A̱filibiyawa 1:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Mat nyi yet á̱kpa̱ndang ta̱m ndung ma̱ng a̱nung di̱ shei A̱sham Nkhang tazwa Kristi, neet di̱n jen nang nyi ku ntsa fa̱k A̱sham Nkhang ka a̱ni, ba̱ng ba̱ tat a̱fwun.

A̱filibiyawa 1:5 Iomraidhean Croise

Nta̱m A̱yaata̱m 2:42

A̱mgba̱m á̱niet khwi ba si̱ ntyia̱ a̱lyia̱ di̱ khwi tyiet nang a̱yaata̱m Yesu ba tyiet mba a̱ni. Ba̱ si̱ mun á̱pyia̱ ma̱ng ya nkyayak dundung ma̱ng á̱ghyang mba, (mbeang ya nkyayak a̱di̱dam a̱khwu Yesu hu,) ba̱ si̱ bu naai A̱gwaza á̱ nchi̱ri̱ng.

A̱romawa 11:17

Á̱ ku tyap bwak ghyang da̱ a̱tsatsak a̱kwon za̱itun nang á̱ chyui a̱ni. A̱wot nyin Nnwap na̱ nwai yet A̱yahudawa a̱ni, nyin bya yet kidee mbwak a̱kwon za̱itun a̱yit na, nang á̱ fwuop di̱ mbwak nkwon a̱tsatsak a̱kwon za̱itun wu a̱ni. Mat a̱nia, ma̱ninika, nyi na shya̱ a̱li̱ba̱rka Ibrahim wu ma̱nang mbwak a̱kwon nang á̱ fwuop da̱ a̱tsatsak za̱itun a̱ni, ni̱ nshya̱ a̱nwai neet da̱ á̱ni̱nan a̱tsatsak a̱kwon ba a̱ni.

A̱romawa 12:13

Nyi ka̱u nkyang nang nyi byia̱ a̱ni ma̱ng á̱niet khwi A̱gwaza ba̱ sang a̱ni. A̱wot nyi yet á̱niet saai á̱nietchen mbwak nfeang ma̱ a̱ka̱sa nyin na kuzang jen.

A̱romawa 15:26

Mat susot á̱niet khwi ba̱ shya̱ mi̱ nfam bibyin Ma̱kidoniya ma̱ng A̱ka̱ya a̱ni, ba̱ ku tung za̱náng kurum ma̱ng fwuo nyiung ba̱ chat á̱ mbeang á̱kunak na na̱ yet á̱niet khwi A̱gwaza na̱ shya̱ mi̱ Urusha̱lima a̱ni.

1 A̱korontiyawa 1:9

A̱gwaza na nyia̱ si̱ huni, mat a̱ yet a̱tsotswat wa. A̱ na nyia̱ kyang nang gu hyia̱ a̱ni. A̱wot a̱ ka̱n gyorong nyin nyi mun á̱pyia̱ ma̱ng Nggwon nggu ka, Yesu Kristi A̱tyoli nzi̱t wu.

2 A̱korontiyawa 8:1

Á̱na̱nyiuk nzi̱t ba nang zi̱ chat a̱ni, ma̱ninika zi̱ chat zi̱ tak ma̱ng a̱nyin shok nang A̱gwaza wu nyia̱ susot á̱niet khwi ji, ji̱ shya̱ mi̱ fam a̱byin Ma̱kidoniya a̱ni.

A̱fisawa 3:6

La̱p sak ku shya̱ di̱ niat hu a̱ni, huhwa yet; Nnwap na̱ nwai yet A̱yahudawa a̱ni ma̱ng A̱yahudawa ba̱ nwuak a̱chuchuk da̱ A̱sham Nkhang Yesu Kristi ka a̱ni; ba̱ na ya zwá ji yet gado mman A̱gwaza a̱ni dundung. A̱mgba̱m mba, ba̱ yet nkap nia mi̱ vam Kristi Yesu hu. A̱wot a̱mgba̱m ba na shya̱ a̱li̱ba̱rka nang A̱gwaza ku nyia̱ a̱li̱ka̱uli a̱ na nang mba a̱ni, mat ba̱ mun á̱pyia̱ ma̱ng Kristi Yesu.

A̱filibiyawa 1:12

Nyin á̱niet khwi Yesu ba nang n chat a̱ni, n chat nyi lyen swuo a̱bung ku shya̱ nung a̱ji a̱ni. A̱tsak a̱lyiat, ku tyia̱ á̱niet ma̱ a̱di̱di̱t si̱ fa̱k A̱sham Nkhang ka.

A̱filibiyawa 1:16

Á̱niet ba ba̱ shei a̱lyiat A̱gwaza na ma̱ng a̱tan a̱di̱dam a̱ni, ba̱ shei na wa mat ba̱ chat nung. Ba̱ lyen nang A̱gwaza wa nshim á̱ nyim nung mi̱ jaru ji, da̱nian n ka shya̱ a̱wat n tyiet á̱niet a̱chuchuk tazwa A̱sham Nkhang Kristi ka.

A̱filibiyawa 1:27

Kyang ku yet a̱ swak a̱ni, ku yet ta hwa nyi swan nang á̱tsatsak mman a̱byin Ma A̱gwaza tswazwa a̱ni. Nyi swan swat ku myim A̱sham Nkhang Kristi ka a̱ni. A̱wot ka̱ nyi nyia̱ a̱nia, ki̱ n ba̱ mbai n di nyin, ku n ma nfa̱k nkhang nyin nia, n na ndyen nang nyi ngyong mi̱ chet dundung ma̱ng á̱ghyang, di̱ mun á̱pyia̱ ma̱ng la̱p sak nyiung. Nyi bu kwan, nyi ya a̱son ma̱ng tyiet a̱chuchuk tazwa A̱sham Nkhang ka.

A̱filibiyawa 1:7

Mat a̱nia, da̱ a̱vwuo nung, ku myim ba̱t nang n nyia̱ a̱di̱dam a̱nia tazwa nyin a̱ni, mat a̱mgba̱m nyin nyi shya̱ nung mi̱ fwuo. Nyi yet á̱kpa̱ndang nung bya di̱ shya̱ shok A̱gwaza, di̱n jen nang á̱ nda̱p nung ma̱ng a̱nyanyang á̱ si̱ tyia̱ nung mi̱ jaru; a̱wot di̱n jen nang n tyiet á̱niet ba a̱chuchuk tazwa A̱sham Nkhang Yesu ka, n bu ntak nang ka̱ ngyet a̱tsatsak wa a̱ni.

A̱filibiyawa 2:12

Mat a̱nia, nyin á̱niet khwi Yesu ba nang n chat a̱ni, nyi ku khwi tyiet nung hu nchi̱ri̱ng di̱n jen nang n ku nshya̱ ndung ma̱ng a̱nyin a̱ni. Ma a̱nia wa ma̱ninika, nang n nwai shya̱ ma̱ng nyin a̱ni, ku yet a̱sham a̱ swak ki̱ nyi khwi tyiet nung hu. Nyi kwan nyi nyia̱ ta̱m ku tak nang nyi nshya̱ a̱jhyem san a̱ni. A̱wot nyi khwi A̱gwaza ma̱ng a̱wun ma̱ng nwuak a̱pyia̱ ba̱t.

A̱filibiyawa 2:22

A̱wot nyin ma̱ á̱pyia̱ nyin, nyi wa ka̱n dyen nang Timoti wa ka̱n tak nang gu ngyet a̱tsotswat wa. A̱ li ma̱ng a̱nung nang nggwon ma̱ng a̱tyia̱ nka a̱ni. A̱ ka̱n nyia̱ ta̱m shei A̱sham Nkhang Yesu ka dundung ma̱ng a̱nung.

A̱filibiyawa 4:3

Nwan a̱tsotswat a̱kpa̱ndang ta̱m nung, beang á̱nyiuk bani, mat ba̱ ka̱n nyia̱ ta̱m za̱m ma̱ng a̱nung di̱ beang ya a̱son shei A̱sham Nkhang Yesu ka. Ba̱ ku nyia̱ ta̱m hu dundung ma̱ng Ka̱la̱men mbeang á̱kum á̱kpa̱ndang ta̱m nung ba, nang á̱ lyuut lyulyoot mba hu mi̱ Ta̱ka̱da Nswuan hu a̱ni.

Filimon 1:17

Mat a̱nia, ka̱ a kyiak nung nang a̱kpa̱ndang ta̱m ang a̱ni, ma a̱nia wa a na nsan nggu ma̱ cha̱chaat nang a nsan nung a̱ni.

Ibriniyawa 3:14

Mat ki̱ zi̱ nyia̱ tsotswat si̱ nat sangba̱p swuan nzi̱t ji, zi̱ si̱ yong mi̱ chet di̱ nwuak fwuo da̱ A̱gwaza, ma̱nang zi̱ ku ntsa nwuak fwuo hu a̱ni; a̱mgba̱m nzi̱t, zi̱ na yet á̱kpa̱ndang ta̱m zi̱ ya gado dundung ma̱ng Kristi.

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.

1 Yoona 1:3

A̱lyiat Nswuan a̱nia, nang zi̱ ka̱n di zi̱ si̱ bu fa̱k a̱ni, ni̱nia nang zi̱ shei nyin, da̱nian nyi ka mun á̱pyia̱ ma̱ng a̱nzi̱t. A̱wot zi̱ mun á̱pyia̱ dundung ma̱ng A̱tyia̱ nzi̱t wu a̱ yet A̱gwaza a̱ni, mbeang Nggwon nggu ka, Yesu Kristi.

1 Yoona 1:7

A̱wot ki̱ zi̱ swan mami sai hu, ma̱nang A̱gwaza ngyet sai hu a̱ni, zi̱ si̱ byia̱ mun á̱pyia̱ ma̱ng á̱ghyang. A̱wot a̱sok Yesu a̱ yet Nggwon nggu ka a̱ni, si̱ kwi na̱ si̱ jaat nzi̱t a̱mgba̱m a̱ka̱tuk nyia̱ nzi̱t wu.