A̱filibiyawa 1:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ Nang ku ndi a̱nia a̱ni, n nwuak a̱chuchuk n na ngya a̱son ma̱ng shya̱ a̱chet, da̱nian n ka beang nyin nyi mbeang nwuak fwuo da̱ A̱gwaza; a̱wot nyi bu lyen tangka̱i a̱gwai nang nyi byia̱ di̱ nwuak fwuo da̱ nggu a̱ni.

A̱filibiyawa 1:25 Iomraidhean Croise

Luka 22:32

A̱wot nung, n wa ka̱n naai A̱gwaza da̱nian ang Siman; a na but mi̱ fwuo di̱ nwuak fwuo ang hu da̱ nung bah. Mat a̱nia, jen nang a bye mbwuok a bu nwuak fwuo ang da̱ nung mi̱ chet a̱ni, a ba̱ beang á̱kpa̱ndang ta̱m ang ba, ba̱ yong mi̱ chet di̱ nwuak fwuo mba hu da̱ nung.”

Nta̱m A̱yaata̱m 11:23

Jen nang Ba̱nabat si̱ nnwuo, a̱ si̱ li si̱sak nang A̱gwaza nnyia̱ mba shok a̱ni. A̱ si̱ fa̱k fwuo sai ba̱t! A̱wot a̱ si̱ tyia̱ mba gba̱gbak, ba̱ ka yong da̱ a̱chuchuk ba̱ khwi A̱tyoli Yesu ma̱ng fwuo nyiung.

Nta̱m A̱yaata̱m 14:22

Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”

Nta̱m A̱yaata̱m 20:25

“A̱wot ma̱ninika, a̱mgba̱m nyin nang n shei nyin a̱lyiat tazwa Tyok A̱gwaza hu a̱ni, nyi bu na li nung bah.

A̱romawa 15:13

N naai A̱gwaza, a̱ yet a̱tyin tyia̱ fwuo a̱ni, gu nang nyin a̱lyia̱ sai ma̱ng swat nyinyang gba̱mgbam, mat nang nyi nnwuak fwuo da̱ nggu a̱ni. A̱jawa nyi na mbeang gbang a̱lyia̱ ma̱ng tyia̱ fwuo nyin hu gba̱mgbam da̱ nggu, mat nang A̱za̱za̱rak Ntswa wu ntyia̱ nyin chet a̱ni.

A̱romawa 15:18

A̱mgba̱m ma̱ng a̱nia, n si̱ mi̱n mak tam tazwa kyang bah; si̱ mi̱ kyang nang Yesu Kristi tyia̱ n si̱ nyia̱ a̱ni. Nang gu ntyia̱ n si̱ nshei Nnwap na̱ nwai yet A̱yahudawa A̱sham nkhang ka a̱ni, n si̱ mbai ma̱ng a̱mba da̱ a̱vwuo A̱gwaza. A̱ si̱ tyia̱ ba̱ si̱ fa̱k, da̱nian ba̱ ka nwuak fwuo da̱ A̱gwaza.

A̱romawa 15:29

A̱wot n nwuak a̱chuchuk, jen nang n na mbai da̱ a̱vwuo nyin ka a̱ni, Kristi na tyia̱ nzi̱t a̱li̱ba̱rka gba̱mgbam dundung ma̱ng a̱nyin.

A̱romawa 5:2

Mat nang zi̱ nnwuak fwuo da̱ A̱gwaza a̱ni, Kristi si̱ nyia̱ nzi̱t shok. A̱ si̱ nang nzi̱t a̱wat zi̱ shya̱ a̱vwuo yong a̱zaghyi nggu. A̱ja wa nang zi̱ nshya̱ ma̱nini. A̱wot zi̱ ntyia̱ fwuo ma̱ng a̱gwai. Zi̱ nwuan á̱zanson nang zi̱ na nshya̱ shi A̱gwaza hu a̱ni.

2 A̱korontiyawa 1:24

A̱wot si̱ a̱hwa fa zi̱ chat zi̱ nyia̱ nyin tyok di̱ tak ma̱ng a̱nyin si̱sak nyi na nnyia̱ nta̱m ma̱ng nwuak a̱chuchuk nyin hu a̱ni bah. Kaai, zi̱ chat zi̱ nyia̱ nta̱m na dundung ma̱ng a̱nyin, da̱nian nyi ka shya̱ nfwuo sai. Mat nwuak a̱chuchuk nyin hu hwa mbyia̱ nang nyi ngyong mi̱ chet.

A̱filibiyawa 1:24

A̱wot feang hu, n bu chat n gya a̱son ma̱ng shya̱ a̱chet, da̱nian n ka beang nyin.

A̱filibiyawa 2:24

A̱wot nung n nwuak a̱chuchuk nang A̱gwaza na nshim nung ma̱ a̱pyia̱ nung, n na mbai n byiat nyin a̱nfaan.

Filimon 1:22

Kyang nyiung hwa nshya̱, n chat nyi jhyi nung a̱vwuo khwat. Mat n ba̱ng fwuo nang A̱gwaza na nfa̱k a̱mgba̱m naai nyin hu, a̱wot gu bu bwuok ma̱ng a̱nung a̱ bai ndyo da̱ a̱vwuo nyin.

1 Bitut 1:8

Ku nang nyi nwai nwuan gu a̱ni, nyi chat gu. Ku nang nyi nwai nwuan nggu ma̱nini a̱ni, nyi si̱ nwuak fwuo da̱ nggu. Nyi bu byia̱ a̱gba̱ndang a̱lyia̱ sai, ka̱ swak kidee a̱ni.