A̱filibiyawa 1:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Mat a̱nia, da̱ a̱vwuo nung, ku myim ba̱t nang n nyia̱ a̱di̱dam a̱nia tazwa nyin a̱ni, mat a̱mgba̱m nyin nyi shya̱ nung mi̱ fwuo. Nyi yet á̱kpa̱ndang nung bya di̱ shya̱ shok A̱gwaza, di̱n jen nang á̱ nda̱p nung ma̱ng a̱nyanyang á̱ si̱ tyia̱ nung mi̱ jaru; a̱wot di̱n jen nang n tyiet á̱niet ba a̱chuchuk tazwa A̱sham Nkhang Yesu ka, n bu ntak nang ka̱ ngyet a̱tsatsak wa a̱ni.

A̱filibiyawa 1:7 Iomraidhean Croise

Nta̱m A̱yaata̱m 20:23

Mi̱ kyang nyiung hwa nang n dyen. A̱za̱za̱rak Ntswa wu shei ma̱ng a̱nung nyia̱; mi̱ kuzang a̱keang nang n nwuo a̱ni, á̱ na tyia̱ nung mi̱ jaru, a̱wot n bu nswuo a̱bung ba̱t.

Nta̱m A̱yaata̱m 21:33

A̱jawa a̱gba̱ndang a̱kwak a̱son á̱niet nzwang A̱romawa wu si̱ ta̱bat Bulut. A̱ si̱ tyia̱ á̱ la̱p gu ma̱ng a̱nyanyang a̱feang. A̱ si̱ lyip á̱niet ba nyia̱, “A̱nyan wa lili huni, a̱wot yihwa nang gu nyia̱?”

1 A̱korontiyawa 13:7

A̱tyu chat á̱niet ni̱ nti̱n fwuo bah, da̱ nggu, a̱ ni̱ but mi̱ fwuo di̱ nwuak a̱chuchuk di̱ kuzang kyang bah. Da̱ a̱kwonu a̱kya, a̱ ni̱ ntyia̱ nfwuo kuzang jen, a̱wot a̱ ni̱ gbang a̱lyia̱ mami kuzang kyang.

1 A̱korontiyawa 9:23

N ni̱ nyia̱ kuzang kyang, mat shei A̱sham Nkhang hwa, da̱nian n ka nshya̱ a̱kwonu nung mami a̱li̱ba̱rka shei nka hu.

2 A̱korontiyawa 3:2

Mi̱ wusika chyin jhyung nang zi̱ chat a̱ni, jija yet nyin ma̱ á̱pyia̱ nyin. Swat nyin hu li nang wusika nang á̱ lyuut mi̱ fwuo nzi̱t na a̱ni. Da̱nian konyan wa doot a̱ fang jii, gu ka fi̱k a̱tan nta̱m nang zi̱ nyia̱ mami nyin a̱ni.

2 A̱korontiyawa 7:3

N dyiat a̱ni da̱nian n ka tyia̱ nyin a̱bun wa bah. Ma̱nang n ka̱n hyia̱ ma̱ng a̱nyin a̱ni, zi̱ chat nyin mi̱ nfwuo nzi̱t na. A̱wot zi̱ na swan zi̱ kwi dundung ma̱ng a̱nyin.

A̱ga̱la̱tiyawa 5:6

Mat, jen nang zi̱ nnwuak fwuo di̱ Yesu Kristi a̱ni, tyia̱ mi̱ chen ku nwai tyia̱ mi̱ chen, ku byia̱ nzi̱t kpangti̱n bah. Kyang ku yet a̱ swak a̱ni, huhwa yet; nwuak fwuo nzi̱t hu di̱ Kristi. Ku tyei nzi̱t zi̱ chat A̱gwaza ma̱ng á̱ghyang á̱niet.

A̱fisawa 3:1

Mat a̱nia, nung Bulut, kuzang jen nang n nyia̱ a̱di̱dam tazwa nkyang nani a̱ni, nung nang á̱ ku tyia̱ mi̱ jaru mat Kristi Yesu, da̱nian n ka beang nyin, nyin nyi yet Nnwap na̱ nwai yet A̱yahudawa a̱ni.

A̱fisawa 4:1

Mat a̱nia, nung a̱tyu nang á̱ tyia̱ mi̱ jaru, mat n nyia̱ ta̱m A̱tyoli Yesu a̱ni, n naai nyin ma̱sa̱kut, nyi swan tangka̱i swat ku myim ma̱ng si̱sak nang A̱gwaza ngyorong nyin a̱ni.

A̱fisawa 6:20

Da̱nian shei A̱sham Nkhang kani kya nang n gyet á̱ghyi Kristi, ku nang n shya̱ di̱ la̱p ma̱ng a̱nyanyang mi̱ jaru a̱ni! Nyi ni̱ naai A̱gwaza da̱nian nung kuzang jen, n ka shei A̱sham Nkhang Kristi ka ma̱ng gbang a̱lyia̱ ku myim a̱ni.

A̱filibiyawa 1:12

Nyin á̱niet khwi Yesu ba nang n chat a̱ni, n chat nyi lyen swuo a̱bung ku shya̱ nung a̱ji a̱ni. A̱tsak a̱lyiat, ku tyia̱ á̱niet ma̱ a̱di̱di̱t si̱ fa̱k A̱sham Nkhang ka.

A̱filibiyawa 1:13

Mat a̱mgba̱m á̱niet nzwang ba ba̱ chok a̱li a̱gwam shan A̱romawa ka a̱ni, ma̱ng á̱ghyang á̱niet a̱ji, ba̱ lyen nang n shya̱ mi̱ la̱p ma̱ a̱nyanyang mi̱ jaru ji, da̱nian shei A̱sham Nkhang Kristi kya.

A̱filibiyawa 1:14

A̱wot nang á̱ nnyim nung mi̱ jaru ji a̱ni, ku tyia̱ á̱niet khwi A̱tyoli Kristi ma̱ a̱di̱di̱t a̱ji si̱ mbeang gbang a̱lyia̱ hu. Ba̱ si̱ shei a̱lyiat A̱gwaza na ma̱ sa̱t, di̱ mi̱n fa̱k a̱wun.

A̱filibiyawa 1:5

Mat nyi yet á̱kpa̱ndang ta̱m ndung ma̱ng a̱nung di̱ shei A̱sham Nkhang tazwa Kristi, neet di̱n jen nang nyi ku ntsa fa̱k A̱sham Nkhang ka a̱ni, ba̱ng ba̱ tat a̱fwun.

A̱filibiyawa 2:22

A̱wot nyin ma̱ á̱pyia̱ nyin, nyi wa ka̱n dyen nang Timoti wa ka̱n tak nang gu ngyet a̱tsotswat wa. A̱ li ma̱ng a̱nung nang nggwon ma̱ng a̱tyia̱ nka a̱ni. A̱ ka̱n nyia̱ ta̱m shei A̱sham Nkhang Yesu ka dundung ma̱ng a̱nung.

A̱filibiyawa 4:14

A̱mgba̱m ma̱ng a̱nia, ku yet a̱sham ba̱t nang nyi mbeang nung mami swuo a̱bung nung hu a̱ni.

A̱filibiyawa 4:15

Nyin á̱niet khwi A̱filibiyawa ba, nyi lyen za̱m nang nyin bya ma̱nyin nyin, ku beang nung ma̱ng kurum di̱n jen nang n ku ntsa shei nyin A̱sham Nkhang ka a̱ni. Neet nang n ku nghwon fam a̱byin Ma̱kidoniya hu, á̱ ku mbyia̱ sot á̱niet khwi jhyang ji̱ ku beang nung a̱ni bah, si̱ ma̱nyin bya ma̱nyin nyin.

A̱filibiyawa 4:3

Nwan a̱tsotswat a̱kpa̱ndang ta̱m nung, beang á̱nyiuk bani, mat ba̱ ka̱n nyia̱ ta̱m za̱m ma̱ng a̱nung di̱ beang ya a̱son shei A̱sham Nkhang Yesu ka. Ba̱ ku nyia̱ ta̱m hu dundung ma̱ng Ka̱la̱men mbeang á̱kum á̱kpa̱ndang ta̱m nung ba, nang á̱ lyuut lyulyoot mba hu mi̱ Ta̱ka̱da Nswuan hu a̱ni.

A̱kolosiyawa 4:18

Nung Bulut, nung gwa n dyuut nyin byat huni ma̱ng bwak nung. Nyi yok bwung nang n shya̱ di̱ la̱p ma̱ng a̱nyanyang mi̱ jaru ji a̱ni bah. Yok A̱gwaza a̱ fa̱k shok nyin!

A̱kolosiyawa 4:3

Nyi ni̱ nnaai A̱gwaza da̱nian nzi̱t meang, da̱nian gu ka nwuak nzi̱t a̱ka̱wat nang zi̱ na nshei la̱p sak nggu hu ku shya̱ di̱ niat tazwa Kristi a̱ni. Mat shei a̱lyiat huni hwa mbyia̱, nang n ni̱ shya̱ a̱ji di̱ la̱p ma̱ng a̱nyanyang mi̱ jaru ji.

1 A̱ta̱solonikawa 5:5

A̱mgba̱m nyin, nyi yet mman a̱vwuo sai nia, ma̱ng mman a̱ta̱mam. Zi̱ yet á̱si̱ a̱tyetuk ku á̱si̱ mi̱ ndyin bah.

2 Timoti 1:8

Mat a̱nia, yok fa̱k nsum di̱ shei A̱sham nkhang Yesu ka bah. A̱wot a bu yok fa̱k nsum nung nang n shya̱ mi̱ khwo hu da̱nian nggu a̱ni bah. Da̱ a̱kwonu a̱kya, nyi gbang a̱lyia̱ di̱ swuo a̱bung hu dundung mat A̱sham Nkhang Yesu mami chet A̱gwaza hu.

2 Timoti 2:9

Mat A̱sham Nkhang kani nang n shei a̱ni, kikya nang n swuo a̱bung ka. Ku si̱ tat á̱ vwuoi nung ma̱ng a̱nyanyang á̱ ngyei n gyet a̱tyu bwoi a̱bun wa. A̱mgba̱m ma̱ng a̱nia, da̱ mba, á̱ la̱p a̱lyiat A̱gwaza na ma̱ng a̱nyanyang bah.

Filimon 1:13

N za nchat n ghwon gu a̱ji ma̱ng a̱nung, gu nyia̱ nung ta̱m da̱ a̱kwonu ang, nang á̱ nyim nung mi̱ jaru mat A̱sham nkhang Yesu ka a̱ni.

Ibriniyawa 3:1

Mat a̱nia, nyin á̱na̱nyiuk nung ba nyi yet á̱za̱za̱rak á̱niet khwi Yesu, a̱wot nyi si̱ bu yet á̱kpa̱ndang ta̱m nang A̱gwaza yorong nyi nwuo tyok tswazwa hu a̱ni; nyi nyia̱ a̱di̱dam shansham tazwa Yesu, a̱tyu nang zi̱ shei a̱ yet a̱ta̱m A̱gwaza. A̱ si̱ bu yet A̱gba̱ndang Pris a̱ni.

1 Bitut 4:13

Da̱ a̱kwonu a̱kya, si̱ nyi gwai nang nyi nshya̱ dundung ma̱ng Yesu di̱ ya̱shuk huni a̱ni, da̱nian nyi si̱ ba̱ gwai ba̱t a̱tuk nang á̱ na ntyai a̱kyenkyai shi Yesu wu kpa̱sai di̱ bwuok bai nggu hu mi̱ swanta hu a̱ni.

1 Bitut 5:1

Mat a̱nia, n gba nyin, nyin nyi yet á̱niet khwop á̱niet ma̱ á̱niet khwi ba a̱ni. Nung meang n gyet a̱niet khwop a̱niet wa, a̱ ku li swuo a̱bung Kristi hu a̱ni. A̱wot n na mun shya̱ a̱kyenkyai shi nggu wu di̱n jen nang gu na mbai a̱ tyai a̱pyia̱ nggu kpa̱sai mi̱ swanta hu a̱ni.

2 Bitut 1:13

A̱wot ku yet a̱sham, ki̱ n ni̱ shya̱ ma̱ng swuan, n gya a̱son ma̱ng jhyung nyin.

1 Yoona 3:14

Ki̱ zi̱ chat á̱niet khwi á̱ghyang, ku tak nang zi̱ wa ka̱n shot a̱khwu, zi̱ si̱ shya̱ swuan. A̱wot a̱tyu da̱ a̱ chat a̱tyu khwi a̱ghyang a̱ni bah, a̱ ni̱ swan swat a̱khwu hwa.