A̱filibiyawa 1:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Mat n dyen ma̱nang nyi nnaai A̱gwaza da̱nian nung a̱ni, A̱za̱za̱rak Ntswa Yesu Kristi wu na beang nung, a̱ san nung á̱ ti̱n nung mi̱ jaru ji.

A̱filibiyawa 1:19 Iomraidhean Croise

Nta̱m A̱yaata̱m 16:7

Jen nang á̱niet Bulut ntat gak a̱byin Misiya hu a̱ni, ba̱ si̱ chong á̱ tyia̱ a̱za mi̱ fam a̱byin Bitiniya. A̱wot A̱za̱za̱rak Ntswa wu si̱ bu shim ba̱ nat a̱ja bah.

A̱romawa 8:28

A̱wot zi̱ lyen nang A̱gwaza nnyia̱ ta̱m kuzang jen, da̱nian a̱ ka nyia̱ a̱tan nta̱m a̱ mbeang á̱niet ba̱ chat gu a̱ni. Bibya yet á̱niet nang gu khai cha̱chaat ma̱nang gu nda̱p a̱ sak a̱ni.

A̱romawa 8:9

A̱wot nyin, za̱kwa a̱ka̱tuk nyia̱ ja nyia̱ tyok da̱ nyin bah. A̱za̱za̱rak Ntswa wa nyia̱ tyok hu da̱ nyin; ka̱nang a̱tsak a̱lyiat wa nang A̱za̱za̱rak Tswa A̱gwaza wu shya̱ mi̱ nfwuo nyin na. (A̱wot nyi yok bwung bah, a̱mgba̱m á̱niet nang A̱za̱za̱rak Ntswa Kristi wu nwai shya̱ mi̱ nfwuo mba na a̱ni, ba̱ yet á̱niet khwi Kristi bya bah, ku ma̱ chunchwiit.)

1 A̱korontiyawa 4:17

Huhwa mbyia̱, n ku nta̱m ma̱ng a̱nyin Timoti, a̱tyu a̱ yet nggwon nung nang n chat mami A̱tyoli Yesu a̱ni, a̱ bu yet a̱tsotswat a̱yin wa di̱ khwi A̱gwaza. Nggu wa na jhyung nyin si̱sak ji nang n nkhwi Kristi Yesu a̱ni; ma̱nang n tyiet a̱mgba̱m susot á̱niet khwi ji mi̱ kuzang a̱keang nang n nat a̱ni.

2 A̱korontiyawa 1:11

A̱wot nyin meang, si̱ nyi beang nzi̱t ma̱ng naai A̱gwaza, da̱nian A̱gwaza mat shok nggu ji, a̱ ka fa̱k naai nyin hu gu chok zi̱t. A̱wot á̱ghyang á̱niet ma̱ a̱di̱di̱t na gwai A̱gwaza da̱nian nzi̱t.

A̱ga̱la̱tiyawa 3:5

N bu na ndyip nyin, nang A̱gwaza ni̱ nnwuak nyin A̱za̱za̱rak Ntswa nggu wu, a̱wot a̱ si̱ nwuak nyin chet nyia̱ nkyang a̱ri̱bi̱di na a̱ni, mat nyi ni̱ khwi doka jaa? Kaai, ku ma̱ chunchwiit! A̱gwaza ni̱ ka̱u nyin A̱za̱za̱rak Ntswa wu, mat nyi ni̱ nwuak a̱chuchuk da̱ A̱sham Nkhang ka nang nyi ni̱ fa̱k tazwa Kristi kya a̱ni.

A̱ga̱la̱tiyawa 4:6

Mat nang nyin ma̱ng a̱nzi̱t ngyet mman nia a̱ni, A̱gwaza si̱ ta̱m ma̱ng A̱za̱za̱rak Ntswa Nggwon nggu wu mi̱ nfwuo nzi̱t na. Nggu wa tyei nang zi̱ ngyei A̱gwaza, “Abba, A̱tyia̱!”

A̱filibiyawa 1:18

A̱mgba̱m ma̱ng a̱nia, ku shyak kyang bah! Ku a̱di̱dam mba wu yet a̱ka̱laa nia, ku a̱ ma ngyet a̱tsatsak wa, a̱gba̱ndang kyang wu wa yet; di̱ kuzang vak, á̱ shei A̱sham Nkhang Kristi ka. Mat a̱nia, n na gwai, n bu ngya a̱son ma̱ng a̱gwai.

1 Bitut 1:11

Nang A̱za̱za̱rak Ntswa a̱ bu yet a̱si̱ Kristi wu ntyia̱ a̱yaata̱m a̱kwonu A̱gwaza ba si̱ shei a̱lyiat nggu na di̱ kyang á̱ la̱p á̱ sak ku na bai á̱zanson a̱ni. Ba̱ si̱ zop mami a̱lyiat a̱nia da̱ a̱cha̱chaat njen ma̱ng si̱sak ji nang Kristi na nswuo a̱bung, a̱wot a̱ bu shya̱ a̱gba̱ndang a̱kyenkyai shi á̱zanson a̱ni.