A̱filibiyawa 2:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Ki̱ A̱tyoli Yesu shim, n ba̱ng fwuo n na ta̱m ma̱ng a̱nyin Timoti a̱nfaan, gu ka bai a̱ byiat nyin. A̱wot ka̱ a̱ hyia̱ ma̱ng a̱nung nkhang nyin na, n na nfa̱k nyinyang di̱ si̱sak nang nyi nswan a̱ni.

A̱filibiyawa 2:19 Iomraidhean Croise

Matyu 12:21

A̱wot mami a̱lyoot nggu kya, a̱mgba̱m nnwap na mi̱ bibyin swanta na mba̱ng fwuo.”

Nta̱m A̱yaata̱m 16:1

Bulut ku ya ntsa a̱ nat a̱keang Da̱rba. A̱wot a̱ sii du nat a̱keang Listra. Fi̱ng nggwon ta̱m ku shya̱ Listra, á̱ si̱ ngyei nka Timoti. A̱yang byin nka wu ku yet a̱nap A̱yahudawa a̱ khwi Yesu a̱ni. A̱tyia̱ byin nggu wu si̱ yet a̱tyu A̱helenawa.

A̱romawa 15:12

A̱wot Ishaya a̱ta̱m a̱kwonu A̱gwaza si̱ bu hyia̱ nyia̱, “A̱ka̱mbwon ka̱ na ya gado tyok a̱gwam Da̱wuda a̱ni, na bai. Ka̱ na nyia̱ tyok tazwa Nnwap na̱ nwai yet A̱yahudawa a̱ni. A̱wot na̱ na tyia̱ fwuo da̱ a̱ka̱mbwon a̱kya.”

A̱romawa 16:21

Timoti, a̱kpa̱ndang ta̱m nung wu byat nyin ba̱t. Ma a̱nia wa, Lukiyat, Yason, ma̱ng Sosiba̱ta̱ra, ba̱ mun á̱ yet A̱yahudawa ba ndung ma̱ng a̱nung a̱ni.

1 A̱korontiyawa 4:17

Huhwa mbyia̱, n ku nta̱m ma̱ng a̱nyin Timoti, a̱tyu a̱ yet nggwon nung nang n chat mami A̱tyoli Yesu a̱ni, a̱ bu yet a̱tsotswat a̱yin wa di̱ khwi A̱gwaza. Nggu wa na jhyung nyin si̱sak ji nang n nkhwi Kristi Yesu a̱ni; ma̱nang n tyiet a̱mgba̱m susot á̱niet khwi ji mi̱ kuzang a̱keang nang n nat a̱ni.

A̱fisawa 1:13

A̱wot ma̱ninika, nyin Nnwap na̱ nwai yet A̱yahudawa a̱ni meang, nyi ka̱n fa̱k a̱tsatsak a̱lyiat wu, a̱ yet A̱sham Nkhang ka̱ tak si̱sak nang A̱gwaza nsan nyin a̱ni. A̱wot di̱n jen nang nyi nwuak fwuo da̱ Kristi a̱ni, a̱ si̱ tyia̱ nyin a̱timi nyi yet á̱si̱ nggu, a̱ si̱ nang nyin A̱za̱za̱rak Ntswa nang gu nyia̱ a̱li̱ka̱uli a̱ na nang nyin neet gbangbang a̱ni.

A̱filibiyawa 1:1

Nung Bulut, nung gwa n dyuut nyin wusika jini, n shya̱ ndung ma̱ng Timoti, zi̱ yet á̱khwo Kristi Yesu a̱ni. N dyuut wusika jini da̱nian n ka byiat a̱mgba̱m a̱za̱za̱rak sot á̱niet khwi A̱gwaza ba, ba̱ shya̱ ma̱ a̱keang Filibi, ba̱ mun á̱pyia̱ ma̱ng Kristi Yesu a̱ni; ma̱ng a̱yaakwak a̱son á̱niet khwi ba, mbeang á̱niet ba̱ beang nta̱m sot á̱niet khwi na a̱ni.

A̱filibiyawa 2:18

A̱tsak a̱lyiat, nyin meang ku yet ta hwa nyi gwai. A̱wot nung, n na gwai dundung ma̱ng a̱nyin.

A̱filibiyawa 2:28

Mat a̱nia, n byia̱ di̱dang ba̱t, n bu nta̱m nggu gu bwuok a̱ bai da̱ a̱vwuo nyin, da̱nian nyi ka gwai di̱n jen ji nyi bu ndi nggu a̱ni. A̱wot n bu na nyia̱ a̱ka̱tuk a̱fi̱fa tazwa nyin bah.

1 A̱ta̱solonikawa 3:2

Zi̱ si̱ ta̱m ma̱ng a̱nyin Timoti, a̱na̱nyiuk nzi̱t wu mi̱ khwi Yesu. A̱ bu yet a̱kpa̱ndang ta̱m nzi̱t mi̱ nta̱m A̱gwaza di̱ shei A̱sham nkhang Yesu Kristi, gu bai da̱ a̱kwonu nzi̱t, da̱nian gu ka kpaat nyin, gu bu tyia̱ nyin gba̱gbak di̱ nwuak fwuo nyin hu di̱ Yesu.

1 A̱ta̱solonikawa 3:5

Mat nang gbang a̱lyia̱ hu ku nkaat nung a̱ni, n si̱ ta̱m Timoti da̱ a̱vwuo nyin n ka ndyen nwuak fwuo nyin hu di̱ Yesu. N ku nfa̱k a̱wun kee A̱ta̱nyeang ka, ka̱ yet a̱tyu mai á̱niet a̱ni, ka̱ mak nyin, nyi si̱ kwa, a̱wot a̱mgba̱m ta̱m zi̱ ka̱n nyia̱ da̱ nyin a̱ni, ku tyia̱ a̱buk kyang.

2 A̱ta̱solonikawa 1:3

Á̱niet khwi Yesu ba nang n chat a̱ni, ku yet ta hwa, ku myim zi̱ gwai A̱gwaza kuzang jen da̱nian nyin, mat nang nyi mban di̱ nwuak fwuo di̱ Yesu, nyi si̱ bu mban di̱ chat á̱ghyang hu a̱ni.

2 Timoti 1:12

Huhwa mbyia̱ nang n swuo a̱bung kani. A̱mgba̱m ma̱ng a̱nia, n fa̱k nsum bah. Mat n dyen a̱tyu nang n nwuak fwuo da̱ nggu a̱ni. A̱wot n bu ngbang a̱lyia̱ a̱ maai a̱ chok A̱sham Nkhang ka nang nggu tyia̱ nung ndyo mbwak a̱ni, si̱ nat mam hu nang gu na mbwuok a̱ bai a̱ni.

Yakubu 4:15

Da̱ a̱kwonu a̱kya, ku myim nyi ni̱ nnyia̱, “Ka̱ A̱gwaza shim, zi̱ si̱ tat a̱tson. Zi̱ na nyia̱ ta̱m huni ma̱ng si̱ huniaau.”

1 Bitut 1:21

Mami Kristi kya nang nyi nnwuak fwuo da̱ A̱gwaza. A̱wot nyi si̱ nwuak a̱chuchuk ma̱ng tyia̱ fwuo da̱ A̱gwaza, mat a̱ ku ta̱ngam Kristi ma̱ á̱niet ba̱ ka̱n kwi a̱ni, a̱wot a̱ si̱ nwuak gu a̱gba̱ndang shi.