A̱filibiyawa 1:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ Da̱ a̱vwuo nung, ki̱ n shya̱ a̱chet, n shya̱ a̱chet da̱nian Yesu kya. A̱wot ki̱ n khwu, kikya na yet kpangti̱n nung ji a̱ swak.

A̱filibiyawa 1:21 Iomraidhean Croise

1 A̱korontiyawa 1:30

A̱gwaza wa tyia̱ nyi si̱ mun á̱pyia̱ ndung ma̱ng Kristi Yesu. A̱gwaza si̱ bwuak Kristi a̱ ntyia̱ mumwang nggu nang a̱tyubishyi a̱ni, da̱nian zi̱ ka shya̱ kpangti̱n. Kristi si̱ tyia̱ zi̱ yet á̱tsotswat ma̱ng A̱gwaza. A̱ si̱ jaat zi̱t zi̱ yet a̱za̱za̱rak. A̱wot a̱ si̱ ti̱n zi̱t ma̱ a̱ka̱tuk nyia̱.

1 A̱korontiyawa 3:22

ku nung Bulut, ku A̱folot, ku Bitut, ku swanta, ku swuan ma̱ng a̱khwu, ku swat ma̱nini ma̱ng á̱zanson. Kuzang kyang yet si̱ nyin hwa.

2 A̱korontiyawa 5:1

Mat a̱nia, zi̱ lyen ka̱ á̱ seang suswak huni nang zi̱ nswan mi̱ swanta hu a̱ni; (huhwa yet kidee nvam nzi̱t na, na̱ kwi mi̱ swanta hu a̱ni); zi̱ na shya̱ tangka̱i a̱li a̱ghyang Ma A̱gwaza tswazwa. Ka̱ yet vam sang sangba̱p nang A̱gwaza wa ma̱ a̱pyia̱ nggu nyia̱ nzi̱t ndyo a̱ni. A̱wot a̱tyubishyi wa nyia̱ nhu bah.

2 A̱korontiyawa 5:6

Mat a̱nia, kuzang jen zi̱ ni̱ swan ma̱ng gbang a̱lyia̱. Ku nang zi̱ ndyen nang ki̱ zi̱ ni̱ swuan ma̱ng nvam swanta nani, zi̱ shya̱ a̱mali tswazwa dundung ma̱ng A̱gwaza bah.

2 A̱korontiyawa 5:8

A̱tsak a̱lyiat, zi̱ byia̱ gbang a̱lyia̱ ba̱t. A̱wot zi̱ bu na chat zi̱ shya̱ zan ma̱ng nvam swanta nani, da̱nian zi̱ ka swan a̱mali dundung ma̱ng A̱tyoli nzi̱t wu Yesu.

A̱ga̱la̱tiyawa 2:20

Á̱ ka̱n kpang za̱kwa a̱ka̱tuk nyia̱ nung ji da̱ a̱team a̱khwu ndung ma̱ng Kristi. Ma̱ninika, n swan swat a̱pyia̱ nung hwa bah. A̱wot n swan swat Kristi hwa. A̱wot n swan mi̱ vam mi̱ swanta huni di̱ nwuak fwuo di̱ khwi Nggwon A̱gwaza. Kikya chat nung, ka̱ si̱ nwuak a̱pyia̱ nka da̱nian nung.

A̱ga̱la̱tiyawa 6:14

Nang a̱nung a̱ni, n si̱ mi̱ mak mi̱ mak n tam di̱ nkyang bah, ku ma̱ chunchwiit. Ki̱ n na tam, n na tam da̱ a̱team a̱khwu A̱tyoli nzi̱t wu Yesu Kristi wa ma̱ nyin gu. Mat a̱khwu Yesu kikya da̱ a̱team a̱khwu wu tyia̱ n si̱ nkhwu di̱ fwuong di̱dang nkyang swanta na. A̱wot swanta hu meang, si̱ kyiak nung nang kyang a̱ni bah.

A̱filibiyawa 1:20

Mat n tyia̱ fwuo ma̱ng di̱dang, n si̱ mba̱ng fwuo ba̱t, nang n si̱ mi̱n mak fa̱k nsum bah. A̱wot n na chat n gya a̱son ma̱ng gbang a̱lyia̱ di̱ shei A̱sham Nkhang tazwa Kristi, ma̱nang n ku nnyia̱ di̱n jen ji ji̱ swak a̱ni. A̱wot n nwuak a̱chuchuk tangka̱i swat nang n swan a̱ni, na nwuak Kristi shi, ku nang n shya̱ a̱chet, ku nang n ka̱n khwu.

A̱filibiyawa 1:22

A̱wot ki̱ n shya̱ a̱chet mi̱ vam huni, n na ngya a̱son mi̱ nyia̱ Kristi a̱tan nta̱m mi̱ swanta hu. Ma̱ng a̱nia, yihwa n na khai, a̱khwu kya kee, shya̱ a̱chet hwa? N dyen bah!

A̱filibiyawa 1:23

Ku vwuo nung a̱khwu n khai mi̱ nkyang nfeang nang n byia̱ di̱dang a̱ni: Nyiung hu, huhwa yet; n chat nat da̱ a̱vwuo Kristi. Huhwa lan nung ma̱ za̱nzan.

A̱filibiyawa 2:21

A̱wot á̱kum á̱niet ka, konyan ma̱ mba nyia̱ a̱di̱dam tazwa ya a̱son a̱pyia̱ nggu kya. Da̱ mba, ba̱ chat si̱sak nang ba̱ na nnyia̱ nkyang na nang Yesu Kristi chat a̱ni bah.

A̱kolosiyawa 3:4

A̱wot jen nang Kristi a̱ yet a̱tyin nwuat nyin swuan na mbwuok a̱ bai kpa̱sai mi̱ swanta hu a̱ni; ma a̱nia wa nyin meang, á̱ na tyai nyin kpa̱sai nyi shya̱ dundung ma̱ng a̱nggu ma̱ a̱kyenkyai shi wu.

Tyai Á̱zanson 14:13

N si̱ bu nfa̱k a̱nwuat ka̱ neet Ma A̱gwaza tswazwa nyia̱, “Lyuut si̱ huni: A̱li̱ba̱rka shya̱ da̱ á̱niet ba̱ kwi mi̱ khwi A̱gwaza, doot ma̱ninika si̱ nat á̱zanson!” A̱za̱za̱rak Ntswa wu si̱ nyia̱, “A̱tsatsak a̱lyiat wa ba̱t; ba̱ na̱ fwung swuo a̱bung mba hu, mat ba̱ na san zang nta̱m mba ji!”