A̱filibiyawa 1:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ Mat n tyia̱ fwuo ma̱ng di̱dang, n si̱ mba̱ng fwuo ba̱t, nang n si̱ mi̱n mak fa̱k nsum bah. A̱wot n na chat n gya a̱son ma̱ng gbang a̱lyia̱ di̱ shei A̱sham Nkhang tazwa Kristi, ma̱nang n ku nnyia̱ di̱n jen ji ji̱ swak a̱ni. A̱wot n nwuak a̱chuchuk tangka̱i swat nang n swan a̱ni, na nwuak Kristi shi, ku nang n shya̱ a̱chet, ku nang n ka̱n khwu.

A̱filibiyawa 1:20 Iomraidhean Croise

Yoona 21:19

(Yesu ku hyia̱ si̱ huni da̱nian gu ka tak tangka̱i a̱khwu nang Bitut na̱ khwu, ka̱ ka nwuak A̱gwaza shi a̱ni). A̱wot Yesu si̱ nyia̱ ma̱ng Bitut, “Khwi nung!”

Nta̱m A̱yaata̱m 20:24

A̱mgba̱m ma̱ng a̱nia, n kyiak swuan nung ji ji̱ yet kyang bah. Ta̱m nang A̱tyoli Yesu nwuak nung n nyia̱ a̱ni, huhwa nang n chat n tyak; n shei A̱sham Nkhang tazwa a̱gba̱ndang shok A̱gwaza.

Nta̱m A̱yaata̱m 21:13

A̱mgba̱m ma̱ng a̱nia, Bulut si̱ nyia̱ ma̱ng a̱mba, “Yihwa mbyia̱ nyi ntwei? Nyi tyei nung byian fwuo! N fwuong á̱ nyim nung mi̱ jaru ja ma̱nyin ji ma̱ a̱keang Urusha̱lima ka bah. A̱wot ku a̱khwu kya, n shim n khwu da̱nian A̱tyoli Yesu!”

Nta̱m A̱yaata̱m 4:31

Nang ba̱ ntyak naai A̱gwaza hu a̱ni, tutu hu nang ba̱ ntung a̱ni, si̱ tyi̱ri̱m ku si̱ tyia̱ ma̱ zunzung a̱nzung! A̱za̱za̱rak Ntswa wu si̱ tyia̱ mba chet. A̱wot ba̱ si̱ ta̱bat shei á̱lyiat A̱gwaza na ma̱ng gbang a̱lyia̱.

A̱romawa 12:1

Mat a̱nia, nyin á̱na̱nyiuk nung ba, nyi yet á̱niet khwi Yesu nang n chat a̱ni, n naai nyin, mat nang A̱gwaza ka̱n fa̱k kunak nyin ba̱t a̱ni, nyi neap nvam nyin na nang a̱chet ma̱ng a̱za̱za̱rak za̱nang ji̱ myim A̱gwaza a̱ni. Tangka̱i neap za̱nang huni hwa yet a̱tsatsak nvak wu nang nyi na nkyuak A̱gwaza ntong a̱ni.

A̱romawa 5:5

A̱wot ki̱ zi̱ ntyia̱ fwuo hu a̱ni, zi̱ si̱ mi̱n swuo nsum bah, ku ma̱ chunchwiit. Zi̱ fi̱k si̱sak nang A̱gwaza nchat zi̱t a̱ni ba̱t, mat a̱ ka̱n nang nzi̱t A̱za̱za̱rak Ntswa wu, da̱nian gu ka swan mi̱ nfwuo nzi̱t na gba̱mgbam.

A̱romawa 6:13

Nyi bu yok nwuak nkap nvam nyin na na̱ yet nkyang ta̱m a̱ka̱kpa̱t. A̱wot nyi bu nnyia̱ a̱ka̱tuk nyia̱ ma̱ng á̱na bah. Da̱ a̱kwonu a̱kya, nyi nwuak á̱pyia̱ nyin jhyem da̱ a̱vwuo A̱gwaza. Mat, nyi ka̱n kwi di̱ nyia̱ a̱ka̱tuk. A̱wot ma̱ninika, á̱ ta̱ngam nyin ma̱ng swuan swai ma̱ á̱niet ba̱ ka̱n kwi a̱ni. Mat a̱nia, si̱ nyi nyia̱ ta̱m ma̱ng a̱mgba̱m nvam nyin na, na̱ yet nkyang a̱tan nta̱m, da̱nian nyi ka nwuak A̱gwaza shi.

A̱romawa 6:19

Mat nang za̱kwa yet á̱nietbishyi nyin ji mbyia̱ lat a̱ni, n dyiat ma̱ng a̱nyin di̱ kidee nyia̱ khwo, n ka beang nyin nyi fi̱k a̱mgba̱m tyiet huni. Di̱n jen swak ji, nyi ku shim nyi yet á̱khwo a̱shi̱shi̱k nyia̱ ma̱ng tsot wun ku kwak nyin nyi mbeang nyia̱ a̱ka̱tuk nyia̱ a̱ni. A̱wot ma̱ninika, ku yet ta hwa nyi nwuak á̱pyia̱ nyin, nyi yet á̱khwo di̱ swat tsotswat hwa da̱nian nyi ka yet á̱za̱za̱rak á̱niet.

A̱romawa 8:19

A̱mgba̱m nkyang nang A̱gwaza mat mi̱ swanta hu a̱ni, na̱ twei ma̱ng a̱khwu ma̱ng di̱dang na̱ li mam a̱hwa á̱zanson nang A̱gwaza na ntyai tangka̱i á̱niet nang mman nggu na yet a̱ni.

A̱romawa 9:33

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “N na kpaat a̱fang mi̱ Si̱hiyona; a̱fang ka̱ tyei á̱niet ma̱ a̱di̱di̱t ba̱ ga̱u a̱ni. A̱wot a̱fang kani na tyia̱ á̱niet ma̱ a̱di̱di̱t ba̱ kwa. A̱wot konyan a̱ nwuak fwuo da̱ nggu a̱ni, a̱tyu a̱wa na swuo nsum bah.”

1 A̱korontiyawa 15:31

Nyin á̱niet khwi Yesu ba nang n chat a̱ni, ma̱nang n tam di̱ kyang nang Kristi Yesu A̱tyoli nzi̱t wu nyia̱ nyin dyo a̱ni; ma a̱nia wa, a̱tsak a̱lyiat n shyi, n nwuan a̱khwu kuzang a̱tuk.

1 A̱korontiyawa 6:20

mat A̱gwaza wa san nyin, a̱ si̱ tan ma̱ng a̱tsatsak nzang. Mat a̱nia, ku yet ta hwa nyi tyei nvam nyin na na̱ nwuak A̱gwaza shi.

1 A̱korontiyawa 7:34

A̱wot fwuo a̱tyok hu ni̱ ka̱u a̱ka̱feang. Ma a̱nia wa, a̱byii̱k a̱ ka̱n nyeang, a̱wot a̱ si̱ doot a̱ swan da̱ ma̱ a̱tyok, ku a̱byii̱k a̱ ka̱n mak nyia̱ nyeang a̱ni bah; ka̱ a̱ doot a̱ nwuak a̱pyia̱ nggu di̱ nta̱m A̱gwaza. A̱wot a̱ bu swan a̱za̱za̱rak nswat mi̱ vam ma̱ng tswa. A̱wot a̱byii̱k nyeang, ku yet ta hwa gu nyia̱ a̱di̱dam di̱ nkyang swanta, ma̱ng si̱sak ji nang gu na ntyia̱ a̱tyok nggu wu a̱ fa̱k nyinyang a̱ni.

2 A̱korontiyawa 10:8

Shimba nyi na li á ngyei n tam ma̱ sa̱t tazwa tyok nang A̱tyoli Yesu nwuak zi̱t a̱ni. A̱mgba̱m ma̱ng a̱nia, tyok nzi̱t hu yet si̱ ku tyei nyin ya a̱son mi̱ chet mi̱ khwi Yesu hu hwa a̱ni. Ku yet si̱ ku na bwuok ma̱ng a̱nyin lilyim kya a̱ni bah. Mat a̱nia, n na fa̱k nsum di̱ nyia̱ ta̱m ma̱ng tyok nung hu bah.

2 A̱korontiyawa 3:12

Mat a̱nia, nang zi̱ mbyia̱ tangka̱i tyia̱ fwuo di̱ nta̱m nfai huni a̱ni, huhwa mbyia̱ nang zi̱ mbyia̱ gbang a̱lyia̱ hu za̱m.

2 A̱korontiyawa 4:10

Di̱n jen swuo a̱bung, nvam nzi̱t na ni̱ ya a̱son ma̱ng mun á̱pyia̱ ndung da̱ a̱khwu Yesu ka, mat á̱ ka li tangka̱i nswat Yesu hu mi̱ nvam nzi̱t na mameang.

2 A̱korontiyawa 5:15

Yesu ku khwu da̱nian a̱mgba̱m á̱niet ba, ba̱ ka san swuan swai nggu ji, a̱wot ba̱ bu na swan swat á̱pyia̱ mba bah. Da̱ a̱kwonu a̱kya, ba̱ na swan swat ku myim Kristi a̱ni. Da̱nian mba kya nang gu ku nkhwu, a̱wot á̱ si̱ bu ta̱ngam guu ma̱ng swuan ma̱ á̱niet ba̱ ka̱n kwi a̱ni.

2 A̱korontiyawa 7:14

A̱tsak a̱lyiat, n ku hyia̱ ma̱ng Titut, nang n tam da̱ nyin ba̱t. A̱wot nyi ku tyia̱ n si̱ nfa̱k nsum bah. Kuzang jen, n ni̱ hyia̱ ma̱ng a̱nyin a̱tsatsak a̱lyiat. A̱wot ma̱ninika, nkyang nang n tam da̱ a̱vwuo Titut tazwa nyin a̱ni meang, na̱ bai da̱ a̱nu ka.

2 A̱korontiyawa 7:4

N ba̱ng fwuo da̱ nyin ba̱t, n si̱ bu ntam ba̱t da̱ nyin. Nyi tyia̱ nung gba̱gbak ba̱t. A̱wot a̱mgba̱m ma̱ng swuo a̱bung nang zi̱ swuo a̱ni, nyi si̱ tyia̱ nung fwuo sai.

A̱filibiyawa 1:14

A̱wot nang á̱ nnyim nung mi̱ jaru ji a̱ni, ku tyia̱ á̱niet khwi A̱tyoli Kristi ma̱ a̱di̱di̱t a̱ji si̱ mbeang gbang a̱lyia̱ hu. Ba̱ si̱ shei a̱lyiat A̱gwaza na ma̱ sa̱t, di̱ mi̱n fa̱k a̱wun.

A̱filibiyawa 2:17

Ka̱ a̱nia wa, n na nfa̱k fwuo sai, ku nang n na ndyin swuan nung ji, nang á̱ ni̱ nkoot za̱nang ji yet a̱sok a̱zaghyi A̱gwaza a̱ni. Za̱nang jini bu tai á̱tsotswat nta̱m nyin wu na̱ yet kidee za̱nang a̱zaghyi A̱gwaza a̱ni. A̱mgba̱m ma̱ng a̱nia, n chat a̱mgba̱m nyin nyi beang nung a̱gwai a̱nia.

A̱kolosiyawa 1:24

A̱wot ma̱ninika, n gwai n swuo a̱bung da̱ a̱mgba̱m nkyang nang Kristi chat n swuo a̱bung da̱nian nggu a̱ni. A̱wot n gya a̱son ma̱ng swuo a̱bung huni mi̱ vam nung hu, da̱nian n ka beang vam nggu hu; huhwa yet á̱niet khwi nggu ba.

1 A̱ta̱solonikawa 5:23

Ma̱ninika, yok A̱gwaza ma̱ a̱pyia̱ gu a̱ nwuat swat nyinyang a̱ni, gu jaat a̱mgba̱m nyin nyi yet a̱za̱za̱rak a̱jhyem. Yok á̱ bu tyia̱ a̱mgba̱m tswá nyin ji, nfwuo nyin na, ma̱ng nvam nyin na, na̱ sang a̱bun, si̱ nat jen ji nang A̱tyoli nzi̱t wu, Yesu Kristi, na mbwuok a̱ bai a̱ni.

1 Bitut 4:16

A̱wot ka̱ nyi swuo a̱bung da̱nian nyi yet á̱niet khwi Yesu bya, nyi yok fa̱k nsum bah. Nyi dyep A̱gwaza mat a̱wat nang nyi shya̱ á̱ yei nyin da̱ a̱lyoot Yesu a̱ni!

1 Yoona 2:28

Ma̱ninika, mman nung na na̱ yet á̱niet khwi Yesu nang n chat a̱ni, nyi ya a̱son ma̱ng byia̱ a̱meang di̱ mun á̱pyia̱ nyin hu ndung ma̱ng Kristi. Da̱nian jen ji nang gu na mbwuok a̱ bai a̱ni, nyi ka gbang a̱lyia̱, a̱wot nyi bu fa̱k nsum yong a̱zaghyi nggu bah.