A̱filibiyawa 1:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ A̱gwaza lyen si̱sak nang n chat nyin n si̱ bu nfa̱k da̱ nyin a̱ni ba̱t, ma̱nang Kristi Yesu nchat nyin a̱ni.

A̱filibiyawa 1:8 Iomraidhean Croise

Luka 1:78

Mat si̱sak ji A̱gwaza nfwuong kunak a̱ si̱ chat zi̱t a̱ni; a̱ ni̱ tyei mam a̱tsotson neet Ma A̱gwaza tswazwa ku shim tat da̱ nzi̱t.

A̱romawa 1:9

A̱gwaza wu lyen si̱sak nang n naai nggu kuzang jen da̱nian nyin a̱ni. A̱ta̱mam ma̱ng a̱tyetuk, n ni̱ naai A̱gwaza da̱nian nyin, a̱wot gu nang nyin nkyang nang nyi chat a̱ni. A̱gwaza wa nang n nyia̱ nggu ta̱m shei A̱sham Nkhang hu tazwa Nggwon nggu ka Yesu Kristi, ma̱ng fwuo nyiung.

A̱romawa 9:1

N shei a̱tsak a̱lyiat di̱ mun á̱pyia̱ nung hu ma̱ng Kristi. N bwoi laa hwa bah. A̱za̱za̱rak Ntswa wu wa yet sheda a̱di̱dam mi̱ fwuo nung wu!

2 A̱korontiyawa 13:9

Zi̱ ni̱ gwai ka̱ sang chet nzi̱t hu, na beang nyin nyi byia̱ a̱tsatsak nchet ba̱t. Zi̱ ni̱ naai A̱gwaza, gu tyia̱ nyin nyi yet á̱niet tat á̱ghyi di̱ khwi Yesu hu.

2 A̱korontiyawa 6:12

Da̱ a̱vwuo nzi̱t, zi̱ chat nyin ba̱t. A̱wot nyin bya, di̱ chat zi̱t bah.

2 A̱korontiyawa 7:15

Ma̱ninika, ka̱ Titut jhyung si̱sak ji nang a̱mgba̱m nyin nkhwi a̱lyiat nggu na, a̱wot nyi si̱ san gu ma̱ng tyi̱ri̱m vam, nyi si̱ nwuak gu shi a̱ni, a̱ chat nyin ba̱t a̱ swak nang gu ku nchat nyin di̱n jen ji ji̱ swak a̱ni.

A̱ga̱la̱tiyawa 1:20

N shyi a̱zaghyi A̱gwaza, a̱lyiat nani nang n dyuut nyin ndyo mi̱ wusika jini a̱ni, na̱ yet a̱ka̱laa nia bah. A̱tsatsak a̱lyiat wa za̱m.

A̱ga̱la̱tiyawa 3:26

Si̱sak nang nyi nnwuak fwuo di̱ Yesu a̱ni, tyia̱ nyi yet mman A̱gwaza. Mat nyi mun á̱pyia̱ ma̱ng Yesu Kristi.

A̱ga̱la̱tiyawa 4:19

Nyin mman nung na nang n chat a̱ni! Ku li á ngyei n fwuong a̱khwu da̱ nyin, ma̱nang a̱byii̱k a̱fa ni̱ nfwuong a̱khwu ka̱ nggwon ka bwuak ma̱ gbi̱ri̱p di̱n jen twei ma̱ng byin a̱ni! A̱wot fwuong a̱khwu hu na ya a̱son si̱ nang nyi tyia̱ á̱niet khwi ba̱ tat á̱ghyi di̱ mun á̱pyia̱ di̱ khwi Yesu Kristi.

A̱filibiyawa 2:1

Mun á̱pyia̱ nyin hu ma̱ng Kristi tyia̱ nyin gba̱gbak. A̱wot nyi byia̱ shyim fwuo nang Kristi nchat nyin a̱ni. Nyi byia̱ mun á̱pyia̱ ndung mami A̱za̱za̱rak Ntswa. A̱wot nyi chat á̱ghyang bu tsa fwuong kunak á̱ghyang.

A̱filibiyawa 2:26

N na ta̱m gu da̱ a̱vwuo nyin mat a̱ fwuong di̱dang li nyin a̱mgba̱m. A̱wot a̱ si̱ byia̱ a̱fi̱fa ba̱t, mat a̱ lyen nyi ka̱n fa̱k nkhang zwan nggu na.

A̱filibiyawa 4:1

Mat a̱nia, nyin á̱niet khwi Yesu ba nang n chat a̱ni, nyi yong chi̱k di̱ nwuak fwuo nyin hu da̱ A̱tyoli Yesu. Mat n fa̱k da̱ nyin, nyi yet á̱kpa̱ndang nung, nyin bya bu yet a̱gwai nung na ma̱ng bung tyok nung ji, ji̱ yet zang ta̱m nung ji a̱ni.

A̱kolosiyawa 2:1

N chat nyi lyen si̱sak nang n byia̱ a̱fi̱fa ba̱t da̱nian nyin ma̱ng sot á̱niet khwi ji ji̱ shya̱ ma̱ a̱keang La̱wudikiya a̱ni; mbeang a̱mgba̱m á̱niet khwi ba, ba̱ ka̱n nwai li nung ma̱ng a̱ghyi a̱ni.

A̱kolosiyawa 3:12

Mat a̱nia, nang A̱gwaza nkhai nyin nyi yet á̱za̱za̱rak á̱niet nang gu chat a̱ni, ku yet ta hwa nyi ni̱ kup á̱pyia̱ nyin ma̱ng ntangka̱i za̱kwá nani nang nyi ni̱ nkup a̱yaatoot a̱fai a̱ni, ni̱nia yet: Nyi fwuong kunak á̱ghyang, nyi nyia̱ á̱niet shok, nyi yet á̱niet nyia̱ shonshyon, nyi yet á̱niet ghyuai a̱pyia̱, a̱wot nyi bu ni̱ ngyet á̱niet nyap nfwuo.

1 A̱ta̱solonikawa 2:5

Nang nyi ndyen a̱ni, nzi̱t zi̱ ku tak nyin lyen a̱nu hwa bah. Da̱ nzi̱t, zi̱ ku chat zi̱ laai nyin wa bah. Zi̱ ku mak nyia̱ nkyang mami wuwok, a̱wot zi̱ si̱ chat zi̱ niat na bah. A̱gwaza wa yet sheda nzi̱t hu.

1 A̱ta̱solonikawa 2:8

Zi̱ chat nyin ba̱t, huhwa si̱ mbyia̱ zi̱ si̱ fa̱k a̱lyia̱ sai zi̱ shei nyin A̱sham nkhang A̱gwaza kya ma̱nyin ka bah. A̱wot zi̱ si̱ nwuak swuan nzi̱t ji ja, mat nyi yet á̱niet nang zi̱ fa̱k da̱ mba a̱ni za̱m.

2 Timoti 1:4

Ki̱ n jhyung ndang a̱ghyi na di̱n jen nang zi̱ ku mbyiat sak a̱ni, a̱wot n ni̱ nchat n di ang ba̱t, da̱nian n ka nfa̱k a̱lyia̱ sai.

Filimon 1:12

N na ta̱m ma̱ng a̱nggu ma̱ninika gu bwuok a̱ bai da̱ a̱vwuo ang, nggu wa nang n chat ma̱ng fwuo nyiung.

Filimon 1:20

Mat a̱nia, Filimon, a̱na̱nyiuk nung mi̱ khwi Yesu, ma̱sa̱kut n naai a nyia̱ nung shok da̱ a̱lyoot A̱gwaza. Yok a tyia̱ fwuo nung hu ku sai mami Yesu Kristi.

1 Yoona 3:17

Ka̱ a̱yin byia̱ zwá a̱pyia̱ nggu, a̱ si̱ li a̱ghyang a̱niet nang gu shya̱ mi̱ kunak, a̱wot a̱ si̱ lak fa̱k kunak gu; á̱ na nyia̱ ni á̱ ndyen nang chat A̱gwaza hu nshya̱ ma̱ a̱nggu?