A̱filibiyawa 2:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ A̱wot kuzang a̱yin na tak kpa̱sai nang Yesu Kristi wa ngyet A̱tyoli wu; mat a̱nia, a̱mgba̱m á̱niet ba na dyep A̱gwaza a̱ yet A̱tyia̱ wu a̱ni.

A̱filibiyawa 2:11 Iomraidhean Croise

Matyu 10:32

Mat a̱nia, konyan wa shim a̱ si̱ tak ma̱ng á̱ghyang á̱niet kpa̱sai nang gu ngyet a̱tyu khwi nung wa, nung meang, n na shim n tak kpa̱sai nang nggu ngyet a̱si̱ nung wa a̱zaghyi A̱tyia̱ nung ka a̱ shya̱ tswazwa ka a̱ni.

Luka 2:11

Mat a̱fwun kani, mi̱ Ba̱italami a̱keang a̱gwam Da̱wuda, á̱ byin nyin nggwon, ka̱ yet A̱tyusan! Kikya bu yet Kristi, a̱tyu nang A̱gwaza kup ka tyok a̱ni; kikya bu yet A̱tyoli wu.

Yoona 12:42

A̱mgba̱m ma̱ng a̱nia, á̱niet ma̱ a̱di̱di̱t si̱ mun nwuak fwuo di̱ Yesu. Mbeang a̱cha̱chet a̱yaakwak a̱son mba ba, ba̱ ku mun a̱ nwuak fwuo di̱ Yesu. A̱wot mat si̱sak nang ba̱ ku nfwuong a̱wun A̱fa̱risawa ba a̱ni; ba̱ ku ghwut kpa̱sai ba̱ si̱ tak nang ba̱ nnwuak fwuo bah; nyia̱ kalak á̱ vwuong mba á̱ ghwut ndyo ma̱ á̱tutu a̱tung A̱yahudawa ba.

Yoona 13:13

Nyi yei nung ‘A̱tyu tyiet’ ma̱ng ‘A̱tyoli.’ Nyi shei cha̱chaat, nyi ghyuap bah. A̱nia wa nang ngyet.

Yoona 13:14

Ka̱ n gyet A̱tyoli nyin ma̱ng A̱tyu tyiet nyin, a̱mgba̱m ma̱ng a̱nia n si̱ nkwi nyin a̱ti̱tak; nyin mameang ku myim nyi kwi á̱ghyang nyin ndyo.

Yoona 14:13

A̱wot n bu na nyia̱ kuzang kyang nang nyi naai mami a̱lyoot nung da̱nian hu a̱ni. N na nyia̱ nyin ndyo, da̱nian A̱tyia̱ nung wu a̱ ka shya̱ a̱kyenkyai shi wu kpa̱sai mat Nggwon ka.

Yoona 14:23

Yesu si̱ ma nwuak gu shim nyia̱, “Konyan wa chat nung a̱ni, a̱ na khwi á̱lyiat nung na. A̱wot A̱tyia̱ nung wu na chat gu. Nung ma̱ng A̱tyia̱ nung wu, zi̱ na bai da̱ a̱vwuo nggu, zi̱ swan dundung ma̱ng a̱nggu.

Yoona 17:1

Nang Yesu ntyak á̱lyiat nani a̱ni, huhwa gu si̱ gba̱t á̱ghyi, a̱ si̱ nwuan Ma A̱gwaza tswazwa. A̱ si̱ naai nyia̱, “A̱tyia̱ nung, jen nyia̱. Nwuak nggwon ang ka shi; nka mameang, ka̱ ma nwuak ang shi.

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 9:22

Á̱niet mbyin a̱tyu a̱ ku byia̱ a̱fi̱fan ba a̱ni si̱ hyia̱ a̱lyiat nani, mat ba̱ ku fa̱k a̱wun a̱cha̱chet a̱yaakwak a̱son A̱yahudawa ba. Mat ba̱ ku la̱p á̱ sak nyia̱ ka̱ ba̱ shya̱ a̱yin a̱ si̱ shim nyia̱ Yesu wa yet Kristi, a̱tyu nang A̱gwaza kup gu tyok a̱ni; nang ba̱ fwuong a̱ni, á̱ na ti̱n nggu á̱ ghwut ndyo mami tutu a̱tung A̱yahudawa ka.

Nta̱m A̱yaata̱m 10:36

Nyi lyen ta̱m jini ja yet A̱sham Nkhang ka da̱nian á̱niet Isi̱rela ba; nyia̱ á̱ shyat swat nyinyang ma̱ng A̱gwaza mat mun á̱pyia̱ ma̱ng Yesu Kristi. Nggu wa yet A̱tyoli a̱mgba̱m á̱nietbishyi.

Nta̱m A̱yaata̱m 2:36

“Mat a̱nia, ku myim nyin á̱niet Isi̱rela, nyi lyen za̱m nang Yesu wuni nang nyi kpang da̱ a̱team a̱khwu wu a̱ni; A̱gwaza khai ngguu a̱ yet A̱tyoli ma̱ng Kristi, a̱tyu nang A̱gwaza kup gu tyok a̱ni!”

A̱romawa 14:11

Ma̱nang á̱ ndyuut ma̱ A̱lyiat A̱gwaza na nyia̱, “A̱gwaza tak nyia̱, ‘A̱tsak a̱lyiat, nang n shya̱ a̱chet a̱ni, konyan na kpaat a̱khwukhwut a̱zaghyi nung. A̱wot konyan bu na shim ma̱ng a̱nu nggu ka, a̱wot a̱ bu dyep A̱gwaza.’ ”

A̱romawa 14:9

Huhwa mbyia̱ nang Kristi ku nkhwu, a̱wot a̱ si̱ bu doot ma̱ng swuan ma̱ á̱niet ba̱ ka̱n kwi a̱ni; da̱nian a̱ ka yet A̱tyoli á̱niet nswuan ma̱ng á̱niet ba̱ ka̱n kwi a̱ni.

A̱romawa 15:9

Ma a̱nia wa, Kristi bu ku bai da̱nian Nnwap na̱ nwai yet A̱yahudawa a̱ni, na̱ ka nwuak A̱gwaza shi. Mat A̱gwaza yet a̱tyu fwuong kunak mba wa. Ma̱nang a̱tyu lyuut Za̱bura wu ku nfa, a̱ si̱ ndyuut a̱ni nyia̱, “Mat si̱ huni, n na tyia̱ Nnwap na̱ nwai yet A̱yahudawa a̱ni na̱ dyep ang. A̱wot n bu na bwom a̱bwom n dyep a̱lyoot ang ka.”

1 A̱korontiyawa 12:3

Mat a̱nia, n chat nyi lyen nang á̱ mbyia̱ a̱tyu nang A̱za̱za̱rak Ntswa A̱gwaza na tyia̱ gu gu shyi Yesu a̱ni bah. A̱tyu a̱ na hyia̱ nang Yesu wa ngyet A̱tyoli wu a̱ni; nggu wa ma̱ nyin gu yet a̱tyu nang A̱za̱za̱rak Ntswa A̱gwaza wu shya̱ ndung ma̱ng a̱nggu a̱ni.

1 A̱korontiyawa 15:47

A̱da̱mu, a̱ ku yet a̱son ka a̱ni, yet mbyin nia. A̱wot Kristi, a̱ yet ngaan wu a̱ni, si̱ neet Ma A̱gwaza tswazwa kya.

1 A̱korontiyawa 8:6

A̱mgba̱m ma̱ng a̱nia, zi̱ lyen nang A̱gwaza a̱nyiung wa ma̱nyin gu nshya̱, a̱ yet A̱tyia̱ wu a̱ni. Nggu wa mat kuzang kyang mi̱ swanta hu. A̱wot zi̱ swuan da̱nian gu kya. A̱tyoli wu bu yet a̱nyiung wa, nggu wa yet Yesu Kristi. Mat nggu wa yet vak nang A̱gwaza mmat kuzang kyang a̱ni. A̱wot nggu wa bu yet vak nang A̱gwaza nnwuak nzi̱t swuan a̱ni.

1 Bitut 1:21

Mami Kristi kya nang nyi nnwuak fwuo da̱ A̱gwaza. A̱wot nyi si̱ nwuak a̱chuchuk ma̱ng tyia̱ fwuo da̱ A̱gwaza, mat a̱ ku ta̱ngam Kristi ma̱ á̱niet ba̱ ka̱n kwi a̱ni, a̱wot a̱ si̱ nwuak gu a̱gba̱ndang shi.

1 Yoona 4:15

Konyan wa khwuk a̱nu a̱ si̱ tak kpa̱sai nang Yesu wa ngyet Nggwon A̱gwaza ka, a̱tyu a̱wa swan di̱ mun á̱pyia̱ ma̱ng A̱gwaza. A̱gwaza si̱ ma mun a̱pyia̱ ma̱ng a̱nggu.

1 Yoona 4:2

A̱ni wa nang zi̱ na nfi̱k ka̱ ba̱ lyiat da̱ a̱kwonu A̱za̱za̱rak Ntswa A̱gwaza wu wa: Konyan wa kyiak a̱pyia̱ nggu nang a̱ta̱m a̱kwonu A̱gwaza a̱ni, a̱ si̱ shim nang Yesu Kristi mbai ma̱ng vam nang a̱tyubishyi a̱ni mi̱ swanta hu, a̱tyu a̱wa byia̱ A̱za̱za̱rak tswa A̱gwaza wa.

2 Yoona 1:7

A̱tsak a̱lyiat, á̱niet laai á̱niet ma̱ a̱di̱di̱t chong á̱ kat mi̱ swanta hu. Á̱niet tyiet a̱ka̱laa bani tyiet nyia̱ di̱ Yesu Kristi bai mi̱ swanta huni mi̱ vam nang a̱tyubishyi a̱ni bah. Tangka̱i a̱tyu tyiet a̱hwa yet a̱tyu laai á̱niet wa ma̱ng a̱tyu lak li Kristi.

Tyai Á̱zanson 3:5

A̱mgba̱m á̱niet ba̱ swuo chet swanta hu a̱ni, á̱ na kup ba a̱sai a̱jhya̱jhyat a̱yaatoot! N na mak lyang lyulyoot mba hu mami Ta̱ka̱da Swuan hu bah. A̱wot n na ngyei lyulyoot mba hu a̱zaghyi A̱tyia̱ nung ka ma̱ng a̱yaata̱m tswá nggu ba; n tak nang ba̱ ngyet á̱si̱ nung bya!