A̱filibiyawa 1:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ N naai A̱gwaza gu tyia̱ nyi mban di̱ chat á̱ghyang nyin hu, a̱wot nyi mbeang ya a̱son ma̱ng mumwang lyen A̱gwaza hu.

A̱filibiyawa 1:9 Iomraidhean Croise

1 A̱korontiyawa 14:20

Nyin á̱niet khwi Yesu ba nang n chat a̱ni, nyi yok nyia̱ a̱di̱dam nang mman a̱ni di̱ kyang nani bah. (Nyi yet á̱niet sang a̱bun nang a̱bachyuang a̱bamman a̱ni, di̱n vak a̱ka̱tuk). A̱wot nyi byia̱ a̱di̱dam tat a̱ghyi, nyi fi̱k ntangka̱i nkyang nani.

2 A̱korontiyawa 8:7

Ma̱nang nyi mbyia̱ kuzang kyang gba̱mgbam a̱ni; nwuak a̱chuchuk, lyen tak a̱lyiat, mumwang, ntyia̱ a̱lyia̱, ma̱ng si̱sak nang nyi nchat zi̱t a̱ni. Ma a̱nia wa n chat nyi byia̱ shok gba̱mgbam meang di̱ beang á̱niet ba̱ swuo a̱bung a̱ni, ma̱ng fwuo nyiung.

A̱fisawa 5:17

Nyi yok yet á̱bwuon á̱niet bah. Da̱ a̱kwonu a̱kya, si̱ nyi kwan nyi fi̱k kyang hu nang A̱tyoli Kristi chat nyi nyia̱ wa a̱ni.

A̱kolosiyawa 1:9

Mat a̱nia, neet a̱tuk nang zi̱ ku ntsa fa̱k nkhang nani tazwa nyin a̱ni, zi̱ ni̱ naai A̱gwaza da̱nian nyin kuzang jen. Zi̱ naai A̱gwaza gu tyia̱ nyi lyen kyang hu nang gu chat a̱ni shansham. A̱wot gu nang nyin mumwang A̱za̱za̱rak Ntswa ma̱ng si̱sak ji nang nyi na nfi̱k kuzang kyang ku yet si̱ A̱gwaza a̱ni.

A̱kolosiyawa 3:10

Da̱ a̱kwonu a̱kya, nyi kup za̱kwa swai nang a̱yin ni̱ nkup a̱toot a̱fai a̱ni. Mat A̱gwaza shyak nyin, nyi yet á̱niet za̱kwá swai bya. A̱wot a̱ ya a̱son ma̱ng tyei nang nyi tai nggu da̱nian nyi ka lyen gu shansham.

1 A̱ta̱solonikawa 3:12

Yok A̱gwaza a̱ tyia̱ chat á̱ghyang nyin hu ma̱ng a̱mgba̱m á̱niet ba, ku mban ba̱t kuzang jen ma̱nang zi̱ nchat nyin a̱ni.

1 A̱ta̱solonikawa 4:1

Di̱ ngaan hu, á̱niet khwi Yesu ba nang n chat a̱ni, zi̱ naai nyin mami a̱lyoot A̱tyoli nzi̱t wu Yesu, nyi swan swat ku myim A̱gwaza a̱ni, ma̱nang zi̱ ka̱n tyiet nyin a̱ni. Ma a̱nia wa nyi nswan ma̱nini, a̱wot zi̱ tyia̱ nyin gba̱gbak nyi ya a̱son nyi mban di̱ nyia̱ a̱nia hu ba̱t.

2 A̱ta̱solonikawa 1:3

Á̱niet khwi Yesu ba nang n chat a̱ni, ku yet ta hwa, ku myim zi̱ gwai A̱gwaza kuzang jen da̱nian nyin, mat nang nyi mban di̱ nwuak fwuo di̱ Yesu, nyi si̱ bu mban di̱ chat á̱ghyang hu a̱ni.

Filimon 1:6

N naai A̱gwaza, mat mun á̱pyia̱ nzi̱t hu ma̱ng a̱nwan, nang zi̱ byia̱ di̱ nwuak a̱chuchuk hu a̱ni, na mbeang zi̱ ka nfi̱k kuzang a̱tan kyang shansham, mat shi Yesu Kristi hu.

Ibriniyawa 5:14

A̱wot a̱kpa̱u kyayak wu yet si̱ á̱niet ba̱ ka̱n tat a̱ghyi bya a̱ni, nang á̱ tyiet mbaa ba̱ lyen si̱sak ji ba̱ na nkhap a̱wot ba̱ fi̱k a̱ka̱tuk wu ma̱ng a̱tan wu a̱ni.

1 Bitut 1:22

Á̱ ku jaat nyin a̱ka̱tuk nyia̱ nyin wu di̱n jen nang nyi ku nwuo khwi a̱chuchuk wu a̱ni. Ma̱ninika, ku yet ta hwa, nyi tak nang nyi nchat á̱ghyang nyin a̱tsatsak chat nang á̱na̱nyiuk a̱ni. Nyi chat á̱ghyang nyin ma̱ng a̱mgba̱m nfwuo nyin na.

2 Bitut 3:18

Da̱ a̱kwonu a̱kya, nyi ya a̱son ma̱ng mban hwa mami shok ma̱ng lyen A̱tyoli Yesu Kristi A̱tyusan nzi̱t wu. Yok a̱kyenkyai shi a̱ yet si̱ nggu ma̱nini, ba̱ng si̱ nat sang sangba̱p! Samba̱rka!