A̱filibiyawa 1:29 - A̠lyiat A̠gwaza na di̠n Tyap: A̠li̠ka̠uli A̠fai

²⁹ Mat A̱gwaza nyia̱ nyin shok di̱ nang nyin a̱wat nyi nwuak fwuo di̱ Yesu Kristi wa ma̱nyin gu bah; a̱wot nyi bu shya̱ a̱wat swuo a̱bung kya da̱nian gu meang.

A̱filibiyawa 1:29 Iomraidhean Croise

Matyu 16:17

Yesu si̱ nwuak gu shim nyia̱, “Siman a̱fai Yunana a yet a̱tyu a̱li̱ba̱rka wa, mat a̱tyubishyi wa tyai ang a̱lyiat nani bah. A̱tyia̱ nung wu a̱ shya̱ tswazwa ka a̱ni, nggu wa tyai ang ndyo.

Nta̱m A̱yaata̱m 13:39

Konyan wa nwuak fwuo di̱ Yesu, A̱gwaza na tak kpa̱sai nang gu nkyiak gu a̱tsotswat a̱tyu sang a̱bun a̱zaghyi gu. Kyang hu nang doka Musa ji si̱ mi̱n mak nyia̱ a̱ni bah; huhwa hwa.

Nta̱m A̱yaata̱m 14:22

Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”

Nta̱m A̱yaata̱m 14:27

Nang ba̱ nnwuo ma̱ a̱keang Antakiya ka a̱ni, ba̱ si̱ yorong á̱niet khwi ba dundung. Ba̱ si̱ tak ma̱ a̱mba a̱mgba̱m nkyang nang A̱gwaza tyia̱ ba̱ si̱ nyia̱ a̱ni; ma̱ng si̱sak ji nang A̱gwaza ku nkhwuk Nnwap na̱ nwai yet A̱yahudawa na vak meang, ba̱ si̱ nwuak fwuo di̱ Yesu meang a̱ni.

Nta̱m A̱yaata̱m 5:41

A̱yaata̱m Yesu ba si̱ ghwon a̱gba̱ndang a̱tung sot a̱cha̱chet A̱yahudawa wu ma̱ng a̱gwai. Mat A̱gwaza kyiak baa, ba̱ maai ba̱ swuo a̱bung ma̱ng nsum da̱nian a̱lyoot Yesu.

A̱romawa 5:3

Ka̱ zi̱ doot zi̱ bu gwai meang, ku nang zi̱ ni̱ nswuo a̱bung ma̱ng mai a̱ni. A̱mgba̱m ma̱ng a̱nia, zi̱ lyen nang nkyang nani mbeang nzi̱t, a̱wot na̱ tyei nzi̱t, zi̱ gbang a̱lyia̱.

A̱fisawa 2:8

A̱gwaza ku san nyin mat shok nggu ji, di̱n jen nang nyi nnwuak fwuo di̱ Yesu a̱ni. A̱wot si̱ huni yet kwan ma̱ á̱pyia̱ nyin di̱ nyia̱ a̱tan nta̱m hwa bah. Ku yet za̱nang A̱gwaza ja.

A̱kolosiyawa 2:12

Jen nang á̱ ku nnyia̱ nyin ba̱ptisman ji a̱ni, ku yet kidee nyi ku khwu á̱ si̱ niat nyin dundung ma̱ng Kristi wa. A̱wot á̱ si̱ bu ta̱ngam nyin dundung ma̱ng a̱nggu. Nyi si̱ shya̱ swuan swai mat nyi nwuak fwuo di̱n chet A̱gwaza. Nggu wa ku ta̱ngam Kristi ma̱ng swuan ma̱ á̱niet ba̱ ka̱n kwi a̱ni.

Yakubu 1:2

Nyin á̱niet khwi Yesu ba nang n chat a̱ni, jen nang nyi nnwuo mi̱ swuo a̱bung a̱ni, nyi ni̱ nkyiak hu ku yet nyin a̱wat a̱gba̱ndang a̱lyia̱ sai.

1 Bitut 4:13

Da̱ a̱kwonu a̱kya, si̱ nyi gwai nang nyi nshya̱ dundung ma̱ng Yesu di̱ ya̱shuk huni a̱ni, da̱nian nyi si̱ ba̱ gwai ba̱t a̱tuk nang á̱ na ntyai a̱kyenkyai shi Yesu wu kpa̱sai di̱ bwuok bai nggu hu mi̱ swanta hu a̱ni.