A̱filibiyawa 1:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ Zi̱ shya̱ mi̱ hyai tangka̱i a̱yaat huni ndung. Nyi ku li nang n hyai tangka̱i a̱yaat huni di̱n jen ji ji̱ swak a̱ni. A̱wot nyi lyen nang n ni̱ shya̱ mami nka ba̱ng ba̱ tat a̱fwun.

A̱filibiyawa 1:30 Iomraidhean Croise

Yoona 16:33

“N wa ka̱n tak ma̱ng nyin nkyang nani, da̱nian nyi ka shya̱ dundung ma̱ng a̱nung. Nyi na shya̱ swat nyinyang. Mi̱ swanta hu nyi na swuo a̱bung. Ma̱ng a̱nia, nyi gwai, mat n wa ka̱n swuo chet swanta hu!”

A̱filibiyawa 1:13

Mat a̱mgba̱m á̱niet nzwang ba ba̱ chok a̱li a̱gwam shan A̱romawa ka a̱ni, ma̱ng á̱ghyang á̱niet a̱ji, ba̱ lyen nang n shya̱ mi̱ la̱p ma̱ a̱nyanyang mi̱ jaru ji, da̱nian shei A̱sham Nkhang Kristi kya.

A̱kolosiyawa 1:29

Huhwa mbyia̱, n si̱ nta̱yuk da̱ a̱gba̱ndang chet Kristi wu, a̱ nyia̱ ta̱m ma̱ nung a̱ni. N si̱ nkwan n si̱ nyia̱ ta̱m shei A̱sham Nkhang hu ba̱t.

A̱kolosiyawa 2:1

N chat nyi lyen si̱sak nang n byia̱ a̱fi̱fa ba̱t da̱nian nyin ma̱ng sot á̱niet khwi ji ji̱ shya̱ ma̱ a̱keang La̱wudikiya a̱ni; mbeang a̱mgba̱m á̱niet khwi ba, ba̱ ka̱n nwai li nung ma̱ng a̱ghyi a̱ni.

1 A̱ta̱solonikawa 2:2

Ma̱nang nyi ndyen zi̱ ku nswuo a̱bung ma̱ng si̱sak ji nang á̱ ku njhyuai nzi̱t á̱ si̱ nyia̱ ma̱ng a̱nzi̱t ma̱ a̱keang Filibi a̱ni, zi̱ si̱ gbang a̱lyia̱ da̱ A̱gwaza nzi̱t wu. Zi̱ si̱ tak nyin A̱sham nkhang nggu ka a̱mgba̱m ma̱ng a̱ka̱tuk nfi̱p wu nang zi̱ ku shya̱ a̱ni.

1 Timoti 6:12

Kwan a̱tan a̱yaat, a tyia̱ a̱lyia̱ di̱ nwuak fwuo da̱ A̱gwaza. A ba̱ng swuan sang sangba̱p ang ji gi̱ngi̱ng. Mat swuan jini ja nang A̱gwaza wu ku ngyorong ang a san, nang a ku ntak a̱tsatsak nwuak a̱chuchuk kpa̱sai a̱zaghyi á̱niet khwi Yesu ma̱ a̱di̱di̱t a̱ni.

2 Timoti 4:7

N kwan a̱tan a̱yaat. N si̱ ntyak chung nung ji. N si̱ nyia̱ tsotswat.

Ibriniyawa 12:1

Mat a̱nia, nang á̱kpa á̱niet ba̱ tak nwuak fwuo mba hu da̱ A̱gwaza nswan, á̱ tyong nzi̱t á̱ keang á̱ nwuan nzi̱t a̱ni, nzi̱t meang ku myim zi̱ ji̱p a̱mgba̱m kuzang kyang ku swan kpa̱p ku na tyia̱ nzi̱t ndyem a̱ni; huhwa yet a̱ka̱tuk nyia̱ nang zi̱ chat nyia̱ ba̱t a̱ni. Yok zi̱ gbang a̱lyia̱, zi̱ tyong chung a̱khwom nang A̱gwaza tyia̱ nzi̱t ndyo a̱zaghyi a̱ni.

Ibriniyawa 12:4

Di̱ kwan nyin hu ma̱ng a̱ka̱tuk nyia̱, nyi ka̱n tat si̱sak nang nyi na nnwuak swuan nyin ji, á̱ hyaai nyin a̱ni bah.

Tyai Á̱zanson 12:11

A̱wot á̱niet khwi Yesu ba si̱ ya Sha̱tan mi̱ zwang ji, mat chet a̱sok Fi̱ng A̱nfwuk hu ma̱ng sheda mba hu tazwa a̱lyiat A̱gwaza. Mat ba̱ chat swuan mba ji shansham bah; a̱wot da̱ mba ba̱ fwuong a̱wun a̱khwu bah.