A̱filibiyawa 2:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ Da̱nian nyi ka yet á̱za̱za̱rak ma̱ng á̱tsatsak mman A̱gwaza na̱ sang a̱bun nyi swan ma̱ a̱ka̱tuk swanta wuni ma̱ng á̱ka̱tuk á̱niet ba a̱ni. Ku yet ta hwa, nyi sai nang fí̱tila a̱ni mi̱ swanta hu.

A̱filibiyawa 2:15 Iomraidhean Croise

Matyu 10:16

“Nyi fa̱k, n ta̱m nyin nang zón seap a̱ni da̱ a̱vwuo a̱ka̱bwu a̱yit. Mat a̱nia, si̱ nyi swan cham nang zwák a̱ni. A̱wot nyi sang a̱ka̱kpa̱t nang a̱yaabwa a̱ni.

Matyu 17:17

Yesu si̱ nyia̱, “Ka̱t, che lak fwuong ma̱ng nwai nwuak a̱chuchuk! N na nswan ma̱ng a̱nyin si̱ nat zang jen ja? Zang jen ja n na ngya a̱son mi̱ nyap fwuo ma̱ng a̱nyin? Nyi bai ma̱ng a̱nung nggwon seam ka a̱ji!”

Matyu 5:45

“Ka̱ nyi chat á̱niet lak li nyin ba, ma a̱nia wa nyi na nnyia̱ ma̱nang á̱tsatsak mman A̱tyia̱ nyin wu a̱ shya̱ tswazwa ka a̱ni. Mat nggu wa ni̱ tyia̱ mam hu ku sai tazwa á̱ka̱tuk ma̱ng a̱tan á̱niet ba. Nggu wa bu ni̱ ta̱m ma̱ng za ji, ji̱ va da̱ a̱vwuo á̱tsotswat á̱niet ma̱ng á̱si̱ nwai yet á̱tsotswat.

Matyu 5:48

Mat a̱nia, ku yet ta hwa nyi yet á̱tsatsak á̱niet, ma̱nang A̱tyia̱ nyin wu a̱ shya̱ tswazwa ka ngyet a̱tsatsak a̱ni.”

Luka 1:6

Mba a̱feang si̱ yet á̱niet nyia̱ tsotswat bya a̱zaghyi A̱gwaza. Ba̱ si̱ ta̱bam á̱ khwi a̱mgba̱m doká ma̱ng nkyang nang A̱gwaza chat a̱ni, di̱ ma̱ a̱bun.

Luka 6:35

Nyi ni̱ nchat á̱niet ba̱ lak li nyin a̱ni! Nyi nyia̱ mba a̱tan nkyang. Nyi bu khwap baa. Nyi yok dam kee ba̱ na nwai tan nyin bah. A̱wot A̱gwaza na tyia̱ nyin a̱gba̱ndang a̱li̱ba̱rka! A̱nia wa nyi na ngyet á̱tsatsak mman A̱gwaza a̱ Swak ma̱ng A̱kyenkyai Shi a̱ni; mat a̱ ni̱ nyia̱ á̱niet sang a̱gwai ma̱ng á̱niet a̱ka̱tuk nyia̱ shok.

Yoona 5:35

Yoona ku li nang long fi̱tila hu sai a̱vwuo a̱ni. A̱wot nyi si̱ khai da̱ a̱banjen ma̱ a̱da̱dei, nyi ka gwai mami sai nggu hu.

Nta̱m A̱yaata̱m 2:40

Bitut si̱ ya a̱son ma̱ng gba mba ma̱ng á̱lyiat ma̱ a̱di̱di̱t nyia̱, “Nyi naai A̱gwaza gu san nyin di̱ swuo a̱bung, ku chobai tazwa a̱ka̱tuk nche wuni a̱ni!”

Nta̱m A̱yaata̱m 20:30

Jen na bai nang á̱ghyang á̱niet mi̱ sot nyin ji na ntyat á̱ ghwut a̱ni, ba̱ ka tyiet a̱ka̱laa. A̱wot ba̱ laai á̱niet khwi ba, ba̱ teap ba̱ khwi mbaa.

A̱romawa 16:19

A̱wot nyi yok bwung bah, konyan ka̱n dyen si̱sak nang nyi nkhwi A̱sham Nkhang A̱tyoli Yesu ka ma̱ cha̱chaat a̱ni. Mat a̱nia, n byia̱ a̱lyia̱ sai ba̱t. N chat nyi yet á̱niet mumwang di̱ nyia̱ a̱tan nkyang, a̱wot nyi yok byia̱ a̱ka̱ta di̱ nyia̱ nkyang na̱ yet a̱ka̱tuk a̱ni bah.

1 A̱korontiyawa 1:8

A̱ na tyia̱ nyin nyi yong mi̱ chet nang á̱niet khwi a̱ni si̱ nat sangba̱p. Da̱nian nyi ka yet á̱niet sang a̱bun a̱tuk nang Yesu Kristi A̱tyoli nzi̱t wu na mbwuok a̱ bai a̱ni.

2 A̱korontiyawa 6:17

Mat a̱nia, nung A̱gwaza, n si̱ bu nyia̱, ‘Nyi ghwut nyi ghwon á̱niet nwai khwi ba. A̱wot nyi khap á̱pyia̱ nyin zan ma̱ng a̱mba. Nyi yok byiam nkyang na̱ na tyia̱ nyin a̱na̱ndyung a̱ni bah. A̱wot nung meang, n na san nyin mbwak feang.’

A̱fisawa 5:27

Kristi nyia̱ a̱nia, da̱nian gu ka khwat á̱niet khwi ba a̱ bai ndyo da̱ a̱vwuo nggu; ba̱ yet a̱sham, ba̱ sang a̱lyuk, ba̱ sang nyan, ba̱ sang a̱bun, a̱wot ba̱ yet á̱za̱za̱rak á̱niet.

A̱filibiyawa 1:10

Mat a̱nia, n chat nyi fi̱k kyang hu ku swak mi̱ yet a̱tan a̱ni, da̱nian nyi ka swan a̱za̱za̱rak nswat ma̱ng sang a̱bun si̱ nat a̱tuk bwuok bai Kristi Yesu ka.

A̱filibiyawa 3:6

N ku ntyia̱ a̱lyia̱ ba̱t di̱ khwi doka ma̱ng taada A̱yahudawa ji cha̱chaat. Mat a̱nia, n sii ya̱shuk susot á̱niet khwi Kristi ji da̱ a̱ka̱kpa̱t. A̱wot tazwa khwi doka ji tsotswat, n si̱ mbyia̱ a̱bun bah.

1 A̱ta̱solonikawa 5:23

Ma̱ninika, yok A̱gwaza ma̱ a̱pyia̱ gu a̱ nwuat swat nyinyang a̱ni, gu jaat a̱mgba̱m nyin nyi yet a̱za̱za̱rak a̱jhyem. Yok á̱ bu tyia̱ a̱mgba̱m tswá nyin ji, nfwuo nyin na, ma̱ng nvam nyin na, na̱ sang a̱bun, si̱ nat jen ji nang A̱tyoli nzi̱t wu, Yesu Kristi, na mbwuok a̱ bai a̱ni.

1 Timoti 3:10

Di̱ ntsa hu, ku myim á̱ ya mmak ba, ka̱nang á̱ shya̱ mba ma̱ng a̱bun bah, ba̱ sii nnwuo beang ta̱m A̱gwaza hu.

1 Timoti 3:2

Mat a̱nia, a̱tyu a̱kwak a̱son á̱niet khwi ba a̱ni, ku yet ta hwa a̱ byia̱ tangka̱i za̱kwa huni, a̱ yet: A̱tyu sang a̱bun a̱zaghyi á̱niet, a̱tyu a̱byii̱k a̱nyiung, a̱tyu ta̱bat a̱pyia̱, a̱tyu a̱ byia̱ a̱chuchuk a̱di̱dam, a̱tyu nang á̱ chyin a̱ni, a̱tyu saai á̱nietchen a̱mali nggu, a̱tyu a̱ lyen tyiet shansham a̱ni,

1 Timoti 5:14

Mat a̱nia, n di ku myim a̱ka̱neam á̱nyiuk nang á̱tyok mba ba ka̱n kwi a̱ni, ba̱ nat nyeang ba̱ tyei mman. A̱wot ba̱ ba̱ng a̱ka̱sa mba na; mat ki̱ di̱ ba̱ du nwuak á̱niet lak li nzi̱t ba a̱wat nang ba̱ na mmang nzi̱t a̱lyem a̱ni.

1 Timoti 5:20

Tazwa á̱niet kwak a̱son ba, ba̱ nyia̱ a̱ka̱tuk nyia̱ a̱ni, a gba mba kpa̱sai, da̱nian a̱mgba̱m á̱niet khwi ba̱ ka li, ba̱ nfa̱k a̱wun.

1 Timoti 5:7

Tyiet sot á̱niet khwi ji a̱lyiat nani, kalak a̱yin a̱ du shya̱ kyang nang gu na nfwoi mba a̱ni.

Titut 1:6

Za̱kwa a̱kwak a̱son á̱niet khwi jija ji, ku myim a̱ yet: a̱tyu sang a̱bun, a̱tyu a̱ byia̱ a̱byii̱k a̱nyiung a̱ni, a̱wot mman nggu na, na̱ yet á̱niet nwuak fwuo di̱ Yesu, (da̱ á̱niet ba̱ na kyiak mman nggu na nyia̱, na̱ yet á̱niet tsot wun ku a̱yaalak fwuong bah.)

Titut 2:10

Ba̱ bu yok kpa bwak. Da̱ a̱kwonu a̱kya, ba̱ nyia̱ tsotswat, ba̱ ka tak á̱niet ba shisham A̱lyiat A̱gwaza A̱tyusan nzi̱t wu kpa̱sai mami kuzang kyang.

Titut 2:15

Ku yet ta hwa a tyiet nkyang nani. A̱wot a tyia̱ á̱niet ba̱ fwuong ang a̱ni gba̱gbak. A bu gba mba ma̱ng a̱mgba̱m tyok ang hu. Yok shim a̱yin a̱ jhyuai a̱lyiat ang na bah.

Ibriniyawa 7:26

Yesu wa yet tangka̱i a̱gba̱ndang pris nang zi̱ chat a̱ beang nzi̱t a̱ni. Mat, a̱ yet a̱za̱za̱rak, a̱ si̱ sang a̱bun. A̱wot da̱ nggu, a̱ byia̱ a̱ka̱tuk nyia̱ bah. Á̱ wa ka̱n khap gu zan ma̱ng á̱niet a̱ka̱tuk nyia̱ ba. A̱gwaza si̱ ta̱ngam ngguu, a̱ si̱ nwuak gu a̱gba̱ndang a̱vwuo shi tswazwa.

1 Bitut 2:12

Nyi ta̱bam, nyi swan swat ku yet a̱ni ma̱ng á̱kpa̱ndang nswat nyin ba ba̱ nwai khwi A̱gwaza a̱ni. Mat, a̱mgba̱m nang ba̱ mbat nyin di̱ nyia̱ a̱ka̱tuk, ba̱ na li á̱tsatsak nta̱m nang nyi nyia̱ a̱ni, a̱wot ba̱ nwuak A̱gwaza shi di̱n jen nang gu na mbai a̱ni.

1 Bitut 2:9

A̱wot nyi li a̱nia bah, mat nyi yet kwai nang A̱gwaza khai a̱ni. Nyi yet a̱yaapris a̱gba̱ndang A̱gwam, a̱za̱za̱rak nwap, ma̱ng á̱niet ba̱ yet a̱si̱ A̱gwaza a̱ni. Mat a̱nia, nyi na tak á̱ghyang á̱niet a̱cha̱chet a̱tan nkyang a̱ga̱de nang A̱gwaza nyia̱ a̱ni. Mat A̱gwaza yorong nyin a̱ ghwut ndyo mi̱ ndyin a̱ nat ndyo ma̱ a̱kyenkyai sai nggu wu.

2 Bitut 3:14

Mat a̱nia, nyin á̱niet khwi Yesu ba nang n chat a̱ni, nang nyi swan nfwuong a̱tuk a̱kya a̱ni, nyi kwan ba̱t á̱ shya̱ nyin nang nyi swan swat nyinyang ku yet a̱za̱za̱rak a̱ni. Nyi ghwon a̱ka̱tuk nyia̱, nyi yet á̱niet sang a̱bun a̱zaghyi A̱gwaza.

Tyai Á̱zanson 2:5

Nyi nyia̱ a̱di̱dam tyan nang nyi nkwa a̱ni. Nyi ghwon a̱ka̱tuk nyia̱ nyin wu. Nyi nyia̱ nta̱m nung na di̱ si̱sak nang nyi ku ntsa a̱ni. Kalak, n na mbai n ba̱ nkyiak a̱ga̱nga̱ng chuk saai fi̱tila nyin wu da̱ a̱vwuo nswat nji ka ma̱ á̱niet khwi ba.

Tyai Á̱zanson 3:9

Nyi fa̱k! N na ntyia̱ á̱niet ba̱ yet á̱si̱ tutu a̱tung A̱ta̱nyeang a̱ni, ba̱ nyia̱ ba̱ yet á̱tsatsak A̱yahudawa a̱ni, a̱wot a̱nia wa ba̱ ndi bah. Ba̱ bwoi a̱ka̱laa nia. N na ntyia̱ mba ba̱ kpaat a̱khwukhwut a̱zaghyi nyin. A̱jawa ba̱ na ndyen nang nyin bya ngyet á̱niet nang n chat a̱ni.