A̱filibiyawa 1:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ A̱wot n nwuak a̱chuchuk, A̱gwaza a̱ tsa a̱ta̱n ta̱m mami nfwuo nyin na a̱ni, a̱ na ya a̱son ma̱ng ta̱m nggu hu, si̱ nang gu tyak hu a̱tuk nang Kristi Yesu na mbwuok a̱ bai a̱ni.

A̱filibiyawa 1:6 Iomraidhean Croise

Yoona 6:29

Yesu si̱ nwuak mba shim nyia̱, “Ta̱m huni hwa nang A̱gwaza chat nyi nyia̱; nyi nwuak fwuo da̱ a̱tyu nang gu ta̱m ndyo a̱ni.”

Nta̱m A̱yaata̱m 11:18

Nang á̱kum a̱yaata̱m ba nfa̱k a̱lyiat Bitut na a̱ni, ba̱ si̱ shim kyang nang gu lyiat a̱ni. Ba̱ si̱ nwuo dyep A̱gwaza. Ba̱ si̱ nyia̱, “Ka̱ doot zi̱ li nang A̱gwaza nnyia̱ Nnwap na̱ nwai yet A̱yahudawa a̱ni shok; ba̱ ghwon a̱ka̱tuk nyia̱ mba wu, a̱wot ba̱ shya̱ swuan sang sangba̱p ji mameang!”

Nta̱m A̱yaata̱m 16:14

A̱byii̱k a̱ghyang ma̱ á̱nyiuk ba̱ ku myiai a̱fufwuo á̱ fwuong a̱lyiat nzi̱t na a̱ni, ku neet ma̱ a̱keang Tiyata̱ra. Á̱ si̱ ngyei gu Lidiya. A̱ ku lyiai a̱shong a̱yaatoot ba̱ byia̱ kurum ba̱t a̱ni. A̱ si̱ bu yet a̱tyu kwok ntong a̱zaghyi A̱gwaza. A̱gwaza si̱ khwuk fwuo nggu hu. A̱ si̱ san a̱lyiat A̱gwaza nang Bulut shei a̱ni.

1 A̱korontiyawa 1:8

A̱ na tyia̱ nyin nyi yong mi̱ chet nang á̱niet khwi a̱ni si̱ nat sangba̱p. Da̱nian nyi ka yet á̱niet sang a̱bun a̱tuk nang Yesu Kristi A̱tyoli nzi̱t wu na mbwuok a̱ bai a̱ni.

2 A̱korontiyawa 1:15

Mat nang n nwuak a̱chuchuk di̱ si̱sak nang nyi nfi̱k a̱wot nyi si̱ nwuak fwuo da̱ nung a̱ni; n ku chat n tyia̱ nyin a̱li̱ba̱rka a̱ka̱feang di̱ bai byiat nyin hu a̱ka̱feang.

2 A̱korontiyawa 2:3

Mat n ku chat nfwuo nyin na na̱ byian bah. Huhwa si̱ mbyia̱ n ku ndyuut nyin wusika ntsa ji. Mat ki̱ n bai, a̱tyu a̱ myim a̱ tyia̱ nung a̱gba̱ndang a̱gwai a̱ni, n chat nggu wa a̱ byian nung fwuo bah. A̱tsak a̱lyiat, nyi lyen ki̱ n shya̱ ma̱ng a̱gwai, nyin meang, nyi na gwai.

2 A̱korontiyawa 7:16

N shya̱ ma̱ng a̱gwai ma̱nini, mat di̱ kuzang kyang n ba̱ng fwuo da̱ nyin ba̱t.

2 A̱korontiyawa 9:4

Kalak ka̱ á̱niet khwi Ma̱kidoniya á̱ghyang bai ma̱ng a̱nung, a̱wot ba̱ si̱ shya̱ nang nyi ka̱n tung kurum hu bah, zi̱ na fa̱k nsum. Mat n wa ka̱n tak ma̱ng a̱mba nang nyi wa ka̱n tyak tung kurum hu. A̱wot n si̱ mi̱n tak tangka̱i nsum nang nyi na fa̱k tazwa nwai tyak tung kurum hu a̱ni bah.

A̱ga̱la̱tiyawa 5:10

A̱wot n ba̱ng fwuo, A̱tyoli nzi̱t wu Yesu Kristi na tyia̱ nyi nwuak a̱chuchuk di̱ tyiet a̱ka̱laa a̱hwa bah. A̱wot A̱gwaza na faat shi̱ri̱ya tazwa a̱tyu a̱ kwan a̱ tyia̱ nyin, nyi tyia̱ tai, nyi si̱ teap a̱ni.

A̱fisawa 4:12

Kristi nyia̱ a̱nia, da̱nian a̱ ka jhyi á̱niet A̱gwaza ba, ba̱ nyia̱ gu ta̱m da̱nian á̱ ka nok á̱niet khwi ba̱ yet kidee vam nggu ji a̱ni.

A̱filibiyawa 1:10

Mat a̱nia, n chat nyi fi̱k kyang hu ku swak mi̱ yet a̱tan a̱ni, da̱nian nyi ka swan a̱za̱za̱rak nswat ma̱ng sang a̱bun si̱ nat a̱tuk bwuok bai Kristi Yesu ka.

A̱filibiyawa 1:29

Mat A̱gwaza nyia̱ nyin shok di̱ nang nyin a̱wat nyi nwuak fwuo di̱ Yesu Kristi wa ma̱nyin gu bah; a̱wot nyi bu shya̱ a̱wat swuo a̱bung kya da̱nian gu meang.

A̱filibiyawa 2:12

Mat a̱nia, nyin á̱niet khwi Yesu ba nang n chat a̱ni, nyi ku khwi tyiet nung hu nchi̱ri̱ng di̱n jen nang n ku nshya̱ ndung ma̱ng a̱nyin a̱ni. Ma a̱nia wa ma̱ninika, nang n nwai shya̱ ma̱ng nyin a̱ni, ku yet a̱sham a̱ swak ki̱ nyi khwi tyiet nung hu. Nyi kwan nyi nyia̱ ta̱m ku tak nang nyi nshya̱ a̱jhyem san a̱ni. A̱wot nyi khwi A̱gwaza ma̱ng a̱wun ma̱ng nwuak a̱pyia̱ ba̱t.

A̱filibiyawa 2:13

Mat A̱gwaza wa nyia̱ nta̱m na mi̱ nfwuo nyin na. Nggu wa nwuat nyin di̱dang ma̱ng chet nyia̱ nta̱m ku myim a̱tan la̱p sak nggu wu a̱ni.

A̱filibiyawa 2:16

Nyi ba̱ng a̱lyiat na̱ nwuat swuan a̱ni gi̱ngi̱ng, da̱nian a̱tuk ka nang Kristi na mbwuok a̱ bai a̱ni, n ka ntam n bu ndyen nang n tyong a̱buk chung da̱ a̱vwuo nyin bah. A̱wot n ka ntam nang ta̱m nung hu ngyet á̱buk nta̱m wa mami nyin bah.

A̱kolosiyawa 2:12

Jen nang á̱ ku nnyia̱ nyin ba̱ptisman ji a̱ni, ku yet kidee nyi ku khwu á̱ si̱ niat nyin dundung ma̱ng Kristi wa. A̱wot á̱ si̱ bu ta̱ngam nyin dundung ma̱ng a̱nggu. Nyi si̱ shya̱ swuan swai mat nyi nwuak fwuo di̱n chet A̱gwaza. Nggu wa ku ta̱ngam Kristi ma̱ng swuan ma̱ á̱niet ba̱ ka̱n kwi a̱ni.

1 A̱ta̱solonikawa 1:3

Kuzang jen zi̱ ni̱ jhyung nta̱m nang nyi nyia̱ mat nwuak a̱chuchuk a̱ni, ma̱ng chat á̱ghyang ku tyia̱ beang á̱ghyang a̱ni, ma̱ng gbang a̱lyia̱ mat tyia̱ fwuo mami Yesu Kristi a̱ yet A̱tyoli nzi̱t a̱ni.

2 A̱ta̱solonikawa 1:11

Si̱ huni hwa mbyia̱ nang kuzang jen zi̱ ngya a̱son di̱ naai A̱gwaza nzi̱t wu, da̱nian a̱ ka tyia̱ nyi swan tangka̱i swat hu ku myim di̱ si̱sak ji gu ngyorong nyin a̱ni. Zi̱ bu naai gu bu nang nyin chet nyi nyia̱ a̱mgba̱m a̱tan nkyang nang nyi nyia̱, mat nang nyi nnwuak fwuo da̱ nggu a̱ni.

2 A̱ta̱solonikawa 3:4

Zi̱ byia̱ gbang a̱lyia̱ nang A̱tyoli Yesu na ntyia̱ nyi khwi tyiet nzi̱t hu, a̱wot nyi bu ya a̱son ma̱ng khwi huu.

Filimon 1:21

N dyuut ang dyo, n byia̱ gbang a̱lyia̱ a na shim kyang hu n naai ang a̱ni. N dyen a na nyia̱ kyang hu ku swak a̱nia a̱ni.

Ibriniyawa 10:35

Mat a̱nia, nyi yok ghwon tyia̱ fwuo nyin hu ma̱ng nwuak a̱chuchuk da̱ A̱gwaza bah. Nyi jhyung a̱gba̱mgbam zang nang á̱ na tan nyin a̱ni.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

1 Bitut 5:10

A̱wot A̱gwaza a̱ byia̱ a̱mgba̱m shok a̱ni, nggu wa yorong nyin nyi ya gado mi̱ a̱kyenkyai shi sang sangba̱p nggu wu mami a̱lyoot Kristi. Mat a̱nia, ka̱ nyi swuo a̱bung da̱ a̱banjen ma̱ a̱da̱dei, a̱ na bwuok ma̱ng a̱nyin kuzang kyang, a̱ beang nyin, a̱ byia̱k nyin, a̱ tyia̱ nyin chet. A̱wot a̱ kpaat nyin di̱ kuntyin ku byia̱ chet a̱ni.

2 Bitut 3:10

A̱wot mam A̱gwaza hu chobai di̱n jen nang nyi nfa a̱ni bah, ma̱nang a̱tang ni̱ mbai gba̱ngba̱ng di̱n jen nang a lyen a̱ni bah. A̱wot a̱tuk a̱kya, kyai tswazwa hu na swak ma̱ng a̱khwom na̱ tyei a̱wun a̱ni. A̱wot ji̱ na ta̱yuut. A̱wot kuzang kyang mi̱ kyai tswazwa hu na fwui. A̱wot a̱byin ka ma̱ng nkyang na̱ shya̱ ma̱ nka a̱ni, na fwui mameang.