A̱filibiyawa 2:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ Mat A̱gwaza wa nyia̱ nta̱m na mi̱ nfwuo nyin na. Nggu wa nwuat nyin di̱dang ma̱ng chet nyia̱ nta̱m ku myim a̱tan la̱p sak nggu wu a̱ni.

A̱filibiyawa 2:13 Iomraidhean Croise

Luka 12:32

“Mat a̱nia, nyin a̱bachunchwiit a̱sorong zón seap, nyi yok fa̱k a̱wun bah. Mat A̱tyia̱ nyin wu a̱ shya̱ tswazwa ka a̱ni, shya̱ ma̱ng a̱gba̱ndang a̱gwai a̱ na nwuak nyin Tyok nggu hu.

Luka 2:14

“Zi̱ dyep A̱gwaza a̱ shya̱ tswazwa a̱ni! A̱wot yok swat nyinyang ku bai da̱ a̱vwuo á̱niet mi̱ swanta ba, nang A̱gwaza fwuong nyinyang mba a̱ni!”

Yoona 3:27

Huhwa Yoona si̱ ma nyia̱, “A̱yin byia̱ tyok san kyang, da̱nang á̱ nang gu neet Ma A̱gwaza tswazwa a̱ni bah.

Yoona 6:45

“A̱ta̱m a̱kwonu A̱gwaza ma̱ a̱di̱di̱t ku lyuut nyia̱, ‘A̱mgba̱m á̱niet ba, A̱gwaza wa na tyiet mbaa.’ Konyan wa fa̱k, a̱wot a̱ si̱ myiam da̱ a̱vwuo A̱tyia̱ nung ka; a̱tyu a̱wa na bai da̱ a̱vwuo nung.

Yoona 6:65

A̱jawa Yesu si̱ bu nyia̱ ma̱ng a̱mba a̱ni, “Huhwa mbyia̱ nang n hyia̱ ma̱ng a̱nyin; á̱ mbyia̱ a̱tyu a̱ na bai da̱ a̱vwuo nung a̱ni bah; ka̱nang A̱tyia̱ nung wu wa bai ma̱ng a̱nggu bah.”

Nta̱m A̱yaata̱m 11:21

Chet A̱gwaza hu si̱ shya̱ dundung ma̱ng mba. A̱wot á̱kpa á̱niet ma̱ a̱di̱di̱t ba̱ yet Nnwap na̱ nwai yet A̱yahudawa a̱ni, si̱ nwuak fwuo ba̱ si̱ nwuo khwi A̱tyoli Yesu!

A̱romawa 12:3

Mat nang A̱gwaza ka̱n fa̱k shok nung a̱ si̱ nwuak nung a̱wat n gyet a̱ta̱m nggu a̱ni, n gba konyan ma̱ nyin, a̱yin gu yok kyiak a̱pyia̱ nggu a̱ swak shya̱ nggu hu bah. Yok konyan a̱ dam shansham di̱ si̱sak ji nang gu nkyiak a̱pyia̱ nggu a̱ni. Konyan gu kyiak a̱pyia̱ nggu cha̱chaat ma̱ng za̱nang chet nang A̱gwaza nang nggu a̱ni, di̱ si̱sak nang nyi nnwuak fwuo da̱ A̱gwaza a̱ni.

A̱romawa 9:11

A̱wot neet nang á̱ ka̱n tyei a̱ka̱hyaai a̱nia bah; nang ba̱ byia̱ a̱wat ba̱ nyia̱ a̱tan ku á̱ka̱tuk nta̱m bah, Rifkatu si̱ shya̱ ta̱m ji ji̱ tak nang A̱gwaza nkhai á̱niet á̱zanson di̱ si̱sak ku mmyim nggu a̱ni.

A̱romawa 9:16

Mat a̱nia, ku tak nang A̱gwaza wa nkhai á̱niet a̱ fa̱k kunak mba. A̱tyubishyi maai a̱ khai a̱ nyia̱ ta̱m da̱nian A̱gwaza a̱ ka fa̱k kunak gu bah.

1 A̱korontiyawa 12:6

A̱gwaza nyia̱ nta̱m di̱ nvak ma̱ a̱di̱di̱t. A̱wot ma̱ A̱gwaza a̱nyiung wa nyia̱ kuzang tangka̱i nta̱m mi̱ konyan ma̱ nzi̱t.

1 A̱korontiyawa 15:10

A̱wot tangka̱i a̱ta̱m wu nang n gyet a̱fwun a̱ni, n gyet gu mat shok A̱gwaza ja. A̱wot shok nang A̱gwaza nyia̱ nung dyo a̱ni, ji̱ yet a̱buk kyang wa bah. Da̱ a̱kwonu a̱kya, n nyia̱ ta̱m shei a̱lyiat A̱gwaza hu swak á̱kum a̱yaata̱m Yesu ka. A̱mgba̱m ma̱ng a̱nia, chet shei a̱lyiat A̱gwaza a̱hwa yet si̱ nung hwa bah. A̱wot A̱gwaza wa nyia̱ ta̱m ma̱ng a̱nung mat shok nggu ji.

2 A̱korontiyawa 3:5

Zi̱ nyia̱ a̱di̱dam zi̱ tak kpa̱sai nang zi̱ mmaai zi̱ nyia̱ kyang ma̱ng á̱pyia̱ nzi̱t bah. A̱gwaza wa tyia̱ nzi̱t maai hu.

A̱fisawa 1:11

Mbeang a̱nia, mat nang zi̱ mmun á̱pyia̱ ma̱ng Kristi a̱ni, A̱gwaza khai nzi̱t zi̱ yet á̱niet nang gado nggu a̱ni, da̱nian a̱ mi̱ nkhai nzi̱t neet nang gu ka̱n nyia̱ swanta hu bah. A̱wot a̱ si̱ tyia̱ kuzang kyang si̱ bai cha̱chaat ma̱ng kyang gu la̱p a̱ sak a̱ni.

A̱fisawa 1:5

A̱gwaza ku mi̱ nda̱p a̱ sak a̱ si̱ kyiak zi̱t nang mman nggu na a̱ni. A̱ si̱ bai ma̱ng a̱nzi̱t da̱ a̱vwuo nggu mat mun á̱pyia̱ nzi̱t hu ma̱ng Yesu Kristi. Ta̱m huni hwa gu ku chat a̱ nyia̱, a̱wot a̱ si̱ fa̱k nyinyang hu ba̱t.

A̱fisawa 1:9

Ma̱ninika, A̱gwaza ka̱n tyai nzi̱t kyang ku shya̱ di̱ niat nang gu la̱p a̱ sak tazwa Kristi a̱ni. A̱wot la̱p sak huni ku na bai da̱ a̱nu ka cha̱chaat ma̱nang ku mmyim gu a̱ni.

A̱fisawa 2:8

A̱gwaza ku san nyin mat shok nggu ji, di̱n jen nang nyi nnwuak fwuo di̱ Yesu a̱ni. A̱wot si̱ huni yet kwan ma̱ á̱pyia̱ nyin di̱ nyia̱ a̱tan nta̱m hwa bah. Ku yet za̱nang A̱gwaza ja.

2 A̱ta̱solonikawa 1:11

Si̱ huni hwa mbyia̱ nang kuzang jen zi̱ ngya a̱son di̱ naai A̱gwaza nzi̱t wu, da̱nian a̱ ka tyia̱ nyi swan tangka̱i swat hu ku myim di̱ si̱sak ji gu ngyorong nyin a̱ni. Zi̱ bu naai gu bu nang nyin chet nyi nyia̱ a̱mgba̱m a̱tan nkyang nang nyi nyia̱, mat nang nyi nnwuak fwuo da̱ nggu a̱ni.

2 Timoti 1:9

Nggu wa san zi̱t, a̱ si̱ yei nzi̱t zi̱ ka swan a̱za̱za̱rak nswat. A̱ san zi̱t mat kyang nang zi̱ nyia̱ wa a̱ni bah; a̱wot da̱nian la̱p sak gu hwa ma̱ng shok nggu ji. A̱ ku nyia̱ zi̱t shok jini da̱ a̱vwuo Kristi Yesu, neet nang á̱ ka̱n mat swanta hu bah.

Ibriniyawa 13:21

Yok A̱gwaza a̱ ka̱u nyin kuzang a̱tan kyang nang nyi chat a̱ni, da̱nian nyi ka nyia̱ nggu nta̱m nang gu chat a̱ni. Yok gu nyia̱ ta̱m ma̱ng a̱nzi̱t, mami chet a̱lyoot Yesu Kristi, zi̱ ka nyia̱ kuzang a̱tan nta̱m ku na tyia̱ gu fa̱k nyinyang a̱ni. Yok a̱mgba̱m a̱kyenkyai shi a̱ yet a̱si̱ nggu, si̱ nat sang sangba̱p! Samba̱rka!

1 Bitut 1:3

Yok á̱ dyep A̱gwaza, a̱ yet A̱tyia̱ A̱tyoli nzi̱t wu, Yesu Kristi a̱ni. Mat si̱sak nang gu nfa̱k kunak nzi̱t ba̱t, a̱ si̱ tyia̱ á̱ si̱ bu byin zi̱t a̱ka̱feang, zi̱ si̱ shya̱ swuan swai; mat nang A̱gwaza nta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Si̱ huni nwuak zi̱t chet tyia̱ fwuo ku yet a̱chet a̱ni.