A̱filibiyawa 2:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Ka̱ a̱nia wa, n na nfa̱k fwuo sai, ku nang n na ndyin swuan nung ji, nang á̱ ni̱ nkoot za̱nang ji yet a̱sok a̱zaghyi A̱gwaza a̱ni. Za̱nang jini bu tai á̱tsotswat nta̱m nyin wu na̱ yet kidee za̱nang a̱zaghyi A̱gwaza a̱ni. A̱mgba̱m ma̱ng a̱nia, n chat a̱mgba̱m nyin nyi beang nung a̱gwai a̱nia.

A̱filibiyawa 2:17 Iomraidhean Croise

Nta̱m A̱yaata̱m 20:24

A̱mgba̱m ma̱ng a̱nia, n kyiak swuan nung ji ji̱ yet kyang bah. Ta̱m nang A̱tyoli Yesu nwuak nung n nyia̱ a̱ni, huhwa nang n chat n tyak; n shei A̱sham Nkhang tazwa a̱gba̱ndang shok A̱gwaza.

Nta̱m A̱yaata̱m 21:13

A̱mgba̱m ma̱ng a̱nia, Bulut si̱ nyia̱ ma̱ng a̱mba, “Yihwa mbyia̱ nyi ntwei? Nyi tyei nung byian fwuo! N fwuong á̱ nyim nung mi̱ jaru ja ma̱nyin ji ma̱ a̱keang Urusha̱lima ka bah. A̱wot ku a̱khwu kya, n shim n khwu da̱nian A̱tyoli Yesu!”

A̱romawa 12:1

Mat a̱nia, nyin á̱na̱nyiuk nung ba, nyi yet á̱niet khwi Yesu nang n chat a̱ni, n naai nyin, mat nang A̱gwaza ka̱n fa̱k kunak nyin ba̱t a̱ni, nyi neap nvam nyin na nang a̱chet ma̱ng a̱za̱za̱rak za̱nang ji̱ myim A̱gwaza a̱ni. Tangka̱i neap za̱nang huni hwa yet a̱tsatsak nvak wu nang nyi na nkyuak A̱gwaza ntong a̱ni.

A̱romawa 15:16

Shok jini tyia̱ n si̱ ngyet a̱ta̱m nang Kristi Yesu ta̱m nggu da̱ a̱vwuo nyin, nyi yet Nnwap na̱ nwai yet A̱yahudawa a̱ni. N shei nyin A̱sham Nkhang ka, da̱nian n ka neap nyin nang za̱nang a̱ni da̱ a̱vwuo A̱gwaza; nang A̱za̱za̱rak Ntswa wu njaat nyin nyi si̱ tyia̱ za̱za̱rak a̱ni.

2 A̱korontiyawa 12:15

N na fa̱k nyinyang n hyat a̱pyia̱ nung ma̱ng a̱mgba̱m kyang nang n byia̱ a̱ni, da̱nian n ka beang nyin; ku nang ku ndi á ngyei n chat nyin ba̱t, a̱wot nyin, nyi chat nung ma̱ chunchwiit.

2 A̱korontiyawa 4:12

Huhwa mbyia̱ zi̱ ni̱ nwuan a̱khwu, a̱wot si̱ a̱hwa ka̱n tyia̱ nyin nyi shya̱ swuan sang sangba̱p.

2 A̱korontiyawa 6:10

A̱wot nfwuo nzi̱t na ni̱ byian. A̱mgba̱m ma̱ng a̱nia, zi̱ ni̱ shya̱ ma̱ng a̱gwai. Zi̱ yet á̱kunak nia mi̱ swanta huni. A̱mgba̱m ma̱ng a̱nia, zi̱ ni̱ tyia̱ á̱niet ba̱ shya̱ a̱li̱ba̱rka á̱ neet da̱ a̱vwuo A̱gwaza a̱ni. Zi̱ byia̱ kyang mi̱ swanta huni bah. A̱wot a̱mgba̱m ma̱ng a̱nia, zi̱ byia̱ kuzang kyang Ma A̱gwaza tswazwa.

2 A̱korontiyawa 7:4

N ba̱ng fwuo da̱ nyin ba̱t, n si̱ bu ntam ba̱t da̱ nyin. Nyi tyia̱ nung gba̱gbak ba̱t. A̱wot a̱mgba̱m ma̱ng swuo a̱bung nang zi̱ swuo a̱ni, nyi si̱ tyia̱ nung fwuo sai.

A̱filibiyawa 1:20

Mat n tyia̱ fwuo ma̱ng di̱dang, n si̱ mba̱ng fwuo ba̱t, nang n si̱ mi̱n mak fa̱k nsum bah. A̱wot n na chat n gya a̱son ma̱ng gbang a̱lyia̱ di̱ shei A̱sham Nkhang tazwa Kristi, ma̱nang n ku nnyia̱ di̱n jen ji ji̱ swak a̱ni. A̱wot n nwuak a̱chuchuk tangka̱i swat nang n swan a̱ni, na nwuak Kristi shi, ku nang n shya̱ a̱chet, ku nang n ka̱n khwu.

A̱filibiyawa 2:18

A̱tsak a̱lyiat, nyin meang ku yet ta hwa nyi gwai. A̱wot nung, n na gwai dundung ma̱ng a̱nyin.

A̱filibiyawa 2:30

Mat a̱ ku nwuak swuan nggu ji a̱ si̱ shim a̱khwu da̱nian ta̱m Kristi. A̱wot a̱ si̱ beang nung a̱kwonu nyin nang nyin bya myim nyi beang nung a̱ni, ki̱ nyi wa shya̱ kpa̱mkpaan a̱ji.

A̱filibiyawa 4:18

Ma̱ninika, n wa ka̱n san kuzang kyang nang nyi ta̱m ma̱ng a̱nung ndyo a̱ni. A̱wot ku swak kyang hu nang n chat a̱ni. N wa ka̱n swa ma̱ng a̱mgba̱m za̱nang ji nang nyi ta̱m ma̱ng a̱nung ndyo gba̱mgbam mbwak A̱bafa̱ratut a̱ni. Za̱náng nyin ji yet za̱nang ja ji̱ byia̱ swam turare nyinyang nang A̱gwaza san a̱ si̱ fa̱k nyinyang ji a̱ni.

A̱kolosiyawa 1:24

A̱wot ma̱ninika, n gwai n swuo a̱bung da̱ a̱mgba̱m nkyang nang Kristi chat n swuo a̱bung da̱nian nggu a̱ni. A̱wot n gya a̱son ma̱ng swuo a̱bung huni mi̱ vam nung hu, da̱nian n ka beang vam nggu hu; huhwa yet á̱niet khwi nggu ba.

1 A̱ta̱solonikawa 2:8

Zi̱ chat nyin ba̱t, huhwa si̱ mbyia̱ zi̱ si̱ fa̱k a̱lyia̱ sai zi̱ shei nyin A̱sham nkhang A̱gwaza kya ma̱nyin ka bah. A̱wot zi̱ si̱ nwuak swuan nzi̱t ji ja, mat nyi yet á̱niet nang zi̱ fa̱k da̱ mba a̱ni za̱m.

2 Timoti 4:6

Da̱ a̱vwuo nung, ku li á ngyei jen nyia̱ nang á̱ na neap nung nang za̱nang a̱ni, mat jen nang n na nkat a̱ni, nyia̱.

1 Bitut 2:5

A̱wot nyin nyi yet nfang nswuan nia nang á̱ nnok A̱za̱za̱rak A̱li A̱gwaza wu a̱ni. Kang ma̱ng a̱nia, nyi bu yet a̱za̱za̱rak sot a̱yaapris wa. Mat nang Yesu Kristi ngyet a̱tyu a̱ yong da̱ a̱kwonu nyin a̱zaghyi A̱gwaza a̱ni, A̱za̱za̱rak Ntswa na beang nyin, nyi neap za̱náng nang A̱gwaza na nfa̱k nyinyang nyin a̱ni.

1 Yoona 3:16

Si̱sak nang zi̱ ndyen kyang nang a̱tsak chat wu yet a̱ni, jija ji: Yesu tak zi̱t chat nggu hu di̱ si̱sak nang gu nnwuak swuan nggu ji da̱nian nzi̱t a̱ni. Ma a̱nia wa, ku myim nzi̱t meang zi̱ ma nwuak swuan nzi̱t ji da̱nian á̱niet khwi á̱ghyang.