A̱filibiyawa 1:26 - A̠lyiat A̠gwaza na di̠n Tyap: A̠li̠ka̠uli A̠fai

²⁶ A̱wot di̱dang nung huhwa yet; nyi na dyep Kristi Yesu ba̱t, di̱n jen nang nyi ndi gu bu mbwuok ma̱ng nung a̱ bai ndyo da̱ a̱vwuo nyin a̱ni.

A̱filibiyawa 1:26 Iomraidhean Croise

Yoona 16:22

A̱nia wa ku na ndi da̱ a̱vwuo nyin. Ma̱ninika, nyi shya̱ ma̱ng byian fwuo. A̱mgba̱m ma̱ng a̱nia, n bu na ndi nyin. A̱wot a̱yin si̱ mi̱n ti̱n nyin a̱gwai a̱nia bah.

Yoona 16:24

Ba̱ tat nang yong huni a̱ni, nyi ka̱n dyip kyang da̱ a̱lyoot nung bah. Nyi lyip, nyi na san, da̱nian a̱gwai nyin na na̱ ka yet a̱jhyem.

2 A̱korontiyawa 1:14

ku nang nyi nwai fi̱k zi̱t ma̱nini a̱ni. A̱wot a̱tuk ka nang A̱tyoli Yesu na mbwuok a̱ bai a̱ni, nyi na tam da̱ nzi̱t ma̱nang nzi̱t meang ntam da̱ nyin a̱ni.

2 A̱korontiyawa 5:12

Zi̱ bu lyiat á̱lyiat nani zi̱ ka chyin á̱pyia̱ nzi̱t da̱ a̱vwuo nyin kyaa? Kaai, zi̱ nwuat nyin a̱wat kya nang nyi na ntam da̱ nzi̱t a̱ni. Da̱nian nyi ka nwuak a̱tan nkhang tazwa nzi̱t da̱ a̱vwuo á̱niet nta̱m ba̱ nwai byia̱ a̱tsatsak a̱lyiat mi̱ nfwuo mba na a̱ni. Ba̱ ni̱ tam tazwa nta̱m nang ba̱ nyia̱ á̱niet ba̱ ka nchyin mba wa a̱ni.

2 A̱korontiyawa 7:14

A̱tsak a̱lyiat, n ku hyia̱ ma̱ng Titut, nang n tam da̱ nyin ba̱t. A̱wot nyi ku tyia̱ n si̱ nfa̱k nsum bah. Kuzang jen, n ni̱ hyia̱ ma̱ng a̱nyin a̱tsatsak a̱lyiat. A̱wot ma̱ninika, nkyang nang n tam da̱ a̱vwuo Titut tazwa nyin a̱ni meang, na̱ bai da̱ a̱nu ka.

2 A̱korontiyawa 7:4

N ba̱ng fwuo da̱ nyin ba̱t, n si̱ bu ntam ba̱t da̱ nyin. Nyi tyia̱ nung gba̱gbak ba̱t. A̱wot a̱mgba̱m ma̱ng swuo a̱bung nang zi̱ swuo a̱ni, nyi si̱ tyia̱ nung fwuo sai.

2 A̱korontiyawa 7:6

A̱wot A̱gwaza wu a̱ yet a̱tyu a̱ ni̱ tyei á̱niet ba̱ but mi̱ fwuo a̱ni gba̱gbak, a̱ si̱ tyia̱ nfwuo nzi̱t na gba̱gbak di̱ bai Titut hu.

A̱ga̱la̱tiyawa 6:4

Ku myim konyan ma̱ nyin gu mak ta̱m hu nang gu nyia̱ a̱ni. Mat a̱nia wa gu na nfa̱k nyinyang ka̱ a̱ nyia̱ ta̱m hu shansham. A̱wot gu yok tyan ta̱m a̱pyia̱ nggu ma̱ng si̱ á̱ghyang á̱niet bah.

A̱filibiyawa 3:1

Di̱ ngaan hu, nyin á̱niet khwi Yesu ba nang n chat a̱ni, n chat nyi gwai A̱gwaza wu! N si̱ mi̱n mak van di̱ lyuut nyin a̱lyiat nang n ku nshei nyin di̱n jen jhyang a̱ni bah. N ku nyia̱ a̱nia, da̱nian n ka chok nyin kalak nyi kwa di̱ nwuak a̱chuchuk nyin hu.

A̱filibiyawa 3:3

Mat nzi̱t á̱niet zi̱ dyep A̱gwaza mami A̱za̱za̱rak Ntswa a̱ni, nzi̱t bya yet á̱tsatsak á̱niet A̱gwaza nang á̱ tyei mi̱ chen mami fwuo a̱ni. Zi̱ ta̱yuk di̱ nta̱m nang Kristi Yesu nyia̱ nzi̱t ndyo wa a̱ni. Da̱ nzi̱t, zi̱ tyia̱ fwuo di̱ nta̱m vam a̱tyubishyi bah.

A̱filibiyawa 4:10

N gwai A̱gwaza za̱m, nang nyi bu njhyung nyi beang nung ma̱nini a̱ni. Nyi tak nang nyi ni̱ mbyia̱ fwuo nyi beang nung. A̱tsak a̱lyiat, n dyen nyi ku mi̱ nchat nyi beang nung, a̱wot nyi si̱ shya̱ a̱wat ka bah.

A̱filibiyawa 4:4

Nyi gwai di̱ mun á̱pyia̱ nyin hu ma̱ng A̱tyoli Yesu kuzang jen. N bu nyia̱, nyi ni̱ ngwai!