A̱filibiyawa 1:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Kuzang jen ki̱ n naai A̱gwaza, n ni̱ naai da̱nian a̱mgba̱m nyin, ma̱ng a̱lyia̱ sai.

A̱filibiyawa 1:4 Iomraidhean Croise

Ma̱rkut 5:5

A̱ta̱mam ma̱ng a̱tyetuk, a̱ ni̱ chong a̱ kat tsutsok ma̱ng kuu nang á̱ nsaai nkwom a̱ni. A̱ tyei nkun mi̱ chet a̱ bu khang vam nggu hu ma̱ng nfang.

Luka 15:10

“Ma a̱nia wa ku na ndi da̱ a̱vwuo a̱yaata̱m tswá A̱gwaza. Ba̱ na gwai Ma A̱gwaza tswazwa, di̱n jen ji̱ nang a̱tyu a̱ka̱tuk nyia̱ a̱nyiung nghwon a̱ka̱tuk nyia̱ nggu wu, a̱ si̱ nwuo khwi A̱gwaza a̱ni.”

Luka 15:7

Yesu si̱ nyia̱, “Ma a̱nia wa ku na ndi Ma A̱gwaza tswazwa. Á̱ na gwai di̱n jen nang a̱tyu a̱ka̱tuk nyia̱ a̱nyiung nghwon a̱ka̱tuk nyia̱ nggu wu, a̱wot a̱ si̱ nwuo khwi A̱gwaza a̱ni. A̱gwai a̱nia na swak á̱si̱ á̱niet nswak a̱kubunyiung ma̱ng a̱kubunyiung ba ba̱ yet á̱tsotswat, da̱ ba̱ ka̱n bwuk a̱ni bah!

A̱romawa 1:9

A̱gwaza wu lyen si̱sak nang n naai nggu kuzang jen da̱nian nyin a̱ni. A̱ta̱mam ma̱ng a̱tyetuk, n ni̱ naai A̱gwaza da̱nian nyin, a̱wot gu nang nyin nkyang nang nyi chat a̱ni. A̱gwaza wa nang n nyia̱ nggu ta̱m shei A̱sham Nkhang hu tazwa Nggwon nggu ka Yesu Kristi, ma̱ng fwuo nyiung.

A̱filibiyawa 2:2

Ka̱ a̱nia wa, n naai nyin, nyi tyia̱ nung n shya̱ a̱tsatsak a̱gwai. Nyi yok a̱di̱dam nyin wu a̱ yet kyang nyiung, nyi chat á̱ghyang, a̱wot nyi bu mun á̱pyia̱ ma̱ng la̱p sak nyiung.

A̱filibiyawa 3:18

Mat n ku mi̱ nshei nyin a̱lyiat nani di̱n jen jhyang. A̱wot n bu shei nyin naa ma̱ng ndang a̱ghyi, nang á̱ghyang á̱niet ba̱ swan tangka̱i nswat ku tak nang ba̱ ngyet á̱ka̱tuk á̱niet lak li a̱team a̱khwu Kristi bya a̱ni.

A̱filibiyawa 4:1

Mat a̱nia, nyin á̱niet khwi Yesu ba nang n chat a̱ni, nyi yong chi̱k di̱ nwuak fwuo nyin hu da̱ A̱tyoli Yesu. Mat n fa̱k da̱ nyin, nyi yet á̱kpa̱ndang nung, nyin bya bu yet a̱gwai nung na ma̱ng bung tyok nung ji, ji̱ yet zang ta̱m nung ji a̱ni.

A̱kolosiyawa 2:5

Ku nang n shya̱ zan ma̱ng a̱nyin mi̱ vam a̱ni, a̱mgba̱m ma̱ng a̱nia, fwuo nung hu shya̱ dundung ma̱ng a̱nyin. N shya̱ ma̱ng a̱gwai ba̱t, di̱ si̱sak ji nang nyi mmun á̱pyia̱ ma̱ng á̱ghyang, nyi si̱ nwuak fwuo mi̱ chet di̱ Kristi a̱ni.

1 A̱ta̱solonikawa 1:2

Zi̱ ni̱ gwai A̱gwaza kuzang jen da̱nian nyin a̱mgba̱m. A̱wot zi̱ ni̱ tyia̱ nyin mi̱ naai A̱gwaza nzi̱t hu kuzang jen.

Filimon 1:7

A̱gi̱ngi̱ng a̱na̱nyiuk a̱ khwi Yesu a̱ni, si̱sak ji nang a nchat á̱niet khwi ba a̱ni, nwuak nung a̱lyia̱ sai. A̱wot ku si̱ tyia̱ nung ma̱ng á̱kum á̱niet khwi ka gba̱gbak ba̱t.

2 Yoona 1:4

N gwai za̱m nang n shya̱ mman ang na na̱ khwi a̱chuchuk ma̱ cha̱chaat di̱ si̱sak ji nang A̱gwaza a̱ yet A̱tyia̱ nzi̱t wu ntak zi̱t zi̱ nyia̱ a̱ni.