyia̱ kpa̱ndang ma̱ng á̱niet ba̱ yet á̱kunak, nang á̱ghyang á̱niet jhyuai a̱ni. A̱wot nyi yok dam nyi yet á̱niet mumwang, nyi si̱ lyen kuzang kyang bah.

1 A̱korontiyawa 1:10

N naai nyin á̱niet khwi Yesu ba nang n chat a̱ni, mami tyok a̱lyoot A̱tyoli nzi̱t Yesu Kristi, nyi swan swat nyinyang ma̱ng á̱ghyang nyin. Nyi yok ghai di̱ susot bah. Da̱ a̱kwonu a̱kya, nyi swan ma̱ng mun á̱pyia̱, nyi yok a̱di̱dam nyin wu ma̱ng kyang nang nyi chat a̱ni, ku yet nyiung.

2 A̱korontiyawa 13:11

Nyin á̱niet khwi Yesu ba nang n chat a̱ni, n chat n ngaan wusika nung ji ma̱ng swáng á̱lyiat jini: Yok, nyi yet á̱niet a̱gwai, nyi mban di̱ yet á̱niet tat á̱ghyi di̱ khwi Yesu hu. Nyi tyei á̱ghyang nyin gba̱gbak. Nyi swan swat nyinyang ma̱ng mun á̱pyia̱ ma̱ng á̱ghyang nyin. Mat a̱nia, A̱gwaza a̱ yet a̱tyu chat á̱niet ma̱ng a̱tyu a̱ nwuat swat nyinyang a̱ni, na shya̱ dundung ma̱ng a̱nyin.

2 A̱korontiyawa 2:3

Mat n ku chat nfwuo nyin na na̱ byian bah. Huhwa si̱ mbyia̱ n ku ndyuut nyin wusika ntsa ji. Mat ki̱ n bai, a̱tyu a̱ myim a̱ tyia̱ nung a̱gba̱ndang a̱gwai a̱ni, n chat nggu wa a̱ byian nung fwuo bah. A̱tsak a̱lyiat, nyi lyen ki̱ n shya̱ ma̱ng a̱gwai, nyin meang, nyi na gwai.

2 A̱korontiyawa 7:7

Bai Titut hu tyia̱ nzi̱t a̱gwai; ma a̱nia wa nkhang nang gu bwuo nzi̱t ndyo tazwa si̱sak ji nang nyi ntyia̱ nggu shyim fwuo a̱ni. A̱ si̱ bu hyia̱ ma̱ng a̱nzi̱t si̱sak ji nang nyi mbyia̱ di̱dang ba̱t, nyi chat nyi li nung a̱ni. A̱ si̱ bu hyia̱ si̱sak ji nang nyi mbyia̱ byian fwuo di̱ lyiat nyep a̱tyu khwi, ma̱ng si̱sak ji nang nyi nfa̱k da̱ nung a̱ni. Ni̱nia tyia̱ nung fa̱k nyinyang hu ba̱t.

A̱filibiyawa 1:4

Kuzang jen ki̱ n naai A̱gwaza, n ni̱ naai da̱nian a̱mgba̱m nyin, ma̱ng a̱lyia̱ sai.

A̱filibiyawa 2:16

Nyi ba̱ng a̱lyiat na̱ nwuat swuan a̱ni gi̱ngi̱ng, da̱nian a̱tuk ka nang Kristi na mbwuok a̱ bai a̱ni, n ka ntam n bu ndyen nang n tyong a̱buk chung da̱ a̱vwuo nyin bah. A̱wot n ka ntam nang ta̱m nung hu ngyet á̱buk nta̱m wa mami nyin bah.

A̱filibiyawa 2:20

Á̱ bu mbyia̱ a̱yin ndung ma̱ng a̱nung a̱ji nang Timoti a̱ni bah. Nggu wa byia̱ á̱tsatsak a̱di̱dam chat beang tazwa swat nyin hu.

A̱filibiyawa 4:2

Yodiya ma̱ng Sintiki, ma̱ninika, n naai nyin, ma̱sa̱kut nyi jhyi swat nyin hu. Nyi swan swat nyinyang ma̱ng á̱ghyang nyin, mat a̱mgba̱m nyin nyi yet á̱niet khwi A̱tyoli Yesu bya.

A̱kolosiyawa 2:5

Ku nang n shya̱ zan ma̱ng a̱nyin mi̱ vam a̱ni, a̱mgba̱m ma̱ng a̱nia, fwuo nung hu shya̱ dundung ma̱ng a̱nyin. N shya̱ ma̱ng a̱gwai ba̱t, di̱ si̱sak ji nang nyi mmun á̱pyia̱ ma̱ng á̱ghyang, nyi si̱ nwuak fwuo mi̱ chet di̱ Kristi a̱ni.

2 A̱ta̱solonikawa 2:13

Á̱niet khwi Yesu ba nang n chat a̱ni, ku yet ta hwa zi̱ gwai A̱gwaza da̱nian nyin kuzang jen. Zi̱ gwai nang A̱gwaza nchat nyin, a̱wot a̱ ku khai nyin, nyin bya nyi tsa shya̱ swuan sang sangba̱p ji. Mat A̱za̱za̱rak Ntswa ja̱u nyin nyi ka yet á̱za̱za̱rak á̱niet, mat nwuak a̱chuchuk nyin hu da̱ a̱tsatsak a̱lyiat wu.

2 Timoti 1:4

Ki̱ n jhyung ndang a̱ghyi na di̱n jen nang zi̱ ku mbyiat sak a̱ni, a̱wot n ni̱ nchat n di ang ba̱t, da̱nian n ka nfa̱k a̱lyia̱ sai.

Filimon 1:20

Mat a̱nia, Filimon, a̱na̱nyiuk nung mi̱ khwi Yesu, ma̱sa̱kut n naai a nyia̱ nung shok da̱ a̱lyoot A̱gwaza. Yok a tyia̱ fwuo nung hu ku sai mami Yesu Kristi.

2 Yoona 1:4

N gwai za̱m nang n shya̱ mman ang na na̱ khwi a̱chuchuk ma̱ cha̱chaat di̱ si̱sak ji nang A̱gwaza a̱ yet A̱tyia̱ nzi̱t wu ntak zi̱t zi̱ nyia̱ a̱ni.

3 Yoona 1:4

Kuzang jen nang n fa̱k mman nung na khwi a̱chuchuk wu, ku ni̱ tyia̱ nung a̱lyia̱ sai a̱ swak kuzang kyang.