A̱filibiyawa 1:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Mba á̱niet a̱bya ba̱ shei A̱sham Nkhang Kristi ka di̱ ma̱ a̱tan a̱di̱dam a̱ni; ba̱ shei nka wa mat nang ba̱ nchat á̱pyia̱ mba a̱ni. Da̱ mba, ba̱ shei nkaa ma̱ng fwuo nyiung bah. A̱wot ba̱ byia̱ a̱di̱dam nang ba̱ na mbeang nung swuo a̱bung hu nang n swuo mi̱ jaru ji a̱ni.

A̱filibiyawa 1:17 Iomraidhean Croise

Luka 21:14

Mat a̱nia, nyi yok nyia̱ a̱fi̱fa á̱zanson tazwa si̱sak nang nyi na nnwuak shim di̱n jen nang á̱ na mbat nyin a̱hyiak a̱ni bah.

Nta̱m A̱yaata̱m 22:1

Bulut si̱ nyia̱ ma̱ng a̱mba, “A̱yaatyia̱ ma̱ng á̱na̱nyiuk nung nang n chat a̱ni, nyi myiai a̱fufwuo nyi fa̱k si̱ nung ta̱fwat ji!”

Nta̱m A̱yaata̱m 26:1

A̱jawa a̱gwam A̱ga̱riba si̱ nyia̱ ma̱ng Bulut, “Á̱ nwuak ang shim a hyia̱ ta̱fwat ang ji.” A̱jawa Bulut si̱ neap bwak. A̱ si̱ ta̱bat shei mba ta̱fwat ji nang gu byia̱ a̱ni. A̱ si̱ nyia̱,

Nta̱m A̱yaata̱m 26:24

Mi̱ di̱ yong a̱hwa, gwomna Festut si̱ kam Bulut nyia̱, “Bulut, a tyong jhyiip! A̱di̱di̱t fang ta̱ka̱da ang wu tyia̱ ang tyong jhyiip!”

A̱romawa 2:8

Ma a̱nia wa, á̱niet chat á̱pyia̱, á̱niet lak khwi a̱tsak a̱lyiat, ma̱ng á̱niet ba̱ swan swat a̱ka̱tuk nyia̱ a̱ni; A̱gwaza na fa̱k a̱lyia̱ ya ma̱ng a̱mba ba̱t. A̱wot a̱ tak ba mwai lyen nggu hu kpa̱sai.

A̱filibiyawa 1:18

A̱mgba̱m ma̱ng a̱nia, ku shyak kyang bah! Ku a̱di̱dam mba wu yet a̱ka̱laa nia, ku a̱ ma ngyet a̱tsatsak wa, a̱gba̱ndang kyang wu wa yet; di̱ kuzang vak, á̱ shei A̱sham Nkhang Kristi ka. Mat a̱nia, n na gwai, n bu ngya a̱son ma̱ng a̱gwai.

A̱filibiyawa 1:7

Mat a̱nia, da̱ a̱vwuo nung, ku myim ba̱t nang n nyia̱ a̱di̱dam a̱nia tazwa nyin a̱ni, mat a̱mgba̱m nyin nyi shya̱ nung mi̱ fwuo. Nyi yet á̱kpa̱ndang nung bya di̱ shya̱ shok A̱gwaza, di̱n jen nang á̱ nda̱p nung ma̱ng a̱nyanyang á̱ si̱ tyia̱ nung mi̱ jaru; a̱wot di̱n jen nang n tyiet á̱niet ba a̱chuchuk tazwa A̱sham Nkhang Yesu ka, n bu ntak nang ka̱ ngyet a̱tsatsak wa a̱ni.

A̱filibiyawa 2:3

Nyi yok chat á̱pyia̱ nyi kyiak nang nyi ndan á̱ghyang á̱niet bah. Nyi bu yok nyia̱ mi̱ ta̱m nang nyin ma̱ng á̱ghyang á̱niet na ntam wa a̱ni bah. Da̱ a̱kwonu a̱kya, nyi ni̱ nghyuai á̱pyia̱ nyin, a̱wot konyan a̱ kyiak nang á̱ghyang á̱niet ndan nggu.

1 Timoti 2:7

Mat tak ta̱m jini kpa̱sai hwa, nang á̱ ku ntyia̱ nung n gyet a̱ta̱m Yesu ma̱ng a̱tyu shei A̱sham Nkhang wu. N si̱ bu ngyet a̱tyu tyiet nwuak a̱chuchuk ma̱ng a̱tsatsak da̱ a̱vwuo Nnwap na̱ nwai yet A̱yahudawa a̱ni. N shei a̱tsak a̱lyiat wa, la hwa nang n bwoi bah.

2 Timoti 2:9

Mat A̱sham Nkhang kani nang n shei a̱ni, kikya nang n swuo a̱bung ka. Ku si̱ tat á̱ vwuoi nung ma̱ng a̱nyanyang á̱ ngyei n gyet a̱tyu bwoi a̱bun wa. A̱mgba̱m ma̱ng a̱nia, da̱ mba, á̱ la̱p a̱lyiat A̱gwaza na ma̱ng a̱nyanyang bah.

2 Timoti 4:16

A̱tuk tsa shi̱ri̱ya nung ka a̱zaghyi a̱tyu shi̱ri̱ya wu, n ku ngyong ma̱nyin nung. A̱yin ku li̱n nung a̱ma bah. Da̱ a̱kwonu a̱kya, konyan ku tyong zan a̱ si̱ ghwon nung. A̱gwaza gu yok ba̱ng mba da̱ a̱bun a̱wa bah.