A̱filibiyawa 2:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Mat a̱nia, nyin á̱niet khwi Yesu ba nang n chat a̱ni, nyi ku khwi tyiet nung hu nchi̱ri̱ng di̱n jen nang n ku nshya̱ ndung ma̱ng a̱nyin a̱ni. Ma a̱nia wa ma̱ninika, nang n nwai shya̱ ma̱ng nyin a̱ni, ku yet a̱sham a̱ swak ki̱ nyi khwi tyiet nung hu. Nyi kwan nyi nyia̱ ta̱m ku tak nang nyi nshya̱ a̱jhyem san a̱ni. A̱wot nyi khwi A̱gwaza ma̱ng a̱wun ma̱ng nwuak a̱pyia̱ ba̱t.

A̱filibiyawa 2:12 Iomraidhean Croise

Matyu 11:12

Neet di̱n jen nang Yoona a̱tyu ba̱ptisman ku ntsa shei A̱lyiat A̱gwaza na a̱ni, ba̱ng ba̱ tat a̱fwun, Tyok Ma A̱gwaza Tswazwa hu swuo a̱bung ma̱ng a̱ka̱kpa̱t. A̱wot á̱niet a̱ka̱kpa̱t kwan ba̱ ta̱wap hu mi̱ chet, ku yet si̱ mba.

Matyu 11:29

Nyi kyiak a̱byi̱ri̱m khwi nung wu dundung ma̱ng a̱nung, a̱wot nyi myiam da̱ a̱vwuo nung. Mat n gyet shonshyon mi̱ fwuo. N si̱ ngyet a̱tyu ghyuai a̱pyia̱. A̱wot nyi na shya̱ fwung mi̱ nfwuo nyin na.

Nta̱m A̱yaata̱m 16:29

A̱kwak a̱son á̱niet chok jaru wu si̱ nyia̱, á̱ bai ma̱ng a̱nggu long sang. A̱ si̱ tyia̱ kwak a̱ nwuo mami jaru ji. A̱ si̱si̱ ta̱bwak a̱zaghyi Bulut ma̱ng Sila, nang vam nggu hu tyi̱ri̱m.

Nta̱m A̱yaata̱m 9:6

Ma̱ninika, doot a nwuo ma̱ a̱keang ka! A̱wot á̱ na tak ma̱ng a̱nwan kyang ku yet ta nang a na nyia̱ a̱ni.”

A̱romawa 2:7

Á̱niet ba ba̱ ni̱ gbang a̱lyia̱ ba̱ nyia̱ a̱tan nta̱m, ba̱ ni̱ chat A̱gwaza a̱ chyin mba za̱m, a̱wot ba̱ ni̱ chat á̱ nang mba zang ji̱ yet swuan ji̱ nwai tyiai a̱ni; A̱gwaza na nang ntangka̱i á̱niet nani swuan sang sangba̱p.

1 A̱korontiyawa 15:58

Mat a̱nia, nyin á̱niet khwi Yesu ba nang n chat a̱ni, nyi yong mi̱ chet. Nyi yok shyei bah. Kuzang jen, nyi ni̱ mbyia̱ di̱dang nyia̱ nta̱m A̱gwaza na ma̱ng fwuo nyiung. Mat nyi lyen á̱ mbyia̱ ta̱m nang nyi nyia̱ da̱nian A̱gwaza, ku na yet a̱buk kyang a̱ni bah.

1 A̱korontiyawa 2:3

Nang n ku mbai da̱ a̱vwuo nyin a̱ni, vam hu si̱ khwu nung. N si̱ nfa̱k a̱wun ma̱ng tyi̱ri̱m vam.

1 A̱korontiyawa 4:14

N dyuut nyin dyo, da̱nian n ka tyia̱ nyin nsum nia bah. A̱wot n gba nyin wa nang mman nung nang n chat a̱ni.

2 A̱korontiyawa 7:15

Ma̱ninika, ka̱ Titut jhyung si̱sak ji nang a̱mgba̱m nyin nkhwi a̱lyiat nggu na, a̱wot nyi si̱ san gu ma̱ng tyi̱ri̱m vam, nyi si̱ nwuak gu shi a̱ni, a̱ chat nyin ba̱t a̱ swak nang gu ku nchat nyin di̱n jen ji ji̱ swak a̱ni.

A̱fisawa 6:5

Nyin á̱khwo ba, nyi ni̱ nkhwi a̱lyiat a̱yaatyoli nyin na ba̱ shya̱ mi̱ swanta hu a̱ni. Nyi nwuak ba shi ba̱t. Nyi ni̱ nyia̱ mba ta̱m mi̱ fwuo nyiung, ma̱nang Kristi wa nyi nyia̱ gu ndyo a̱ni.

A̱filibiyawa 1:27

Kyang ku yet a̱ swak a̱ni, ku yet ta hwa nyi swan nang á̱tsatsak mman a̱byin Ma A̱gwaza tswazwa a̱ni. Nyi swan swat ku myim A̱sham Nkhang Kristi ka a̱ni. A̱wot ka̱ nyi nyia̱ a̱nia, ki̱ n ba̱ mbai n di nyin, ku n ma nfa̱k nkhang nyin nia, n na ndyen nang nyi ngyong mi̱ chet dundung ma̱ng á̱ghyang, di̱ mun á̱pyia̱ ma̱ng la̱p sak nyiung. Nyi bu kwan, nyi ya a̱son ma̱ng tyiet a̱chuchuk tazwa A̱sham Nkhang ka.

A̱filibiyawa 1:29

Mat A̱gwaza nyia̱ nyin shok di̱ nang nyin a̱wat nyi nwuak fwuo di̱ Yesu Kristi wa ma̱nyin gu bah; a̱wot nyi bu shya̱ a̱wat swuo a̱bung kya da̱nian gu meang.

A̱filibiyawa 1:5

Mat nyi yet á̱kpa̱ndang ta̱m ndung ma̱ng a̱nung di̱ shei A̱sham Nkhang tazwa Kristi, neet di̱n jen nang nyi ku ntsa fa̱k A̱sham Nkhang ka a̱ni, ba̱ng ba̱ tat a̱fwun.

A̱filibiyawa 1:6

A̱wot n nwuak a̱chuchuk, A̱gwaza a̱ tsa a̱ta̱n ta̱m mami nfwuo nyin na a̱ni, a̱ na ya a̱son ma̱ng ta̱m nggu hu, si̱ nang gu tyak hu a̱tuk nang Kristi Yesu na mbwuok a̱ bai a̱ni.

A̱filibiyawa 2:19

Ki̱ A̱tyoli Yesu shim, n ba̱ng fwuo n na ta̱m ma̱ng a̱nyin Timoti a̱nfaan, gu ka bai a̱ byiat nyin. A̱wot ka̱ a̱ hyia̱ ma̱ng a̱nung nkhang nyin na, n na nfa̱k nyinyang di̱ si̱sak nang nyi nswan a̱ni.

A̱filibiyawa 4:1

Mat a̱nia, nyin á̱niet khwi Yesu ba nang n chat a̱ni, nyi yong chi̱k di̱ nwuak fwuo nyin hu da̱ A̱tyoli Yesu. Mat n fa̱k da̱ nyin, nyi yet á̱kpa̱ndang nung, nyin bya bu yet a̱gwai nung na ma̱ng bung tyok nung ji, ji̱ yet zang ta̱m nung ji a̱ni.

A̱filibiyawa 4:15

Nyin á̱niet khwi A̱filibiyawa ba, nyi lyen za̱m nang nyin bya ma̱nyin nyin, ku beang nung ma̱ng kurum di̱n jen nang n ku ntsa shei nyin A̱sham Nkhang ka a̱ni. Neet nang n ku nghwon fam a̱byin Ma̱kidoniya hu, á̱ ku mbyia̱ sot á̱niet khwi jhyang ji̱ ku beang nung a̱ni bah, si̱ ma̱nyin bya ma̱nyin nyin.

1 A̱ta̱solonikawa 1:3

Kuzang jen zi̱ ni̱ jhyung nta̱m nang nyi nyia̱ mat nwuak a̱chuchuk a̱ni, ma̱ng chat á̱ghyang ku tyia̱ beang á̱ghyang a̱ni, ma̱ng gbang a̱lyia̱ mat tyia̱ fwuo mami Yesu Kristi a̱ yet A̱tyoli nzi̱t a̱ni.

2 Timoti 2:10

Huhwa mbyia̱, n gbang a̱lyia̱ ma̱ng kuzang kyang da̱nian á̱niet khwi nang A̱gwaza khai a̱ni, nang mba meang na shya̱ swuan sang sangba̱p nang á̱ shyat neet da̱ a̱vwuo Yesu Kristi a̱ni, ba̱ bu shya̱ a̱kyenkyai shi nggu wu a̱ nwai tyiai a̱ni.

Ibriniyawa 12:1

Mat a̱nia, nang á̱kpa á̱niet ba̱ tak nwuak fwuo mba hu da̱ A̱gwaza nswan, á̱ tyong nzi̱t á̱ keang á̱ nwuan nzi̱t a̱ni, nzi̱t meang ku myim zi̱ ji̱p a̱mgba̱m kuzang kyang ku swan kpa̱p ku na tyia̱ nzi̱t ndyem a̱ni; huhwa yet a̱ka̱tuk nyia̱ nang zi̱ chat nyia̱ ba̱t a̱ni. Yok zi̱ gbang a̱lyia̱, zi̱ tyong chung a̱khwom nang A̱gwaza tyia̱ nzi̱t ndyo a̱zaghyi a̱ni.

Ibriniyawa 4:1

Mat a̱nia, ma̱nang a̱li̱ka̱uli nwuo mi̱ fwung A̱gwaza hu ni̱ nshya̱ a̱ni, ku myim nyi swan cham ma̱ng a̱wun. Kalak á̱ghyang á̱niet ma̱ nyin ba̱ ba̱ lyin nwuo mi̱ fwung A̱gwaza hu.

Ibriniyawa 4:11

Mat a̱nia, si̱ zi̱ kwan ba̱t zi̱ ka nwuo fwung a̱hwa! A̱wot ki̱ zi̱ lak khwi a̱lyiat A̱gwaza na, ma̱nang á̱niet Isi̱rela ba ku nnyia̱ a̱ni, zi̱ na kwa mut!

Ibriniyawa 5:9

Mat a̱nia wa mbyia̱, A̱gwaza si̱ li Kristi maai a̱ yet A̱gba̱ndang Pris a̱ sang a̱bun a̱ni. A̱wot a̱ yet a̱tyin shya̱ san sang sangba̱p a̱mgba̱m á̱niet ba̱ khwi nggu a̱ni.

1 Bitut 2:11

Nyin á̱niet khwi Yesu ba nang n chat a̱ni, n gba nyin á̱niet nyi yet á̱nietchen ma̱ng á̱niet ba̱ bai a̱na̱nda da̱ a̱bada̱dei njen mi̱ swanta huni a̱ni. Nyi yok ghwon a̱ka̱tuk nshyuo swanta wu, a̱ nyia̱ zwang mi̱ fwuo nyin na bah.

2 Bitut 3:18

Da̱ a̱kwonu a̱kya, nyi ya a̱son ma̱ng mban hwa mami shok ma̱ng lyen A̱tyoli Yesu Kristi A̱tyusan nzi̱t wu. Yok a̱kyenkyai shi a̱ yet si̱ nggu ma̱nini, ba̱ng si̱ nat sang sangba̱p! Samba̱rka!