A̱filibiyawa 1:27 - A̠lyiat A̠gwaza na di̠n Tyap: A̠li̠ka̠uli A̠fai

²⁷ Kyang ku yet a̱ swak a̱ni, ku yet ta hwa nyi swan nang á̱tsatsak mman a̱byin Ma A̱gwaza tswazwa a̱ni. Nyi swan swat ku myim A̱sham Nkhang Kristi ka a̱ni. A̱wot ka̱ nyi nyia̱ a̱nia, ki̱ n ba̱ mbai n di nyin, ku n ma nfa̱k nkhang nyin nia, n na ndyen nang nyi ngyong mi̱ chet dundung ma̱ng á̱ghyang, di̱ mun á̱pyia̱ ma̱ng la̱p sak nyiung. Nyi bu kwan, nyi ya a̱son ma̱ng tyiet a̱chuchuk tazwa A̱sham Nkhang ka.

A̱filibiyawa 1:27 Iomraidhean Croise

Matyu 12:25

Nang Yesu ndyen a̱di̱dam mba wu a̱ni, a̱ si̱ nyia̱ ma̱ng a̱mba, “Kuzang tyok ku nyia̱ zwang ma̱ng a̱pyia̱ nhu a̱ni, ku na kwa. Ma a̱nia wa, kuzang a̱keang ku a̱li ka̱ nyia̱ jhya̱ tsi̱tsak nka a̱ni, ka̱ na yong bah, ka̱ na kwa.

Nta̱m A̱yaata̱m 2:46

Kuzang a̱tuk ba̱ ku tung mi̱ didyaat A̱li Nwuat Za̱nang A̱gwaza hu. Ba̱ si̱ bu tung á̱ ya nkyayak ma̱ a̱ka̱sa á̱ghyang ma̱ng ya kyayak a̱di̱dam a̱khwu Yesu ma̱ng a̱lyia̱ sai, ma̱ng fwuo nyiung,

Nta̱m A̱yaata̱m 24:24

Á̱ si̱ bwuo mam ma̱ chunchwiit, gwomna Filikut si̱ bwuok a̱ bai mbeang a̱kyuo nggu wu, Durusila. A̱ ku yet a̱nap A̱yahudawa wa. Ba̱ si̱ ta̱m á̱ yorong Bulut gu bai. A̱wot ba̱ si̱ myiai a̱fufwuo á̱ fwuong nang Bulut lyiat tazwa nwuak fwuo di̱ Kristi Yesu.

Nta̱m A̱yaata̱m 4:32

A̱mgba̱m sot á̱niet khwi Yesu ji ku byia̱ a̱nu a̱nyiung ma̱ng fwuo nyiung. Á̱ si̱ mbyia̱ a̱tyo nyiung ma̱ mba a̱ ku kyiak zwá nang gu byia̱ a̱ni; ji̱ yet si̱ nggu ja ma̱nyin nggu bah. Mat a̱nia, ba̱ si̱ ka̱u a̱mgba̱m zwá nang ba̱ byia̱ a̱ni dundung.

A̱romawa 1:16

Mat n fwuong nsum shei A̱sham Nkhang Kristi ka bah. Kikya yet chet A̱gwaza hu ku nyia̱ ta̱m san á̱niet ma̱ a̱di̱di̱t ba̱ nwuak fwuo di̱ Kristi a̱ni; á̱ tsa shei nka hu da̱ a̱vwuo A̱yahudawa, a̱wot á̱ si̱ shei Nnwap na̱ nwai yet A̱yahudawa a̱ni meang.

A̱romawa 1:5

Mat mun á̱pyia̱ nzi̱t hu ma̱ng Kristi, A̱gwaza si̱ fa̱k shok zi̱t, a̱ si̱ khai nzi̱t, a̱ si̱ nwuak nzi̱t a̱wat ma̱ng tyok nang a̱yaata̱m nggu a̱ni, da̱nian zi̱ ka shei A̱sham Nkhang ka da̱ a̱vwuo a̱mgba̱m á̱niet mi̱ bibyin swanta hu, ba̱ ka nwuak fwuo ba̱ khwi Yesu, ba̱ nwuak a̱lyoot nggu ka shi.

A̱romawa 1:9

A̱gwaza wu lyen si̱sak nang n naai nggu kuzang jen da̱nian nyin a̱ni. A̱ta̱mam ma̱ng a̱tyetuk, n ni̱ naai A̱gwaza da̱nian nyin, a̱wot gu nang nyin nkyang nang nyi chat a̱ni. A̱gwaza wa nang n nyia̱ nggu ta̱m shei A̱sham Nkhang hu tazwa Nggwon nggu ka Yesu Kristi, ma̱ng fwuo nyiung.

A̱romawa 10:8

A̱tsak a̱lyiat, ka̱ doot tangka̱i a̱tyu a̱ khwi vak nwuak fwuo da̱ A̱gwaza a̱ nyia̱, “A̱lyiat A̱gwaza na shya̱ kpa̱mkpaan ma̱ng a̱nwan, na̱ shya̱ a̱bwonu ang ka, ma̱ng mami fwuo ang ka.” A̱wot a̱lyiat a̱nia, ni̱nia yet a̱lyiat nwuak fwuo da̱ A̱gwaza nang zi̱ shei a̱ni nyia̱:

A̱romawa 15:16

Shok jini tyia̱ n si̱ ngyet a̱ta̱m nang Kristi Yesu ta̱m nggu da̱ a̱vwuo nyin, nyi yet Nnwap na̱ nwai yet A̱yahudawa a̱ni. N shei nyin A̱sham Nkhang ka, da̱nian n ka neap nyin nang za̱nang a̱ni da̱ a̱vwuo A̱gwaza; nang A̱za̱za̱rak Ntswa wu njaat nyin nyi si̱ tyia̱ za̱za̱rak a̱ni.

A̱romawa 15:29

A̱wot n nwuak a̱chuchuk, jen nang n na mbai da̱ a̱vwuo nyin ka a̱ni, Kristi na tyia̱ nzi̱t a̱li̱ba̱rka gba̱mgbam dundung ma̱ng a̱nyin.

1 A̱korontiyawa 1:10

N naai nyin á̱niet khwi Yesu ba nang n chat a̱ni, mami tyok a̱lyoot A̱tyoli nzi̱t Yesu Kristi, nyi swan swat nyinyang ma̱ng á̱ghyang nyin. Nyi yok ghai di̱ susot bah. Da̱ a̱kwonu a̱kya, nyi swan ma̱ng mun á̱pyia̱, nyi yok a̱di̱dam nyin wu ma̱ng kyang nang nyi chat a̱ni, ku yet nyiung.

1 A̱korontiyawa 15:58

Mat a̱nia, nyin á̱niet khwi Yesu ba nang n chat a̱ni, nyi yong mi̱ chet. Nyi yok shyei bah. Kuzang jen, nyi ni̱ mbyia̱ di̱dang nyia̱ nta̱m A̱gwaza na ma̱ng fwuo nyiung. Mat nyi lyen á̱ mbyia̱ ta̱m nang nyi nyia̱ da̱nian A̱gwaza, ku na yet a̱buk kyang a̱ni bah.

2 A̱korontiyawa 13:11

Nyin á̱niet khwi Yesu ba nang n chat a̱ni, n chat n ngaan wusika nung ji ma̱ng swáng á̱lyiat jini: Yok, nyi yet á̱niet a̱gwai, nyi mban di̱ yet á̱niet tat á̱ghyi di̱ khwi Yesu hu. Nyi tyei á̱ghyang nyin gba̱gbak. Nyi swan swat nyinyang ma̱ng mun á̱pyia̱ ma̱ng á̱ghyang nyin. Mat a̱nia, A̱gwaza a̱ yet a̱tyu chat á̱niet ma̱ng a̱tyu a̱ nwuat swat nyinyang a̱ni, na shya̱ dundung ma̱ng a̱nyin.

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

2 A̱korontiyawa 9:13

Mat ta̱m ka̱u za̱nang kurum hu nang nyi nyia̱ a̱ni, á̱niet khwi mi̱ Urusha̱lima na nwuak A̱gwaza shi. Ma̱nang nyi mbeang mbaa ma̱ng á̱niet khwi á̱ghyang ma̱ng fwuo nyiung a̱ni, ma a̱nia wa ku na ntak nang nyi nkhwi A̱sham Nkhang Yesu Kristi ka.

A̱ga̱la̱tiyawa 1:7

A̱tsak a̱lyiat, ma̱ A̱sham Nkhang a̱nyiung kya nshya̱. A̱wot á̱ghyang á̱niet bya chat ba̱ laai nyin ba̱ chyip a̱tsak tyiet wu a̱ yet a̱si̱ Kristi wu a̱ni ma̱ kpa̱a̱t, á̱ tyia̱ zan.

A̱fisawa 1:13

A̱wot ma̱ninika, nyin Nnwap na̱ nwai yet A̱yahudawa a̱ni meang, nyi ka̱n fa̱k a̱tsatsak a̱lyiat wu, a̱ yet A̱sham Nkhang ka̱ tak si̱sak nang A̱gwaza nsan nyin a̱ni. A̱wot di̱n jen nang nyi nwuak fwuo da̱ Kristi a̱ni, a̱ si̱ tyia̱ nyin a̱timi nyi yet á̱si̱ nggu, a̱ si̱ nang nyin A̱za̱za̱rak Ntswa nang gu nyia̱ a̱li̱ka̱uli a̱ na nang nyin neet gbangbang a̱ni.

A̱fisawa 1:15

N ku nfa̱k si̱sak nang nwuak fwuo nyin hu da̱ A̱tyoli Yesu mbyia̱ chet, ma̱ng si̱sak nyi bu nchat a̱mgba̱m á̱niet khwi A̱gwaza ba mi̱ kuzang a̱vwuo a̱ni.

A̱fisawa 4:1

Mat a̱nia, nung a̱tyu nang á̱ tyia̱ mi̱ jaru, mat n nyia̱ ta̱m A̱tyoli Yesu a̱ni, n naai nyin ma̱sa̱kut, nyi swan tangka̱i swat ku myim ma̱ng si̱sak nang A̱gwaza ngyorong nyin a̱ni.

A̱filibiyawa 1:5

Mat nyi yet á̱kpa̱ndang ta̱m ndung ma̱ng a̱nung di̱ shei A̱sham Nkhang tazwa Kristi, neet di̱n jen nang nyi ku ntsa fa̱k A̱sham Nkhang ka a̱ni, ba̱ng ba̱ tat a̱fwun.

A̱filibiyawa 2:12

Mat a̱nia, nyin á̱niet khwi Yesu ba nang n chat a̱ni, nyi ku khwi tyiet nung hu nchi̱ri̱ng di̱n jen nang n ku nshya̱ ndung ma̱ng a̱nyin a̱ni. Ma a̱nia wa ma̱ninika, nang n nwai shya̱ ma̱ng nyin a̱ni, ku yet a̱sham a̱ swak ki̱ nyi khwi tyiet nung hu. Nyi kwan nyi nyia̱ ta̱m ku tak nang nyi nshya̱ a̱jhyem san a̱ni. A̱wot nyi khwi A̱gwaza ma̱ng a̱wun ma̱ng nwuak a̱pyia̱ ba̱t.

A̱filibiyawa 2:24

A̱wot nung n nwuak a̱chuchuk nang A̱gwaza na nshim nung ma̱ a̱pyia̱ nung, n na mbai n byiat nyin a̱nfaan.

A̱filibiyawa 3:18

Mat n ku mi̱ nshei nyin a̱lyiat nani di̱n jen jhyang. A̱wot n bu shei nyin naa ma̱ng ndang a̱ghyi, nang á̱ghyang á̱niet ba̱ swan tangka̱i nswat ku tak nang ba̱ ngyet á̱ka̱tuk á̱niet lak li a̱team a̱khwu Kristi bya a̱ni.

A̱filibiyawa 3:20

A̱wot nzi̱t, da̱ a̱kwonu a̱kya, zi̱ yet mman a̱byin Ma A̱gwaza tswazwa nia; a̱vwuo ka nang A̱tyoli nzi̱t wu Yesu Kristi nshya̱ a̱ni. A̱wot zi̱ fwuong di̱dang bwuok bai nggu hu; nggu a̱ yet A̱tyusan nzi̱t wu a̱ni.

A̱filibiyawa 4:1

Mat a̱nia, nyin á̱niet khwi Yesu ba nang n chat a̱ni, nyi yong chi̱k di̱ nwuak fwuo nyin hu da̱ A̱tyoli Yesu. Mat n fa̱k da̱ nyin, nyi yet á̱kpa̱ndang nung, nyin bya bu yet a̱gwai nung na ma̱ng bung tyok nung ji, ji̱ yet zang ta̱m nung ji a̱ni.

A̱kolosiyawa 1:10

A̱nia wa, nyi na nswan swat ku na nwuak A̱gwaza shi, a̱wot ku myim nggu kuzang jen a̱ni. Nyi bu nyia̱ kuzang tangka̱i a̱tan nta̱m. Nyi bu mban lyen A̱gwaza hu shansham ba̱t, kuzang jen.

A̱kolosiyawa 1:4

Mat zi̱ ka̱n fa̱k si̱sak nang nyi nnwuak fwuo di̱ Kristi Yesu; ma̱ng si̱sak nang nyi nchat a̱mgba̱m á̱niet khwi A̱gwaza ba a̱ni.

1 A̱ta̱solonikawa 3:6

A̱wot ma̱ninika, Timoti bwuok a̱ neet da̱ a̱vwuo nyin. A̱ si̱ bai ma̱ng a̱nzi̱t nkhang na̱ byia̱ nyinyang di̱ nwuak a̱chuchuk ma̱ng chat á̱ghyang nyin hu a̱ni. A̱ si̱ bu hyia̱ si̱sak ji nyi ni̱ njhyung nzi̱t ma̱ng shok kuzang njen a̱ni. A̱ si̱ tak zi̱t nang nyi mbyia̱ di̱dang li nzi̱t, ma̱nang nzi̱t mameang nfwuong di̱dang li nyin a̱ni.

1 A̱ta̱solonikawa 4:1

Di̱ ngaan hu, á̱niet khwi Yesu ba nang n chat a̱ni, zi̱ naai nyin mami a̱lyoot A̱tyoli nzi̱t wu Yesu, nyi swan swat ku myim A̱gwaza a̱ni, ma̱nang zi̱ ka̱n tyiet nyin a̱ni. Ma a̱nia wa nyi nswan ma̱nini, a̱wot zi̱ tyia̱ nyin gba̱gbak nyi ya a̱son nyi mban di̱ nyia̱ a̱nia hu ba̱t.

1 Timoti 1:11

Tyiet huni nang á̱ tyia̱ nung ndyo mbwak a̱ni, shya̱ cha̱chaat ma̱ng a̱gba̱ndang shi A̱sham Nkhang, nang á̱ shei tazwa A̱gwaza a̱ byia̱ a̱li̱ba̱rka a̱ni.

1 Timoti 1:19

Nwuak fwuo da̱ Kristi, a khwi gu cha̱chaat kuzang jen ma̱ng fwuo nyiung ku nwai kpaat ang a̱ni. Á̱ghyang á̱niet, ba̱ ka̱n dak khwi a̱tan nkyang nang nfwuo mba na tak ku myim ba̱ nyia̱ a̱ni. Mat a̱nia, ma̱nang kukwon a̱wak ni̱ ndwi da̱ a̱fang ku fwuoi ku seang a̱ni. Ma a̱nia wa, á̱niet bani nwuak fwuo mba hu seang.

2 Timoti 4:7

N kwan a̱tan a̱yaat. N si̱ ntyak chung nung ji. N si̱ nyia̱ tsotswat.

Titut 2:10

Ba̱ bu yok kpa bwak. Da̱ a̱kwonu a̱kya, ba̱ nyia̱ tsotswat, ba̱ ka tak á̱niet ba shisham A̱lyiat A̱gwaza A̱tyusan nzi̱t wu kpa̱sai mami kuzang kyang.

Filimon 1:5

Mat n fa̱k si̱sak ji a nchat á̱niet khwi A̱gwaza ba a̱ni, ma̱ng si̱sak ji a nnwuak fwuo di̱ Yesu Kristi a̱ni.

Yakubu 3:18

A̱wot á̱niet ba̱ tyei swat nyinyang a̱ni, ba̱ chyui zwá swat nyinyang ja. A̱wot ba̱ bu na chak ba̱ shya̱ zang nyia̱ tsotswat.

2 Bitut 3:11

Ka̱ A̱gwaza na fwui a̱mgba̱m nkyang nani a̱nia, zang tangka̱i á̱niet hwa myim nyi yet? Ku myim swat nyin hu ku yet a̱za̱za̱rak di̱ khwi A̱gwaza shansham.

2 Bitut 3:14

Mat a̱nia, nyin á̱niet khwi Yesu ba nang n chat a̱ni, nang nyi swan nfwuong a̱tuk a̱kya a̱ni, nyi kwan ba̱t á̱ shya̱ nyin nang nyi swan swat nyinyang ku yet a̱za̱za̱rak a̱ni. Nyi ghwon a̱ka̱tuk nyia̱, nyi yet á̱niet sang a̱bun a̱zaghyi A̱gwaza.

Yahuda 1:3

Nyin á̱kpa̱ndang nung ba nang n chat a̱ni, ku nang n da̱p sak n dyuut nyin wusika jini tazwa san sang sangba̱p nang zi̱ byia̱ mami Yesu a̱ni. A̱wot ma̱ninika, n si̱ bu ndi ku yet nung ta hwa n dyuut nyin a̱lyiat a̱ghyang, da̱nian n ka ntyia̱ nyin gba̱gbak, nyi kwan nyi chok tyiet nwuak a̱chuchuk nzi̱t hu, nang A̱gwaza tyia̱ á̱za̱za̱rak á̱niet khwi nggu ba ndyo mbwak da̱ a̱ka̱nyiung, si̱ nat sang sangba̱p a̱ni.